MAHALLIY YANGILIKLAR

Bugun O‘zbekiston yengil atletika federatsiyasida federatsiyasi rahbariyati vakili, sport faxriysi hamda Olimpiada va jahon chempioni Andrey Xakimovich Abduvaliyev sharafiga bag‘ishlangan tantanali tadbir bo‘lib o‘tdi. O‘zbekiston sporti afsonasi federatsiya tarkibida murabbiy sifatida sportchilarni nufuzli musobaqalarga tayyorlashda davom etishini maʼlum qildi. Tadbirda federatsiya raisi o‘rinbosarlari O.Choriyev va K.Usmonov so‘zga chiqib, Andrey Abduvaliyevga sportchilarimizni xalqaro maydonda qo‘lga kiritayotgan yutuqlarida katta hissasi borligini taʼkidladi va buning uchun minnadorchilik bildirdi.

Andrey Hakimovich Abduvaliyev 1966-yil 30-iyun kuni tug‘ilgan. Yengil atletikaning bosqon uloqtirish yo‘nalishi bo‘yicha Barselona—1992 Olimpiya o‘yinlari chempioni. Shuningdek, 1993-yil Shtutgart va 1995-yil Gyoteborgda o‘tgan jahon chempionatlari g‘olibi, Osiyo chempioni va Osiyo o‘yinlari sovrindori ham sanaladi.

2018-yil O‘zbekiston yengil atletika federatsiyasi raisi lavozimiga konferensiya yig‘ilishida saylandi. U 2001—2012-yillar davomida O‘zbekiston milliy terma jamoasining yengil atletika turi bo‘yicha bosh murabbiyi, O‘zbekiston yengil atletika federatsiyasi bosh kotibi lavozimlarida faoliyat yuritgan.

2019-yil Yengil atletika bo‘yicha Respublika oliy sport mahorati maktabiga direktor lavozimiga shu bilan birga, mazkur yili Osiyo yengil atletika federatsiyalari assotsiatsiyasi vitse-prezidenti lavozimiga saylandi.

2021-yil davlatimiz tomonidan “Sodiq xizmatlari uchun” medali bilan taqdirlangan.

Murabbiylik faoliyati davomida tayyorlagan bir qator malakali sportchilar respublika va xalqaro musobaqalarda muvaffaqiyatli ishtirok etib, vatanimiz sharafini munosib himoya qilib kelmoqdalar.

Maktabda direktorlik faoliyati davomida ham sportchilarni qo‘llab-quvvatlagan holda nufuzli musobaqalarga munosib tayyorgarlik ko‘rishlari uchun barcha shart-sharoitlar yaratib berishda jonbozlik ko‘rsatib kelgan. 2019-yil Qatarning Doha shahrida o‘tkazilgan Osiyo Chempionatida N.Dusanova, E.Voronina va R.Kurbanov oltin medallar, S.Radzivil va S.Xodjayev bronza medallarni qo‘lga kiritdilar. N.Sharipova, S.Erkinova, R.Xudoyarova va I.Markelov final bosqichida kuchlik o‘ntalikdan o‘rin oldilar.

Xizmat ko‘rsatgan sport ustasi unvonini qo‘lga kiritgan Andrey Abduvaliyev 2000-yilda sportchilik faoliyatini tugatgan. Bir necha yil mamlakat yengil atletika federatsiyasi raisi sifatida samarali mehnat qilgan. Hozirda O‘zbekiston yengil atletika federatsiyasi raisining o‘rinbosari va Osiyo yengil atletika assotsiatsiyasi vitse-prezidenti lavozimlarida ish olib bormoqda. Hozirgi kunda Andrey Abduvaliyev Markaziy Osiyo Assotsiatsiya Prezidenti sifatida tayinlandi. 2027-yil yakuniga qadar Osiyo Assotsiatsiyasi vitse-prezidenti lavozimida o‘z faoliyatini olib boradi.

“Sodiq xizmatlari uchun” medali bilan taqdirlangan, oliy toifali trener hisoblanadi.

Yuqoridagi natijalar A.Abduvaliyevning sport sohasidagi bilim va amaliy tajribasi naqadar yuksak ekaniga dalolat beradi. Uning tashabbuskorligi va zimmasiga yuklatilgan vazifalarni vijdonan ado etishi bilan mamlakatimiz sportini rivojiga o‘zining munosib hissasini qo‘shib kelayotgan fidoyilardan biridir. Andrey Abduvaliyev maʼnaviy-maʼrifiy ishlarni tashkil etishda yuksak madaniyat egasi, chuqur tafakkurli va kamtarin, to‘g‘ri so‘z, mehribon va qatʼiyatli inson ekani bilan barchaning hurmati va mehrini qozondi.

