MAHALLIY YANGILIKLAR

Ўзбекистон Миллий олимпия қўмитасининг  COVID-2019 Пандемиясига қарши курашда спорт жамоатчилиги, федерация (ассоциация)лар ва қўмита ходимларига баёноти.

Азиз ҳамюртим, ўзингиз ва яқинларингизнинг саломатлиги учун уйда қолинг!

Карантин – бу оила даврасида қолиб, уй юмушларига ёрдамлашиш, шу билан бирга спорт машғулотларини канда қилмаган ҳолда китоб мутолааси билан шуғулланиш учун ҳам ажойиб имкониятдир. Карантин даврида уйда қолинг, спорт билан шуғулланинг ва албатта китоб ўқинг.

Сабина Умарова – енгил атлетика бўйича терма жамоа аъзоси

Jismoniy tarbiya va sport vazirining tegishli buyrugʻi bilan vazirlik tizimida faoliyat koʻrsatayotgan barcha taʼlim muassasalari, jumladan Oʻzbekiston davlat jismoniy tarbiya va sport universiteti, Respublika Olimpiya zaxiralari maktab-internatlari, Olimpiya va milliy sport turlariga ixtisoslashtirilgan maktab internatlar, IBOʻSMlar, BOʻSMlaridagi pullik va bepul toʻgaraklar, shuningdek, yopiq suzish havzalaridagi barcha toʻgaraklar nomuayyan muddatga taʼtilga chiqarilgan edi.

Shunday boʻlsada, aholi oʻrtasida boʻsh vaqtni mazmunli tashkil etishda uy sharoitida sport bilan muntazam shugʻullanishni tashkil etish borasida Jismoniy tarbiya va sport vazirligi tomonidan bir qator ishlar amalga oshirilmoqda.

Jumladan, Sirdaryo viloyatidagi barcha bolalar-oʻsmirlar sport maktabi sportchi oʻquvchilari karantin davrida kunni mazmunli oʻtkazish hamda sport formasini bir maromda ushlab turish maqsadida uydan chiqmagan holda ertalabki badantarbiya va sport mashgʻulotlarini trenerlar tomonidan berilgan koʻrsatmaga asosan “Biz uyda qolib dunyoni qutqaramiz”, “Koronavirusga qarshi bir safdamiz”, “Virusdan ishonchli himoya menining uyim” kabi shiorlar ostida mashgʻulotlarni uy sharoitida davom ettirishmoqda.

Sport bilan shugʻullanish yoki har kuni juda boʻlmaganda yarim soat jismoniy mashqlarni bajarish va faol boʻlish, turli kasalliklarga nisbatan immunitet hosil qiladi, qon aylanish jarayoni tezlashtiradi, ruhan mustahkamlikka erishishga yordam beradi, tanada ortiqcha yogʻlar hosil boʻlishini oldini oladi. Bu esa hozirgi paytda juda ham muhim. Bizga berilgan ana shu bebaho imkoniyatdan toʻgʻri foydalanaylik. Karantin vaqtida kundalik hayotda ham sogʻligʻingizni asrashni va unga befarq boʻlmaslikni oʻzingiz hal eting va xulosa chiqaring.

Jismoniy tarbiya va sport vazirligi Matbuot xizmati

Хабарингиз бор, айни кунларда дунё бўйлаб кенг тарқалиб бораётган ва инсоният саломатлигига катта хавф туғдираётган коронавирус пандемияси мамлакатимизга ҳам кириб келди.

Шу муносабат билан, 2020 йил 16 мартдан бошлаб Ўзбекистон Республикаси Жисмоний тарбия ва спорт вазирлиги тизимидаги барча таълим ва спорт муассасалари номаълум муддатга ёпилди. Шу билан бирга, мамлакатимиз ҳудудида ўтказиладиган барча спорт турлари бўйича Ўзбекистон чемпионатлари ва кубоклари ҳамда бошқа ички мусобақалар ҳам номаълум муддатга қолдирилди.

