MAHALLIY YANGILIKLAR

O‘ZBEKISTON DAVLAT BAYROG‘INI QABUL QILISH KUNIGA BAG‘ISHLANGAN YANGI NAFAS OMMAVIY YUGURISH MUSOBAQASI

19-noyabr kuni O‘zbekistonning 16 ta shahrida mamlakat tarixining eng muhim sanalaridan biri – O‘zbekiston Respublikasi Davlat bayrog‘ini qabul qilish kuniga bag‘ishlangan Yangi Nafas ommaviy yugurish musobaqasi bo‘lib o‘tadi. Ushbu kuni mamlakatning har bir fuqarosi, O‘zbekiston ravnaqi, suvereniteti va milliy davlatchiligi g‘oyalari yo‘lida millatni birlashtirishga qaratilgan vatanparvarlik ommaviy yugurish musobaqasiga qo‘shilishi mumkin.

Davlat bayrog‘i – davlat mustaqilligining ramzi bo‘lib, xalqaro miqyosda uning o‘zligini belgilaydi. 1991-yilning 18-noyabr kuni “O‘zbekiston Respublikasining Davlat bayrog‘i to‘g‘risida”gi Qonun qabul qilindi va yosh respublika yangi maqom hamda yangi davlatchilik ramziga ega bo‘ldi. 32 yildan so‘ng mamlakatimizda o‘tkazilayotgan har bir tadbir O‘zbekistonning turli sohalarda, shu jumladan, katta va ommaviy sportda erishayotgan yutuqlarida ishonchli yo‘lni namoyish etgan holda, davlat bayrog‘ining ko‘tarilishi bilan bo‘lib o‘tmoqda.

Vatanparvarlik ommaviy yugurish musobaqasining tashkilotchilari sifatida: Oliy ta’lim, fan va innovatsiyalar vazirligi, Sog‘liqni saqlash vаzirligi, "Asaka bank" АТВ, Ichki ishlar vazirligi, Favqulodda vaziyatlar vazirligi, Maktabgacha va maktab taʼlimi vazirligi, Yoshlar siyosati va sроrt vazirligi, “Oʻzbekneftgaz” AJ va Oʻzbekiston Yengil atletika federatsiyasi ishtirok etmoqda.

Bayroq kuni munosabati bilan Yangi Nafas ommaviy yugurish musobaqasi respublikaning 16 shahrida o‘tkaziladi. Mamlakatimizning bosh ramzi Andijon, Namangan, Farg‘ona, Nurafshon, Guliston, Jizzax, Samarqand, Termiz, Navoiy, Buxoro, Qorovulbozor, Qarshi, G‘uzor, Xiva, Nukus va Toshkent shaharlari yashovchilari tomonidan markaziy ko‘chalar bo‘ylab olib o‘tiladi. Poytaxtda start va finish zonasi Humo Arena sport-muz majmuasi maydonida joylashadi. Musobaqaning tasdiqlangan konsepsiyasiga ko‘ra, barcha shaharlarda yagona masofa 3 km, Toshkentda esa 3 km va 10 km ni tashkil qiladi.

“O‘zbekistonda ommaviy sport va yuqori natijalarga erishish uchun faol platforma yaratilgan, – dedi O‘zbekiston Yengil atletika federatsiyasi raisi o‘rinbosari Andrey Abduvaliyev, - Bir kun avval qit’amizning eng kuchli yuguruvchilari o‘rtasida o‘tkazilgan yarim marafon bo‘yicha eng nufuzli Osiyo chempionatida sportchilarimiz kumush medalni qo‘lga kiritdi. Sportchilarimiz erishayotgan yuksak natija mamlakatimiz rahbariyati, sport marafonlari va ommaviy yugurish musobaqaslarining tashkilotchilari, yugurish klublari hamda O‘zbekiston yengil atletika federatsiyasi tomonidan sportni har tomonlama qo‘llab-quvvatlash va rivojlantirish borasida amalga oshirilayotgan keng ko‘lamli ishlar samarasidir”.

Davlat bayrog‘i qabul qilingan kunni nishonlashga shuningdek boshqa mamlakatlardan sportchilar va yuguruvchilar ham qo‘shilishlari mumkin. Eslatib oʻtamiz, Oʻzbekiston yengil atletika federatsiyasining tashabbusi bilan 2023-yilda Yangi nafas ommaviy yugurish musobaqasi xalqaro maqomga ega boʻlib, musobaqada ishtirok etish uchun Qozogʻiston, Tojikiston va Qirgʻizistondan sportchilar hamda yugurish klublari ishtirokchilari taklif etiladi. Yangi Nafas ommaviy yugurish musobaqasi World Athletics Xalqaro yengil atletika federatsiyalari assotsiatsiyasining amaldagi qoidalariga muvofiq o‘tkaziladi.