           Yillar davomida olib borilgan rahbarlik faoliyati uchun Andrey Abduvaliyevga minnatdorchilik bildiramiz va yurtimizda yengil atletika sportini rivojlantirish yo‘lida hamisha bir jamoa bo‘lib qolamiz, degan umiddamiz.

O‘zbekiston yengil atletika federatsiyasida navbatdan tashqari o‘tkazilgan konferensiya kun tartibidan muhim masalalar o‘rin oldi. O‘zbekiston yengil atletika federatsiyasi rais o‘rinbosari K.A.Usmonov konferensiya avvalida yig‘ilish kun tartibida turgan muhim masalalarni e‘lon qildi

Muhokama qilingan masalalar doirasida federatsiya tomonidan joriy yilning o‘tgan davrida amalga oshirilgan ishlar va kelgusidagi vazifalar yuzasidan rais o‘rinbosari O.Choriyevning ma’lumotlari tinglandi. Yil davomida sohada erishilgan yutuqlar e’tirof etildi va tegishli xulosalar chiqarildi. Shuningdek, konferensiya davomida Federatsiya Ustavining yangi tahririni muhokama qilindi va tasdiqlandi

Yangi tahrirdagi ustavga ko‘ra, Federatsiya Boshqaruv kengashi tarkibi quyidagicha bo‘ldi:

1. Mavlonov Akmalxo‘ja Yusupovich — Federatsiya raisi, Boshqaruv kengashi raisi.
2. Choriyev Otabek Bobomuratovich — Federatsiya raisi o‘rinbosari, Boshqaruv kengashi raisi o‘rinbosari.
3. Usmonov Kamoliddin Aloviddin o‘g‘li — Federatsiya raisi o‘rinbosari, Boshqaruv kengashi a’zosi.
4. Abduvaliyev Andrey Xakimovich — Federatsiya raisi o‘rinbosari, Boshqaruv kengashi a’zosi.
5. Avazov Dilshod Ismoil o‘g‘li — Federatsiya Bosh kotibi, Boshqaruv kengashi a’zosi.
6. Xubbiyeva Guzel Shavkatovna — Federatsiya Bosh treneri, Boshqaruv kengashi a’zosi.
7. Shinibekova Elvira Jaxangarovna — Federatsiya milliy terma jamoalar faoliyatini koordinatsiya va monitoring bo‘yicha mutaxassisi, Boshqaruv kengashi a’zosi.
8. Mirsadikov Mirovoz Mirsakiyevich — Yengil atletika bo‘yicha Respublika Oliy sport mahorat maktabi treneri, Boshqaruv kengashi a’zosi.
9. Soliyev Iqror Roziqovich — O‘zbekiston davlat jismoniy tarbiya va sport universiteti mas’ul xodimi, Boshqaruv kengashi a’zosi.

    10. Ortiqov Xasanboy Tolipovich — Federatsiya hakamlar hay’ati raisi, Boshqaruv kengashi a’zosi.

Shuningdek, O‘zbekiston yengil atletika federatsiyasi xodimlar bilan ishlash inspektori Tashxodjayeva Diloram Sidikova Boshqaruv kengashi kotibi (ovoz berish huquqisiz).

Joriy yilning 25—26-sentabr kunlari O‘zbekiston yengil atletika federatsiyasi sport majmuasida U14 o‘rtasida O‘zbekiston Chempionati bo‘lib o‘tadi.

2011-yilda tug‘ilgan yoshlar va undan kichik o‘smirlar o‘rtasida O‘zbekiston Respublikasi Sport vazirligining Sport va ommaviy jismoniy tarbiya tadbirlarining 2025-yil uchun respublika kalendar rejasiga muvofiq mamlakat birinchiligi musobaqasi O‘zbekiston yengil atletika federatsiyasi sport majmuasida bo‘lib o‘tadi. O‘zbekiston chempionati mazkur yosh toifasida mamlakatimizning eng tezkor va kuchli atlet o‘smirlarini aniqlab beradi. Qolaversa, U14 yosh toifasidagi kichik o‘smirlar o‘zlarini katta musobaqalarda sinab ko‘rish imkoniga ega bo‘ladi. Musobaqalar yengil atletikaning quyidagi turlari bo‘yicha o‘tkaziladi:

24-sentabr kuni "Yangi O‘zbekiston" bog‘ida Toshkent shahri va Toshkent viloyatidan kelgan ishtirokchilarni bir vaqtning o‘zida uchta sport bayrami kutmoqda. Shu kuni "Talaba Yugur", "O‘quvchi Yugur" va "Eco Save Aral" yugurish musobaqalari Ommaviy yugurish musobaqalari yagona ligasi homiyligida o‘tkaziladi.

Toshkent shahridan kelgan ishtirokchilar uchun soat 08:30'da start beriladi, Toshkent viloyatidan kelgan qatnashuvchilar esa soat 11:30'da ommaviy yugurish sport bayramida ishtiroklarini boshlashadi.