Халқаро олимпия қўмитаси томонидан Токио-2020 Олимпиадасини 2021 йилда ўтказиш бўйича якуний қарор қабул қилингандан сўнг Олимпия спорт турлари бўйича Ўзбекистон миллий терма жамоалари аъзолари учун ташкил этиладиган барча ўқув-машғулот йиғинлари расман 25 мартдан вақтинча тўхтатилди.

Бунгача мамлакат терма жамоалари аъзоларининг XXXII ёзги Олимпия ҳамда XVI Паралимпия ўйинларига тайёргарлик кўришлари учун уларга бириктирилган спорт базаларида режалаштирилган ўқув-машғулот йиғинларини ташкил этилган эди.

Лицензион мусобақаларнинг саналари аниқ бўлгунга қадар миллий терма жамоа аъзолари ўз уйларида индивидуал режа асосида машғулотларни мураббийлар томонидан ишлаб чиқилган кунлик тайёргарлик режалари асосида олиб борадилар.

Жисмоний тарбия ва спорт вазирлиги ва Миллий Олимпия қўмитаси томонидан ташкил этилган “Тезкор штаб” Миллий терма жамоа спортчиларининг индивидуал режа асосида кунлик машғулот ўтказишларини доимий тарзда мониторинг қилиб боради.

Бундан ташқари Миллий терма жамоа бош мураббийлари томонидан масофали машғулотлар онлайн тарзда олиб борилади ҳамда вазиятдан келиб чиққан ҳолда спортчиларни индивидуал ҳолатига қараб керакли маслаҳатлар бериб борилиши таъминланади.

Маълумот учун: Жисмоний тарбия ва спорт вазирлиги Ўзбекистон Миллий телерадиокомпанияси “Спорт” телеканали билан ҳамкорликда карантин даврида соғлом турмуш тарзига амал қилган ҳолда спорт билан шуғулланиб туриш борасида аҳоли учун тавсия шаклида махсус теледастурлар тайёрланиб эфирга узатилиши йўлга қўйилди. Хусусан, спорт тренерлари иштирокида уй шароитида қай тарзда машғулотлар олиб бориш бўйича маслаҳатлар акс этган 10 дақиқалик видеодарслар “Sport TV” телеканали орқали ҳар куни намойиш этиб борилаяпти.

SPORT INTERVYU

Ўзбекистон енгил атлетика федерацияси бўлими бошлиғи

Хасан Ортиков

Тўққизинчи бор ўтказилган бу йилги баҳслар терма жамоамиз вакиласи Светлана Радзивил учун муваффақиятли ўтди.

Ҳамюртимиз кучли рақибалари орасида 1.93 метр баландликни забт этган ҳолда мусобақанинг олтин медалига сазовор бўлди. Радзивилдан 2 см. паст натижа қайд этган Женил Шепер (Сент-Люсия) кумуш медаль билан тақдирланган бўлса, украиналик Алина Шух учинчи бўлди.

Енгил атлетика бўйича халқаро турнир. Франция.
Баландликка сакраш, аёллар.
1. Светлана Радзивил (Ўзбекистон) – 1.93
2. Женил Шепер (Сент-Люсия) – 1.91
3. Алина Шух (Украина) – 1.88 . . .
6. Надия Дусанова (Ўзбекистон) – 1.81

Kecha, 13 fevral kuni Samarqand shahrida yopiq inshootlarda yengil atletika boʼyicha Oʼzbekiston chempionati oʼz yakuniga yetdi.

Oʼzbekiston Respublikasi Jismoniy tarbiya vazirligining 2020 yilga moʼljallangan ommaviy jismoniy tarbiya va sport tadbirlari kalendarь rejasiga asosan tashkillashirilgan musobaqada 2007-2010 yillarda tugʼilgan oʼsmirlar oʼzaro gʼoliblik uchun kurash olib borishdi.

Samarqand ixtisoslashtirilgan olimpiya zahiralari maktab-internati manejida uch kun davom etgan turnirda respublikamizning barcha hududlaridan jami 300 dan ortiq sportchilar ishtirok etishdi.