Barcha shaharlarda Yangi nafas ommaviy yugurish musobaqasi bir vaqtda, ertalab soat 07:30 da boshlanadi. Tashkilotchilar taʼkidlaganidek, Bayroq kunini sport yugurish muhitida nishonlash hamjihatlik va doʻstlik kayfiyatini yaratadi va unda yosh cheklovlaridan qatʼi nazar, butun oilalar ham ishtirok eta oladi. Yosh ishtirokchilar uchun tavsiya etilgan yosh: 9 yosh.

Toshkent shahridagi ommaviy yugurish musobaqasida ishtirok etuvchi yugurish havaskorlari va sportchilar uchun itiсket.uz saytida pullik ro‘yxatdan o‘tish jarayoni ochildi. Ro‘yxatdan o‘tish uchun havola: https://iticket.uz/ru/events/other-events/yangi-nafas20/28240. 3 km masofaga yugurishda ishtirok etish narxi – 99 ming so‘m, 10 km masofaga – 149 ming so‘mni tashkil qiladi.

Ro‘yxatdan o‘tganlarga ishtirokchining start paketi 17 va 18-noyabr kunlari soat 10:00 dan 18:00 gacha Toshkent shahar, I.Karimov ko‘chasi, 98a manzilida joylashgan Yengil atletika federatsiyasi binosida beriladi (ma’lumotlar uchun telefon +998951420184).

Ishtirokchi paketiga quyidagilar kiradi: 

•     chipga ega start ko‘krak nishoni;

•     kepka;

•     futbolka (longsliv).

Start paketini olish uchun ularni berish punktiga shaxsan kelish va ro‘yxatdan o‘tgan ishtirokchining QR-kodini taqdim etish kerak bo‘ladi.

3 va 10 km masofalarga yugurish bo‘yicha g‘oliblar 18 yoshdan 35 yoshgacha, 35 yoshdan 55 yoshgacha va undan katta yoshdagi erkaklar va ayollar o‘rtasida yosh toifalari bo‘yicha aniqlanadi hamda ommaviy yugurish musobaqasining eng yosh va eng keksa ishtirokchilari ham alohida sovg‘alar bilan

taqdirlanadi. Yuguruvchilar “Absolyut” va “Havaskor” toifalarida sovrinlar uchun kurash olib boradilar.

Shuningdek, imkoniyati cheklangan ishtirokchilar uchun ham maxsus nominatsiyalar ajratiladi. Yangi Nafas ommaviy yugurish musobaqasiga harbiy xizmatchilar ham qo‘shilib, ular uchun harbiy oliy o‘quv yurtlari o‘rtasida eng yaxshi natijalar uchun maxsus nominatsiyalar belgilab berilgan.

Yangi Nafas ommaviy yugurish musobaqasining Toshkentdagi bosqichining g‘oliblari uchun tashkilotchilar tomonidan pul mukofoti jamg‘armasi ajratilgan:

•     1-o‘rin uchun - 3 000 000 so‘m,

•     2-o‘rin uchun - 2 000 000 so‘m,

•     3-o‘rin uchun -1 000 000 so‘m

Toshkentda g‘oliblar taqdirlanishi 19-noyabr kuni, soat 11:00 da “Paxtakor” sport majmuasi Yengil atletika federatsiyasi stadioni hududida bo‘lib o‘tadi. Viloyatlarda pul mukofoti Tashkiliy qo‘mitalar tomonidan shakllantiriladi.

10 km va 3 km masofaga yugurishda finishga yetib kelgan barcha ishtirokchilar maxsus medallar bilan taqdirlanadi (10 km masofaga yugurishda qatnashgan sportchilar va havaskorlar belgilangan vaqt ichida masofani bosib o'tishlari kerak)

Енгил атлетика бўйича катталар ўртасида Ўзбекистон Кубоги

ДАСТУРИ

Тошкент  шаҳри                                                                                    17-19 Октябрь 2023 йил

Изохлар:

Иштирокчилар талабномаларини қабул қилиш бўйича мандат комиссияси 17 Октябрь куни соат 11:00 дан 16:00га қадар Ўзбекистон енгил атлетика федерацияси биносида бўлиб ўтади. Жамоалар вакиллари ва ҳакамлар хайъати йиғилиши федерация биносининг 3-қаватида соат 17:00да бўлиб ўтади.