Boshlang‘ich paketlar narxi — 59 900 so‘mdan 382 800 so‘mgacha.

Minimal paketga ko‘krak raqami va to‘g‘nag‘ichlar kiradi.

To‘liq paketda esa raqam, vaqtni qayd etish chipi, kepka, sumka, futbolka va finishchi medali bor.

Ro‘yxatdan o‘tgan har bir ishtirokchi o‘z natijasini Yugur.uz ilovasida ko‘rishi mumkin.

Ro‘yxatdan o‘tishga shoshiling va kuzning yorqin yugurish tadbirida ishtirok eting! RO‘YXATDAN O‘TISH

Kattalar o‘rtasida O‘zbekiston Ochiq Kubogi (Uzbekistan Cup Open) yengil atletikaning erkaklar va ayollar o‘rtasida 22 turi va 1 aralash yo‘nalishidan iborat dastur asosida o‘tkazildi. Musobaqada mamlakatimizning barcha viloyatlari va Qoraqalpog‘iston Respublikasidan kelgan sportchilar, shuningdek Qirg‘iziston va Tojikiston kabi qo‘shni davlatlar hamda Bahrayn, Quvayt va Qatar kabi xorijiy davlatlardan kelgan professional atletlar g‘oliblik uchun kurash olib bordi.

Mazkur musobaqa joriy yilda Bahrayn mezbonlik qiladigan yoshlar o‘rtasida Osiyo o‘yinlarida qatnashadigan O‘zbekiston terma jamoasi a'zolari imkoniyatlarini yana bir bor ko'zdan kechirib olish, shu bilan bir qatorda Saudiya Arabistoni poytaxti Ar-Riyodda bo‘lib o‘tadigan oltinchi Islom birdamligi o‘yinlariga terma jamoa tarkibini shakllantirish uchun muhim ahamiyat kasb etdi.

Ta'kidlash joizki, O‘zbekiston Ochiq Kubogi juda ko‘tarinki ruhda o‘tdi. Bunga musobaqa davomida qayd etilgan bir qator yuqori natijalar va rekordlar ham katta hissa qo‘shdi. Dastlab 100 metr va 400 metrga g‘ovlar osha yugurish bahslarida ishtirok etgan Shodiyona Raxmonova 41 yillik O‘zbekiston rekordini yangiladi. 400 metr masofani g‘ovlar osha bosib o‘tish musobaqasida Farg‘ona viloyati vakilasi Shodiyona Raxmonova 59.76 soniya qayd etgan holda 18 yoshgacha bo‘lgan ayol atletlar orasida eng tezkor ko‘rsatkichni o‘rnatdi. O‘zbekiston yengil atletika federatsiyasi rahbariyati Shodiyona Raxmonovani pul mukofoti bilan taqdirladi. 

Yana bir atletimiz Anastasiya Silchenkova uzoq masofaga yugurish turlari tarkibiga kiruvchi 5,000 metrga yugurish musobaqasida ishtirok etgan holda birinchi o‘rinni egalladi. Qizig‘i, Toshkent shahar vakilasi aynan o‘zi tomonidan joriy yilning 22-iyunida o‘rnatilgan rekord — 16:55.02'ni yanada yaxshilab 16:42.83 natija bilan 18 yoshgacha bo‘lgan ayol yengil atletika sportchilari o‘rtasida O‘zbekiston rekordini o‘rnatdi. O‘zbekiston yengil atletika federatsiyasi rahbariyati Anastasiya Silchenkovaga ham mukofot puli topshirdi. Yosh atletning qayd etgan natijasidan uning murabbiyi Z.Sh.Amirova xursandligini bildirdi. O‘zbekiston yengil atletika federatsiyasi rais o‘rinbosari Otabek Bobomuratovich Choriyev taqdirlash ma'rosimida bevosita ishtirok etib sportchi va uning murabbiyini yuksak natija bilan tabrikladi.

Ayollar o‘rtasida o‘rta masofaga yugurish turlari orasida 800 metrga yugurish bo‘yicha musobaqada Farg‘ona viloyatidan tashrif buyurgan Saboxat Saminjonova barcha raqiblaridan tezkor ekanini isbotladi va marra chizig‘iga birinchi bo‘lib yetib keldi. Uning ushbu masofani yugurib o‘tishi uchun sarflagan vaqti — 2:06.76 juda yuqori natija hisoblanadi. So‘nggi paytlarda bunday yuqori ko‘rsatkich qayd etilmagan edi. Yakunlangan O‘zbekiston Ochiq Kubogi mana shunday yorqin lahzalari bilan yodda qoladi.
 