Musobaqa natijasiga koʼra umumjamoa hisobida Toshkent shahri 1-oʼrinni, Fargʼona viloyati 2-oʼrinni, Namangan viloyati 3-oʼrinni qoʼlga kiritdi.

Musobaqa gʼolib va sovrindorlari Oʼzbekiston Respublikasi Jismoniy tarbiya va sport vazirligi hamda Samarqand viloyati hokimligining diplom, medalь va qimmatboho sovgʼalari bilan taqdirlandi.

musobaqa g'oliblari

Тренерларни аттестациядан ўтказиш ва уларга рухсатнома бериш тартиби тўғрисида низом тасдиқланди (19.11.2019 йилдаги 918-сон ВМҚга қаранг). 

2019 йил 1 декабрдан республикада фаолият юритаётган тренерларни аттестациядан ўтказиш жорий этилади. Аттестация Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази (кейинги ўринларда - Марказ) ва унинг филиаллари томонидан ҳар 5 йилда ўтказилади.

Нодавлат ташкилотларида фаолият юритувчи тренерлар Марказда ташкил этиладиган жисмоний тарбия ва спорт йўналиши бўйича интенсив малака ошириш курсларида (72 соат) малака оширади ва аттестациядан ўтказилади. Аттестациядан муваффақиятли ўтганларга белгиланган намунадаги рухсатнома берилади.

Жисмоний тарбия ва спорт вазирлиги томонидан аттестация комиссияси тузилади. Марказ комиссиянинг ишчи органи ҳисобланади. Аттестациядан ўтказиш ва рухсатнома бериш тасдиқланган схема бўйича амалга оширилади.

Аттестация комиссиясининг қарори мажлисда қатнашаётган аъзоларнинг кўпчилиги очиқ овоз бериши орқали қабул қилинади. Овозлар тенг бўлган тақдирда, раислик қилувчининг овози ҳал қилувчи ҳисобланади. Комиссия мажлислари заруратга кўра ўтказилади.

Аттестация жараёнини ташкил этиш ва ўтказиш, тренерлик фаолияти билан шуғулланишга рухсатномани расмийлаштириш учун тўлов кунидаги БҲМнинг 1 баравари ҳисобида тўлов ундирилади. Тренерлик фаолияти билан шуғулланишга рухсатнома расмийлаштирув учун тўлов ундирилмаган ҳолда чекланмаган муддатга қуйидаги талабгорларга берилади:

• «Хизмат кўрсатган спорт устози» ва «Хизмат кўрсатган ёшлар мураббийси», «Халқ ўқитувчиси», «Ўзбекистон ифтихори», «Хизмат кўрсатган спортчи» фахрий унвонлари, шунингдек жисмоний тарбия ёки спорт соҳасида профессор ёки доцент илмий унвонига эга бўлганларга;
• олимпия ва паралимпия ўйинлари ғолиб ва совриндорлари ҳамда уларнинг тренерларига.

Аттестация комиссиясининг қарори устидан 10 кун ичида апелляция комиссиясига шикоят қилиш мумкин, бу комиссия Жисмоний тарбия ва спорт вазирлиги томонидан 5 кишидан иборат таркибда тузилади. Шикоят 15 кун давомида кўриб чиқилади ва аттестация қарорини ўзгартиришсиз қолдириш ёки уни бекор қилиб, қайта аттестация ташкил этиш тўғрисида қарор қабул қилинади.

! Жисмоний тарбия ва спорт вазирлиги ҳамда Миллий гвардиянинг тасарруфидаги барча турдаги болалар ва ўсмирлар спорт мактаблари ҳамда мактаб-интернатлари директорлари, уларнинг ўринбосарлари, тренерлари, инструктор-методистларининг базавий тариф ставкалари 2020 йил 1 январдан бошлаб 1,35 бараварга оширилади.

Ҳужжат Қонун ҳужжатлари маълумотлари миллий базасида эълон қилинган ва 20.11.2019 йилдан кучга кирди.

3-noyabr kuni Samarqandda "Yarim marafon" bo'lib o'tdi, uning asosiy maqsadi madaniyat va san'at ob'ektlari  muammosiga jamoatchilik e'tiborini jalb qilish, shuningdek, sog'lom turmush tarzi va O'zbekistonda sport turizmini rivojlantirish.