17—18-sentabr kunlari O‘zbekiston yengil atletika federatsiyasi stadionida kattalar o‘rtasida O‘zbekiston Ochiq Kubogi (Uzbekistan Cup Open) musobaqasi bo‘lib o‘tdi. Yuksak saviyada tashkillashtirilgan va ko‘tarinki ruhda o‘tgan musobaqada yurtimizning kattalar toifasida eng tezkor va eng kuchli atletlari o‘zaro kurash olib bordi. O‘zbekistonlik professional atletlar qatorida xorijlik sportchilar ham o‘z imkoniyatlarini mazkur musobaqada yana bir bor sinovdan o‘tkazdi. Yengil atletikaning erkaklar va ayollar o‘rtasida 22 turi hamda 1 aralash yo‘nalishda g‘olib va sovrindorlar aniqlandi, diplom va medallar topshirildi, shuningdek oldinda turgan muhim xalqaro musobaqalar oldidan barcha atletlar o‘z jismoniy holatiga baho berib oldi.

Musobaqani tomosha qilish uchun yig‘ilganlar shiddatli kurashlar bilan birga hayratlanarli natijalarga ham guvoh bo‘lishdi. Xususan, 400 metr masofaga g‘ovlar osha yugurish bahslarida Farg‘ona viloyati vakilasi Shodiyona Raxmonova 59.79 soniya natija bilan 18 yoshgacha bo‘lgan ayol atletlar orasida O‘zbekiston rekordini o‘rnatdi. Ajablanarlisi, ushbu natija qariyb 41 yillik rekord yangilanishiga olib keldi. 400 metrga g‘ovlar osha yugurish musobaqasida Shodiyona eng yaqin ta'qibchisidan naqd 8 soniya tezroq marra chizig‘ini kesib o‘tdi(!). Mazkur natija tashkilotchilar va tomoshabinlar uchun musobaqani yanada ishtiyoq bilan o‘tkazishga turtki bo‘ldi. Ayniqsa, Shodiyona Raxmonovaning murabbiyi A.Karimov
va Farg‘ona viloyatidan kelgan ishtirokchilar yangilangan rekord va ajoyib natijadan mamnun ekanliklarini namoyish etishdi. Bu mamlakatimizda yengil atletika rivoji yo‘lida amalga oshirilayotgan islohotlarning mevalaridan biri bo‘ldi. Shuningdek, ushbu natija boshqa yosh sportchilarni yanada ko‘proq o‘z ustida ishlashga undadi hamda ularga mavjud rekordlarni yangilash, ulardan yaxshirog‘ini qayd etish imkonsiz emasligini yana bir bor isbotladi.

O‘z ustida tinimsiz ishlash va aniq maqsad yo‘lida bardavom bo‘lish, albatta bir kun o‘z so‘zini aytadi. Rekordchi atlet bu natija bilan cheklanib qolmasligini oldinda turgan Bahrayn davlatida bo‘lib o‘tishi rejalashtirilgan yoshlar o‘rtasida Osiyo o‘yinlarida munosib ishtirok etish niyatida ekanligini bildirdi.

O‘zbekiston yengil atletika federatsiyasi rahbariyati yuqori natijaga erishib rekordni yangilagan Shodiyona Rahmonovaga pul mukofoti topshirdi. Taqdirlash ma'rosimida federatsiya rais o‘rinbosari Otabek Bobomuratovich Choriyev bevosita ishtirok etib, atletni rekord natija bilan tabrikladi hamda kelgusida faoliyatiga omad tiladi. Shodiyona Rahmonovaning mamlakatimizda yengil atletika sporti rivoji uchun qo‘shgan hissasiga yuqori baho berdi.

Kattalar toifasida Respublikaning professional mahalliy atletlari bilan bir qatorda ko‘plab xorijlik yengil atletika sport ustalarini o‘zida jamlaydigan O‘zbekiston kubogi musobaqasining o‘tkazilishi an'anaviy tusga kirib ulgurgan. Bu yilgi musobaqada ham qatnashish istagini bildirgan xorijlik atletlar ham ko‘pchilikni tashkil etmoqda.

O‘zbekiston Respublikasi Sport vazirligining Sport va ommaviy jismoniy tarbiya tadbirlarining 2025-yil uchun respublika kalendar rejasiga muvofiq tashkil etilayotgan mazkur musobaqa turli viloyatlardan hamda Qoraqalpog‘iston Respublikasidan tashrif buyurgan atletlar uchun o‘z jismoniy imkoniyatlarini sinovdan o‘tkazish, xalqaro musobaqalar muhitida chiniqish va kamchiliklarni bartaraf etish uchun muhim ahamiyatga ega bo‘ladi.

 Musobaqa ikki kunlik reja asosida kunduzgi va kechki dasturlarga bo‘lingan holda o‘tkaziladi. Yengil atletika sport turlari bo‘yicha final bosqichi asosan kunning ikkinchi qismida o‘tkaziladi. G‘olib va sovrindorlarga diplomlar va medallar topshiriladi. Musobaqa tasdqilangan jadval asosida o‘tkaziladi.

O‘ZBEKISTON OCHIQ KUBOGI

Bugun yurtimiz atletlari orasida Anvar Anvarov musobaqadagi o‘z chiqishini amalga oshiradi. Vakilimiz 15-sentabrda chempionatning 3-kuni  kechki dasturda Toshkent vaqti bilan 15:30 da uzunlikka sakrash bahslari saralash bosqichida B guruhida final yo‘llanmasi uchun kurash olib boradi. Anvar Anvarov ayni paytda uzunlikka sakrash turi bo‘yicha jahon reytingida #13-o‘rinni egallab turibdi.

Uzunlikka sakrash bahslarida dunyoning 25 ta yengil atletika federatsiyalaridan 39 ta atlet medallar uchun kurashadi. 

Qayd etish joizki, erkaklar o‘rtasida uzunlikka sakrash musobaqasida Markaziy Osiyo mintaqasidan yagona ishtirokchi aynan yurtimiz vakili hisoblanadi. Shuningdek, Osiyo qit'asidan yana 7 nafar atlet — mezbon Yaponiyadan 3 nafar, Xitoydan 3 nafar va Hindistondan 1 nafar atlet g‘oliblik uchun urinishni amalga oshiradi.

 O‘zbekistonlik atletning ishtirokini online shaklda Jonli efidada tomosha qilish uchun World Athletics'ning rasmiy veb-sahifasida world athletics+ xizmatidan foydalanishingiz mumkin. Ma'lumot o‘rnida, mazkur xizmat hech qanday to‘lov talab qilmaydi, faqatgina elektron pochta orqali ro‘yxatdan o‘tish kifoya. Buning uchun ushbu havolaga o‘ting.

Tokio shahrida joylashgan Milliy stadionda bo‘lib o‘tayotgan Jahon Chempionatida uzunlikka sakrash turida g‘oliblikka da'vogar atletlar ro‘yxati bilan tanishib chiqishingiz mumkin.

Yaponiya poytaxti Tokio shahrida joylashgan Milliy stadionda bo‘lib o‘tadigan yengil atletika turlari bo‘yicha Jahon Chempionati startiga oz fursat qoldi. 

O‘zbekistonlik atletlar orasida birinchi bo‘lib — Shoxrux Davlatov musobaqadagi o‘z chiqishini amalga oshiradi. Vakilimiz 15-sentabrda chempionatning 3-kuni ertalabki dasturda Toshkent vaqti bilan tonggi 03:30 da marafon bahslari final bosqichida qatnashadi. Shohruh Davlatov ayni paytda marafon turi bo‘yicha jahon reytingida #425-o‘rinni egallab turibdi.

Marafon bahslarida dunyoning 47 ta yengil atletika federatsiyalaridan 96 ta atlet medallar uchun kurashadi. 

Qayd etish joizki, erkaklar o‘rtasida marafon musobaqasida Markaziy Osiyo mintaqasidan yagona ishtirokchi aynan yurtimiz vakili hisoblanadi. Shuningdek, Osiyo qit'asidan yana 10 nafar atlet — mezbon Yaponiyadan 4 nafar, Xitoydan 3 nafar, Mo‘g‘ilistondan 2 nafar va Janubiy Koreyadan 1 nafar atlet g‘oliblik uchun urinishni amalga oshiradi.

Marafon bahslarida qatnashadigan barcha atletlar ro‘yxati bilan tanishish uchun ushbu havolaga o‘ting.

2025-yil 13–21-sentabr kunlari Yaponiya poytaxti Tokioda bo‘lib o‘tadigan yengil atletika bo‘yicha jahon chempionatida qariyb 200 mamlakatdan 2200 dan ortiq atlet ishtirok etadi. Musobaqalar Milliy stadionda o‘tkaziladi.

Budapesht-2023 dagi 41 nafar oltin medal sohibidan 37 nafari Tokioda ham qatnashadi. Ular orasida jahon rekordchilari  Feyt Kipyegon, Karsten Uorholm, Arman "Mondo" Dyuplantis, Roxas Yulimar,  Yaroslava Mahuchix, va Rayan Krauzer bor.

AQSh sprinteri Noa Lays agar yana uch karra oltin medalni qo‘lga kiritsa, tarixda to‘qqiz marta jahon chempioni bo‘lgan to‘rtinchi atletga aylanadi.

Shuningdek, portugaliyalik yurish ustasi Juan Viyeyra 14-marta qatnashib, eng ko‘p jahon chempionatida ishtirok etgan sportchi bo‘ladi. Fransiyalik Melina Rober-Mishon esa ayollar orasida rekord bo‘lgan 11-marta ishtirok etadi.