Yarim marafon yo'nalishi Samarqand markazida o'tdi. Musobaqaning boshi va oxiri mashhur Registon maydoni yaqinida joylashgan edi. Trassaning o'zi juda ko'pbalandliklardan iborat bo'lib, juda qiyin edi. Bu masofa shaharning dunyoga mashhur, diqqatga sazovor joylari orqali o'tdi: Mirzo Ulug'bek madrasasi, Sherdor madrasasi, Tilla-Qori madrasasi, Ruhobod maqbarasi, Go'r-Amir maqbarasi, Afrosiyob shaharchasi, Hazrati Xizr maqbarasi, Xo'ja Doniyor maqbarasi, Mirzo Ulug'bek rasadxonasi, Shohi Zinda ansambli, Siyob bozori, Bibi Xonim masjidi.

Yarim marafondan tashqari, yugurishlar 2 km va 12 yoshdan kattalar uchun , 16 va undan katta yoshdagi ishtirokchilar uchun 10 km masofalarida o'tkazildi.

Tanlov g'oliblari:

Yarim marafon

Erkaklar:

1.Shohrux Davlyatov - 1:07:46

2.Andrey Petrov - 1:09:35

3.Bekzod Safarov - 1:10:10

Ayollar:

1. Nurxon Muxitdinova - 1:18:53

2.Ekaterina Tunguskova - 1:19:31

3 Tamila Kuchkarova - 1:26:36

10 kilometr

Erkaklar:

1.Dmitry Ivanchukov (Qozog'iston) - 31:26

2.Eugene Fadeev - 31:31

3. Mixail Krasilov (Qozog'iston) - 31:33

Ayollar:

1.Tatyana Neroznak (Qozog'iston) - 35:34

2.Zarnigor Xudoyberdieva - 35:44

3.Marina Xmelevskaya - 36:11

2 kilometr

Erkaklar:

1. Xurshid Ahmadaliyev - 5:44

2.Humayun Mahmudov - 5:48

3.Muxinjon Abdulatipov - 5:53

Ayollar:

1.Marjona Baratova - 6:30

2.Kamola Ablaeva (Rossiya) - 6:33

3.Kamila Razhabova - 6:35

Samarqanddagi xalqaro 21,1 km yo'nalish yarim marafon marshruti Xalqaro marafon va poygalar uyushmasi (AIMS) tomonidan o'lchandi va sertifikatlandi.

22-27 oktyabr kunlari Vuxan shahrida (Xitoy) VII Jahon yozgi harbiy o'yinlari bo'lib o'tdi. Unda sportchilarimiz Nigina Sharipova 100 va 200 metrga yugurishda, Nadiya Dusanova baland va uch xatlab sakrashda, Suxrob Xo'jaev bosqon uloqtirish  va Bobur Shokirjonov nayza uloqtirish bahslarida qatnashishdi. 
Nigina Sharipova100 metrga yugurish bo'yicha 11.56 natija bilan beshinchi o'rinni va 200 metrga yugurish bo'yicha 23.59 natijani ko'rsatib to'rtinchi o'rinni egalladi.
Nadya Dusanova balandlikka sakrashda beshinchi o'rinni egalladi - 1,75, uch xatlab sakrashda 12,18 natija bilan oltinchi o'rinni egalladi.
Bobur Shokirjonov nayza uloqtirishda 66,91 natijani qayd etdi va 12-o'rinni egalladi.
Suxrob Xo'jaev 71.53 natija bilan bosqon uloqtirishda to'rtinchi o'rinni egalladi.

Пойтахтимизда 700 нафар спортчилар, дипломатик корпус вакиллари ва бошқа кўнгиллилар 5 км. масофага югуришди. “Биз келажак учун масъулмиз” шиори остидаги тадбир орол муаммосига эътибор қаратиш мақсадида ташкил этилган. Тадбирнинг  рамзий маънодаги сув тўлдирилган идиши бугуннинг ўзида  самарқандлик марафончиларга топширилди.  Экомарафоннинг энг ёрқин лаҳзаларини махсус репортажимизда кўришингиз мумкин.

Марказий Осиё мамлакатларидан ташриф буюрган атлетлар ҳам баҳс олиб борган турнирнинг бугун ўтказилган бир қатор баҳслари терма жамоамиз учун муваффақиятли якунланди.

Аёллар ўртасида баландликка сакраш секторида иштирок этган ҳамюртимиз Светлана Радзивил 1.96 метр баландликни забт этиб, олтин медаль қатори Токио Олимпиадаси йўлланмасини ҳам қўлга киритди. Ушбу йўналишда Токио Олимпиадасининг нормавити айнан 1.96 метрни ташкил этарди. Ушбу йўналишда Надия Дусанова 1.85 метр билан шоҳсупанинг иккинчи поғонасига кўтарилди.

Мусобақанинг эътиборли натижаларидан бирини Екатерина Воронина етти кураш баҳсларида қайд этди. 10 кун муқаддам Қатардаги жаҳон чемпионатида 6099 очко тўплаган Воронина бу гал 6238 очко жамғариб, мусобақанинг олтин медалига эга чиқди.

Шу тариқа Светлана Радзивил фаолиятида тўртинчи бор Олимпиада йўлланмасини қўлга киритмоқда. Радзивил бунгача Пекин (2008), Лондон (2012) ва Рио (2016) Олимпиадаларида ҳам иштирок этган эди. Эслатиб ўтамиз, бу терма жамоамизнинг Токио Олимпиадасига қўлга киритган ўн биринчи йўлланмасидир.

Bugun, 2019 yil 8-sentabr kuni Qozog‘istonda 5-chi Ostona xalqaro marafoni  bo‘lib o‘tdi, unda 3600 ga yaqin sportchi, shu jumladan bizning sportchilar ham qatnashdilar.

Erkaklar bahsida Zokirillo Mamatqulov 2: 26.10 hisobida g'alaba qozondi. Ikkinchi o‘rinda Vladislav Mamedov - 2: 26.53.

Ayollar o'rtasida Ekaterina Tunguskova uchinchi - 2: 45.41. Tamila Kuchkarova beshinchi o'rinda - 2: 58.12.

Astana Marafonining yo'nalishi (rasmiy nomi Astana Marathon, Astana Marafon) poytaxtning uchta tumani - Yesil, Saryarka va Olmaota bo'ylab bir doirada joylashgan bo'lib, Arim va Arxar (Arkar) ko'priklari orqali Ishim (Yesil) daryosidan o'tadi.

Natijalar

27 сентябрдан 6 октябрга қадар Қатар пойтахти Доха шаҳрида енгил атлетика бўйича навбатдаги жаҳон чемпионати бўлиб ўтади. Жаҳоннинг 100 дан ортиқ мамлакат вакиллари иштирок этадиган мазкур мусобақага Ўзбекистон терма жамоаси ҳам ўзининг асосий таркиб спортчилари билан ташриф буюради.

Мусобақани ҳамюртларимиз орасида баландликка сакраш секторида Светлана Радзивил ҳамда Надия Дусанова саралаш босқичидан бошлаб беришади. Шунингдек, Руслан Қурбонов уч ҳатлаб сакраш, Ситора Ҳамидова ва Андрей Петров марафон, Екатерина Воронина кўп кураш йўналишида баҳс олиб боради.

Жорий йилнинг апрель ойида айнан мазкур ЖЧга мезбонлик қиладиган аренада ўтган қитъа биринчилигида бира тўла уч нафар вакилимиз: Надия Дусанова, Екатерина Воронина ҳамда Руслан Қурбонов олтин медал бирга ЖЧ йўлланмасини қўлга киритишган эди. Қолган вакилларимиз эса турли халқаро мусобақаларда мундиал нормативларини бажаришга муваффақ бўлдилар. Доха мезбонлик қиладиган ушбу дунё биринчилигида ҳам ҳамюртларимизнинг камида Токио-2020 Олимпия ўйинларига йўлланма берувчи нормативларни бажариб қайтишларини тилаб қоламиз.