Ma'lumot uchun, rasmiy start ro‘yxatlari chempionat arafasidagi texnik yig‘ilishdan keyin e’lon qilinadi.

Musobaqa rasmiylari Jahon birinchiligini o‘tkazish bo‘yicha barcha tayyorgarliklar ko‘rilganini bildirdi. Kecha 3-sentabr kuni musobaqaning taqdirlash ma'rosimi jadvali e'lon qilindi. Mazkur jadval asosida musobaqa kunlarida g‘olib va sovrindorlarga medallar topshiriladi.

Musobaqaning birinchi kuni — 13-sentabrda hech qanday medallar topshirilmaydi.

Ikkinchi kun — 14-sentabr Toshkent vaqti bilan 21:25 dan 22:00 gacha 35 kilometrga ayollar o‘rtasida sportcha yurish, erkaklar o‘rtasida 35 kilometrga sportcha yurish, ayollar Marafoni, ayollar o‘rtasida 10,000 metrga yugurish va erkaklar o‘rtasida yadro itqitish bahslari g‘olib va sovrindorlari taqdirlanadi.

Uchinchi kun — 15-sentabr Toshkent vaqti bilan 22:10 dan 23:00 gacha vaqt oralig‘ida aralash 4x400 estafeta, erkaklar Marafoni, erkaklar o‘rtasida 10,000 metrga yugurish, ayollar o‘rtasida disk uloqtirish, ayollar o‘rtasida uzunlikka sakrash, erkaklar o‘rtasida 100 metrga yugurish va ayollar o‘rtasida 100 metrga yugurish bellashuvlarida kuchli uchlikka kirganlar maxsus tadbirda mos ravishda oltin, kumush va bronza medallariga ega chiqadi.

To‘rtinchi kun — 16-sentabr Toshkent vaqti bilan 22:40 dan 23:10 gacha ayollar o‘rtasida bosqon uloqtirish, erkaklar o‘rtasida 3000 metrga to‘siq osha yugurish, ayollar o‘rtasida 100 metrga g‘ovlar osha yugurish va erkaklar o‘rtasida langarcho‘pga tayamib sakrash musobaqalari sovrindorlariga medallar topshiriladi.

Beshinchi kun — 17-sentabr Toshkent vaqti bilan 22:10 dan 22:40 gacha erkaklar o‘rtasida bosqon uloqtirish, erkaklar o‘rtasida balandlikka sakrash, ayollar o‘rtasida 1500 metrga yugurish va erkaklar o‘rtasida 110 metrga g‘ovlar osha yugurish bahslari birinchi, ikkinchi va uchinchi o‘rinlari egalari taqdirlanadi.

Oltinchi kun — 18-sentabr Toshkent vaqti bilan 22:10 dan 22:40 gacha ayollar o‘rtasida 3,000 metrga to‘siq osha yugurish, erkaklar o‘rtasida uzunlikka sakrash, erkaklar o‘rtasida 1500 metrga yugurish va ayollar o‘rtasida langarcho‘pga tayamib sakrash musobaqalari g‘oliblari shohsupaga ko‘tariladilar. 

Yettinchi kun — 19-sentabr Toshkent vaqti bilan 21:50 dan 22:20 gacha erkaklar o‘rtasida nayza uloqtirish, ayollar o‘rtasida uch hatlab sakrash, erkaklar o‘rtasida 400 metrga yugurish va ayollar o‘rtasida 400 metr masofaga yugurish bo‘yicha Jahon chempionlari va sovrindorlariga medallar taqdim qilinadi.

Sakkizinchi kun — 20-sentabr Toshkent vaqti bilan 21:45 dan 22:35 gacha ayollar o‘rtasida 20 kilometr masofaga sportcha yurish, erkaklar o‘rtasida 20 kilometr masofaga sportcha yurish, erkaklar o‘rtasida uch hatlab sakrash, ayollar o‘rtasida 400 metrga g‘ovlar osha yugurish, erkaklar o‘rtasida g‘ovlar osha yugurish, ayollar o‘rtasida 200 metr masofaga yugurish va erkaklar o‘rtasida 200 metr sprint bahslari g‘olib va sovrindorlariga medallar topshiriladi.

To‘qqizinchi kun — 21-sentabr Toshkent vaqti bilan 22:15 dan 22:50 gacha ayollar o‘rtasida yadro itqitish, ayollar o‘rtasida yettikurash, erkaklar o‘rtasida 800 metrga yugurish, ayollar o‘rtasida 5,000 metr masofaga yugurish va ayollar o‘rtasida nayza uloqtirish bahslari sovrindorlari taqdirlansa; Toshkent vaqti bilan 22-sentabr 01:45 dan 02:45 gacha ayollar o‘rtaida 800 metrga yugurish, erkaklar o‘rtasida 5,000 metr masofaga yugurish, erkaklar o‘rtasida 4x400 metr estafeta, ayollar o‘rtasida 4x400 metr estafeta, erkaklar o‘rtasida o‘nkurash, ayollar o‘rtasida balandlikka sakrash, erkaklar o‘rtasida disk uloqtirish, ayollar o‘rtasida 4x100 estafeta va erakaklar o‘rtasida 4x100 estafeta musobaqalari dastlabki uch o‘rin egalari taqdirlanadi.

Mamlakatimizning barcha yirik shaharlari va viloyatlari bo‘ylab "eng ulug‘, eng aziz bayram", deya e'tirof etiladigan mustaqillik bayrami arafasida o‘zida turli yakkalik va jamoaviy sport turlarini jamlagan "Yangi O‘zbekiston — Olimpiya cho‘qqilari" musobaqalari o‘tkazildi. Ushbu ommaviy sport tadbirlarida Respublikaning viloyatlari kesimida o‘g‘il-u qizlar o‘zlarining ne chog‘lik sport bilan oshno ekanliklarini namoyish etdilar, tengdoshlari bilan bahsga kirishdilar. Ta'kidlash joizki, bunday musobaqalarning o‘tkazilishi yurtimiz bo‘ylab yoshlarni sog‘lom turmush tarziga va doimiy sport bilan shug‘ullanishga targ‘ib qilishi bilan muhim ahamiyat kasb etadi.

Ana shunday tadbirlar Surxondaryo viloyatida ham tashkillashtirildi. Musobaqalar ko‘tarinki ruhda o‘tib, uning ishtirokchilariga sportcha zavq-shavq bag‘ishladi. Musobaqalar dasturlarida yengil atletika sport turlari alohida o‘rin egalladi. Musobaqalar yakunlariga ko‘ra g‘olib va yuqori o‘rinlar egalari tashkilotchilar tomonidan sovrinlar va sovg‘alar bilan mukofotlandi: "Bellashuvlar davomida o‘z mahorati, kuchi va irodasini namoyon etgan g‘olib va sovrindor sportchilar qimmatbaho sovg‘alar bilan taqdirlandilar", deyiladi Surxondaryo viloyati sport boshqarmasi matbuot xizmati xabarida. Taqdirlash ma'rosimida viloyat bojxona boshqarmasi rahbariyati ham ishtirok etib, sportchilarni qayd etgan yuqori natijalari va g‘alaba bilan tabrikladi. Bunday yutuqlar ularning kelajakda xalqaro darajadagi yuksak yutuqlarga erishishida debocha bo‘lishiga tilak bildirildi. Ularning Vatan sha'ni himoya qilish va xalqimiz orasida sog‘lom turmush tarzini yoyishdagi harakatlari olqishlandi.

Musobaqa ishtirokchilari nafaqat sport maydonlarida o‘zaro bellashdilar, balki o‘zaro do‘stlik va hamjihatlikni ham namoyish etdilar.

2025-yilning qolgan 4 oyi davomida yengil atletika sport turlari bo'yicha turli yosh toifalarida quyidagi muhim xalqaro va qit'a chempionatlari o‘tkaziladi: 

13—21-sentabr —Yaponiya poytaxti Tokio shahrida joylashgan Milliy stadionda yengil atletika turlari bo'yicha kattalar o‘rtasida Jahon Chempionati bo‘lib o‘tadi. Mazkur chempionatda dunyoning 200 dan ortiq davlatidan kelgan 2,000 dan ortiq atletlar 49 ta musobaqada birinchilik uchun kurashadi.

22—31-oktabr — Bahraynning Manama shahri yoshlar o'rtasida Osiyo o‘yinlariga mezbonlik qiladi. Ushbu musobaqa bu paytga qadar ikki bor o‘tkazilgan edi. Osiyo o'yinlarida Osiyo Olimpiya Kengashiga a'zo 45 ta davlatdan 4,000 dan ortiq o‘g‘il-qizlar ishtirok etadi. Atletlar yosh toifasi 14—17 yosh oralig‘ida bo‘ladi. 24 ta sport turi va 253 musobaqa qatoriga yengil atletika sport turlari ham kiritilgan. 

7—21-noyabr — Saudiya Arabistonining eng yirik shahri va poytaxti Ar-Riyod shahri oltinchi Islom birdamligi o'yinlarini o'zida qabul qiladi. O‘yinlar 21 sport va 2 para-sport turlari, shu jumladan atletika va para-atletika turlari bo‘yicha bo‘lib o‘tadi. 

 7—14-dekabr kunlari — Birlashgan Arab Amirligida Dubay shahri yoshlar o'rtasida beshinchi Osiyo para-o‘yinlari musobaqasi bo'lib o'tadi. Unda 1,500 dan ortiq para-atletlar g'oliblik uchun kurash olib boradi.