2016 йилги спорт мавсуми якунланиб бормоқда. 
Енгил атлетикачилар орасида йилни энг яхши ўтказганларнинг турли таснифлари эълон қилиниши анъанага айланган.
2016 йил мобайнида Осиё қитъасида ўз турларида тенгсиз деб топилганлар орасида бир қатор юртдошларимиз ҳам борлиги қувонарли ҳол. 
Леонид Андреев, Светлана Радзивил, Юлия Тарасова ва Екатерина Воронина ҳамда уларнинг устозларини ушбу эътироф билан муборакбод этамиз. 
Келгуси мавсумда уларнинг сафи кенгайишидан умидвормиз.

Очиқ ареналардаги энг яхшилар
Леонид Андреев – ўн кураш 8250 очко 
Светлана Радзивил – баландликка сакраш 195см. 
Юлия Тарасова – узоққа сакраш 6.72м.

Ёпиқ ареналарда 
Светлана Радзивил - баландликка сакраш 192см. 
Екатерина Воронина – бешкураш 4224 очко (Ўзбекистон рекорди) 

2016 йилнинг 12-14 октябрь кунлари Бухоро шаҳрида ўтказилган мусобақада жами 205 спортчи иштирок этди. Уларнинг 69 нафари қизлар экани эътиборга лойиқ.

Мусобақада қайд этилган натижаларни эътиборингизга ҳавола қиламиз.

ЖАМОАЛАР БАҲСИ ЯКУНЛАРИ

1-гуруҳ

Тошкент       366 очко (19 зач)

Самарқанд    362 очко (20 зач.)

Фарғона        71 очко (7 зач.)

Андижон      28 очко (3 зач.)

2-гуруҳ

Навоий           256 очко (13 зач.)

Термиз         231 очко  (13 зач.)

Данғара       216  очко (13 зач.)

Наманган    214  очко (13 зач.)

Қарши         186  очко (12 зач.)

Урганч       125  очко (9 зач.)

Бухоро        123 очко (11 зач.)

Жиззах       90 очко (6 зач.)

Нукус         65 очко (4 зач.)

Гулистон     38 очко (2 зач.)

3-гуруҳ

Кармана     73 очко

Шаҳрисабз  69 очко

Яйпан          33 очко

Мусобақа ғолиб ва совриндорлари

Мусобақа бош ҳаками                                                  Шарипов Ш.К.

Мусобақа бош котиби                                                    Андреева Н.Т.

2016 йилнинг 12-14 октябрь кунлари Бухоро шаҳрида ўтказилган мусобақада жами 270 спортчи иштирок этди. Уларнинг 112 нафари қизлар экани эътиборга лойиқ.

Мусобақада қайд этилган натижаларни эътиборингизга ҳавола қиламиз.

ЖАМОАЛАР БАҲСИ ЯКУНЛАРИ

1-гуруҳ

МБЎСМ ИВ ЛА Фарғона вил.     537очко (30 зач.)    

МБЎСМ Самарқанд вил.             471,6 очко (30 зач.)    

МБЎСМ ИВ ЛА Тошкент вил.     385,5 очко (30 зач.)    

МБЎСМ ЛА ИВ Сирдарё             372,9 очко (30 зач.)    

МБЎСМ Наманган вил.               279,9 очко (26 зач.)

МБЎСМ Сурхондарё                   273 очко (23 зач)

МБЎСМ Хоразм                            199 очко (20 зач.)

МБЎСМ Навоий вил.                   188 очко (14 зач.)

МБЎСМ Жиззах вил.                   151,1 очко

МБЎСМ Бухоро вил.                    144 очко (17 зач.)

МБЎСМ Андижон вил.                          122 очко (9 зач.)

II группа

БЎСМ Данғара     391 очко (24 зач.)

БЎСМ № 2 Мирзо-Улуғбек тумани Тошкент шаҳри 289 очко (21 зач.)

БЎСМ № 1 Бухоро вил. ХТБ   262,6 очко (23 зач.)

БЎСМ № 1 Нукус  155 очко (16 зач.)

БЎСМ № 1 Пастдарғом тумани    118 очко (8 зач.)

БЎСМ Шаҳрисабз ш.  111 очко (10 зач.)

БЎСМ Чирчиқ ш.  104  очко (11 зач.)

БЎСМ «Металлург» СК 94 очко  (12 зач.)

БЎСМ №1 Навоий    93 очко  (8 зач.)

БЎСМ Чилонзор тумани Тошкент ш. 39 очко (3 зач.)

Мусобақа ғолиб ва совриндорлари

Мусобақа бош ҳаками                                                  Шарипов Ш.К.

Мусобақа бош котиби                                                    Андреева Н.Т.

2016 йилнинг 12-14 октябрь кунлари Бухоро шаҳрида ўтказилган мусобақада жами 205 спортчи иштирок этди. Уларнинг 69 нафари қизлар экани эътиборга лойиқ.

Мусобақада қайд этилган натижаларни эътиборингизга ҳавола қиламиз.

ЖАМОАЛАР БАҲСИ ЯКУНЛАРИ

1-гуруҳ:

Самарқанд вил.  231 очко (10 зач.)

2-гуруҳ:

Навоий вил. 357 очко (16 зач.)

Бухоро вил.  192 очко (11 зач.)

Наманган вил. 139 очко (7 зач.)

Қашқадарё вил.  62 очко (4 зач.)

Хоразм вил. 37 очко (2 зач.)

Мусобақа ғолиб ва совриндорлари

Мусобақа бош ҳаками                                                  Шарипов Ш.К.

Мусобақа бош котиби                                                    Андреева Н.Т.

Диёримизда спорт кироличаси саналмиш енгил атлетика бўйича дастлабки мусобақалар ўтказилганига бир аср тўлибди.

Шу муносабат билан ўтказилган тадбирларда спортимиз фахрийлари, етакчи мураббий ва спортчилар иштирок этишди. Ўзбекистон енгил атлетика федерацияси раиси Ғуломжон Иброҳимов ташаббуси ва раҳбарлигида ташкил этилган анжуман ва учрашувлар мутахассисларга манзур бўлгани эътиборга лойиқ.

Ўзбекистонлик ҳамкасбларини табриклаш учун Халқаро олимпия қўмитаси ижроқўми аъзоси, Халқаро енгил атлетика федерациялари ассоциацияси вице-президенти, Украина миллий олимпия қўмитаси президенти Сергей Бубка ташриф буюрди. Унга Осиё енгил атлетика ассоциацияси вице-президенти Алексей Кондрат ҳамроҳлиқ қилди.

Мартабали меҳмонлар Ўзбекистон олимпия қўмитасида бўлиб, Ўзбекистон Республикаси маданият ва спорт ишлари вазирининг биринчи ўринбосари Мурод Алиев ҳамда мамлакатимиз миллий олимпия қўмитаси бош котиби Ойбек Қосимов билан мулоқот қилишди. Ўзбекистон енгил атлетика федерацияси раҳбарлари ҳам қатнашган суҳбат чоғида меҳмонлар диёримизда спортга, хусусан енгил атлетика ривожига катта эътибор берилаётганидан мамнун эканликларини таъкидлашди. Янгидан барпо этилган базаларимизда халқаро миқёсдаги нуфузли мусобақаларни ўтказиш имконияти мавжудлигини эътироф этишди ва бундай турнирларни ташкил қилиш борасида музокаралар олиб боришга келишиб олишди. Шунингдек, томонлар ҳамкорлик ҳақида меморандумга имзо чекишди. Унга кўра мураббий ва спортчиларимизнинг келгусида нуфузли мусобақаларга тайёргарлик кўришлари учун янги истиқболлар очилиши кўзда тутилгани таҳсинга сазовор.

Тошкент вилоятининг Дукент қишлоғида жойлашган “Янгиобод” Республика ўқув-машқ базасида Ўзбекистон енгил атлетикасининг 100 йиллигига бағишланган анжуман бўлиб ўтди.