Turnirda 15 ta davlat 250 ga yaqin professional sportchi ishtirok etadi. Bellashuvlar dasturi 22 ta tur asosida o'tkazildi.  

Erkaklar - 100 metr, 1500 metr masofaga yugurish; 110 metr g‘ovlar osha, 400 metr g‘ovlar osha yugurish; balandlikka sakrash, uzunlikka sakrash, uch xatlab sakrash; bosqon uloqtirish va nayza uloqtirish hamda o‘nkurash musobaqalarida o'zaro bahs olib bordi.

Ayollar - 200 metr, 400 metr,  1500 metr masofaga yugurish; 100 metr g‘ovlar osha, 400 metr g‘ovlar osha yugurish; balandlikka sakrash, uzunlikka sakrash, uch xatlab sakrash; yadro itqitish;  bosqon uloqtirish va nayza uloqtirish; 4x400 metr masofaga estafetali yugurish hamda yettikurash musobaqalarida oʻzaro bellashdi.

Oʻzbekistonlik atletlar, ayniqsa, musobaqaning yakuniy natijalariga ko'ra yuqori oʻrinlarni egalladi. Vakillarimiz chet davlatlardan kelgan raqiblari bilan har bir yengil atletika sport turida tengma teng kurash olib bordi va yuqori jismoniy imkoniyatlarini namoyish etdi. 

Oʻzbekiston yengil atletika federatsiyasi stadionida xalqaro musobaqani oʻtkazish uchun mintaqaviy va xalqaro darajadagi standartlar asosida tayyorgarlik koʻrildi. Tayyorgarlik jarayonlari Osiyo yengil atletika Assotsiatsiyasi vakillari nazoratida olib borildi. Tashkilot rasmiylari va xalqaro sportchilar musobaqa oʻtkazilish jarayonida hech qanday qiyinchiliklarga duch kelmaganini va shart-sharoitdan mamnunligini bildirdi.

"Silk Road to Tokyo WA Continental Tour BRONZE" xalqaro musobaqasining YAKUNIY NATIJALARI bilan tanishing:

Taqvimga binoan musobaqalar quyidagi tartibda olib boriladi:

Silk Road to Tokyo Schedule

Joriy yilning 16-17-avgust kunlari O‘zbekiston yengil atletika federatsiyasi stadionida  xalqaro musobaqalari taqvimiga kiruvchi SILK ROAD TO TOKYO WA CONTINENTAL TOUR BRONZE  turniri bo‘lib o‘tadi.

Turnirda 15 ta davlat 250 ga yaqin professional sportchi ishtirok etadi. Musobaqa dasturi 22 ta  turdan iborat: 

Erkaklar:                                                        Ayollar:

- 100 metr                                                  - 200 metr

- 1500 metr                                                 -400 metr

- 110 metr g‘ovlar osha                             -1500 metr

- 400 metr g‘ovlar osha                             - 100 metr g‘ovlar osha

- balandlikka sakrash                               - 400 metr g‘ovlar osha

- uzunlikka sakrash                                  - balandlikka sakrash

- uch xatlab sakrash                                  - uzunlikka sakrash

- bosqon uloqtirish                                    - yadro itqitish

- nayza uloqtirish                                      - bosqon uloqtirish

- o‘nkurash                                                - yettikurash

                         - 4x400 metr Aralash estafetali yugurish

Boshlanish sanasi va vaqti:

2025-yil16-avgust  08:30

O‘tkaziladigan joy:  O‘zbekiston yengil atletika federatsiyasi stadioni

(Islom Karimov ko‘chasi 98a uy, mo‘ljal Paxtakor markaziy stadioni hududi)

ЕНГИЛ АТЛЕТИКА БЎЙИЧА ЎСМИРЛАР ВА ЎСМИР ҚИЗЛАР (U18) ЎРТАСИДА ЎЗБЕКИСТОН ЧЕМПИОНАТИ МУСОБАҚАСИ

ДАСТУРИ

Тошкент шаҳри               “ЎЕАФ” спорт мажмуаси               11-12 июнь 2025 йил

1.Иштирокчилар талабномаларини қабул қилиш бўйича қабул ҳайъати, Тошкент шаҳрида “ЎЕАФ” спорт мажмуаси биносида 10 июнь куни соат 10:00 дан 16:00 гача ишлайди.

2.Жамоа вакилларининг йиғилиши ҳакамлар ҳайъати билан биргаликда 10 июнь куни соат 16:30 да Тошкент шаҳрида “ЎЕАФ” спорт мажмуаси биносининг ҳакамлар хонасида бўлиб ўтади.

3.Спортчиларнинг шаҳсий снарядлари мусобақа кунидан бир кун аввал соат 12:00 га қадар топширилиши лозим.

4.Мусобақа иштирокчилари сонига қараб дастурда айрим ўзгаришлар бўлиши мумкин.