Ўзбекистон енгил атлетика федерацияси бош котиби Евгений Нуждин анжуман иштирокчиларини қутлаб, мамлакатимизда спорт ривожи йўлида амалга оширилаётган кенг кўламли ишларга алоҳида тўхталди ва яратилаётган шарт-шароит учун давлатимиз ва ҳукуматимиз раҳбарларига алоҳида миннатдорчилик изҳор қилди.

Халқаро енгил атлетика федерациялари ассоциацияси вице-президенти Сергей Бубка ва Осиё енгил атлетика ассоциацияси вице-президенти Алексей Кондрат ўзбекистонлик ҳамкасбларини юбилей билан муборакбод этишди ҳамда ўзаро манфаатли ҳамкорлик йўлидан бориш барча учун фойдали эканига эътибор қаратишди.

Ўзбекистон енгил атлетика федерацияси раисининг ўринбосари Камолиддин Рўзамуҳаммедов диёримизда спорт қироличаси пайдо бўлган даврдан то ҳозирга қадар босиб ўтилган шонли йўл ҳақида маъруза қилди. Енгил атлетикамиз тарихида ўчмас из қолдирган воқеалар, мураббий ва спортчиларни алоҳида санаб ўтди.

Мутахассисларимиз тажрибали меҳмонлар билан мулоқот чоғида ўзларини қизиқтирган саволларга жавоб олиш имконига эга бўлишди. Жумладан, олимпия ўйинлари чемпиони, жаҳон чемпионатларида 6 маротаба олтин медалга сазовор бўлган, жаҳоннинг 35 карра рекордчиси Сергей Бубканинг Тошкентда машғулотлар ва мусобақаларда қатнашгани, ҳамюртимиз Родион Гатауллин билан рақобат янги баландликларни забт этишга ундагани, олимпиадалардаги энг ҳаяжонли лаҳзалар, мураббийларга эътибор, спортчиларнинг руҳий тайёргарлигини талаб даражасига олиб чиқиш хусусидаги фикр-мулоҳазалари ва тавсиялари тўпланганларда катта таассурот қолдирди.

Анжуман давомида мамлакатимизнинг турли вилоятларидан тўпланган мураббийлар ўзаро мунозаралар чоғида тажриба орттиришди. Бу борада терма жамоа бош мураббийи Сергей Войновнинг фаоллигини алоҳида таъкидлаб ўтиш жоиз.

Тадбирда енгил атлетикамиз ривожига улкан ҳисса қўшган мутахассис ва спортчиларга фахрий ёрлиқ ва эсдалик совғалари топширилди.

Диёримизда спорт қироличаси аталмиш енгил атлетика бўйича илк мусобақалар ўтказилганига бир аср бўлибди.
Ортда қолган давр мобайнида атлетларимиз кўплаб мусобақаларда муваффақиятли иштирок этишган. Айниқса, мустақиллик йилларида Осиё ўйинлари ҳамда Осиё чемпионатларидаги ғалабаларимиз салмоғи ортгани диққатга сазовор.
Ушбу сана муносабати билан Ўзбекистон енгил атлетика федерацияси ва қатор ташкилотлар ҳамкорликда махсус семинар ўтказишни режалаштиришган.
7-9 октябрь кунлари Тошкент вилоятидаги Янгиобод ўқув-машқ масканида енгил атлетика мутахассислари жам бўлишади. Тадбирга хориждан бир қатор нуфузли меҳмонлар ташриф буюриши кўзда тутилган. Улар орасида Халқаро енгил атлетика федерациялари ассоциацияси биринчи вице-президенти, олимпия ўйинлари, жаҳон ва Европа чемпиони, жаҳон рекордларини ўттиздан зиёд маротаба янгилаган Сергей Бубка, Осиё ҳамда МДҲ мамлакатларидан мутахассислар бор.
Семинарда мамлакатимизда енгил атлетика тури тарихи, бугунги куни ва истиқболлари хусусида фикр-мулоҳаза алмашишга алоҳида эътибор қаратилади. Бир қатор мутахассисларни тақдирлаш режалаштирилмоқда.