Спортчиларнинг шаҳсий снарядлари мусобақа кунидан бир кун аввал соат 12:00га қадар топширилиши лозим.

 Мусобақа иштирокчилари сонига қараб дастурда айрим ўзгаришлар бўлиши мумкин.

ЕНГИЛ АТЛЕТИКА БЎЙИЧА ЎҒИЛ ВА ҚИЗ БОЛАЛАР (U 14)

ЎРТАСИДА ЎЗБЕКИСТОН ЧЕМПИОНАТИ

ДАСТУРИ

Наманган шаҳри               “Баркамол авлод” спорт мажмуаси               19-22 сентябрь 2023 йил

Изоҳ: Мусобақа иштирокчиларини қабул қилиш бўйича қабул хайъати, “Баркамол авлод” спорт мажмуаси биносида, 19 сентябрь соат 13.00 дан 17.00 гача ишлайди.

Жамоа вакиллари йиғилиши, хакамлар хайъати билан биргаликда, “Баркамол авлод” спорт мажмуаси биносида, 19 сентябрь соат 17.30 да бўлиб ўтади.

O‘ZBEKISTON RESPUBLIKASI MUSTAQILLIK KUNIGA BAG‘ISHLAB 16 TA SHAHARDA YANGI NAFAS OMMAVIY YUGURISH MUSOBAQASI BO‘LIB O‘TDI

3-sentyabr kuni «Bir vatanda, bir vaqtda, bir masofaga, bir maqsadda – birga yuguramiz!» shiori ostida Toshkent, Samarqand, Jizzax, Navoiy, Buxoro, Qorovulbozor, Qarshi, G‘uzor, Termiz, Guliston, Nurafshon, Andijon, Namangan, Farg‘ona, Xiva va Nukus shaharlari, O‘zbekiston Respublikasi Mustaqilligining 32-yilligini nishonlashga bag‘ishlangan Yangi Nafas ommaviy yugurish musobaqasiga qo‘shildilar.

Ushbu kuni har bir hudud va Qoraqalpog‘iston Respublikasida 100 mingga yaqin havaskor yuguruvchilar mamlakatning asosiy bayramini shaharlarning markaziy ko‘chalari bo‘ylab o‘tgan ommaviy yugurish musobaqasida ishtirok etish orqali nishonladi. Toshkentda Yangi Nafas barcha shahar ommaviy yugurish musobaqalari bo‘lib o‘tadigan joyda – Humo Arena sport maydonining hududida o‘tkazildi. Poytaxtdagi ommaviy yugurish musobaqasiga 7000 dan ziyod ishtirokchi qo‘shildi, ular orasida Toshkentning 50 ta oliygohidan 3000 ga yaqin talabalar ham ishtirok etdi.

Tadbirning tashkilotchilari sifatida O‘zbekiston Respublikasi Yoshlar siyosati va sport vazirligi, Oliy ta’lim, fan va innovatsiyalar vazirligi, Mudofaa vazirligi, Ichki ishlar vazirligi, Favqulodda vaziyatlar vazirligi, O‘zbekiston Milliy Olimpiya qo‘mitasi, Yoshlar ishlari agentligi, ishtirokchi shaharlarning hokimliklari,  “O‘zbekneftgaz” aksiyadorlik jamiyati hamda Yengil atletika federatsiyasi ishtirok etdi.

Toshkentdagi ommaviy yugurish musobaqasining dasturiga 3 v 10 km masofalik ikkita distansiya kiritildi. Qolgan shaharlar uchun - Yangi Nafas sport harakatining yagona ramziy masofasi - 3 km ni tashkil qildi.

Ta’kidlash kerakki, Yangi Nafas sport xalqaro ommaviy yugurish musobaqalarida, fuqaroligidan qat’i nazar, istagan barcha ishtirok etishi mumkin. 30 ta chet el davlatlarining vakillari ushbu keng ko‘lamli sport bayramiga qo‘shildi.  Qozog‘iston, Tojikiston, Qirg‘iziston va Turkmaniston sport yugurish klublaridan taxminan 400 ta ishtirokchi Yangi Nafas ommaviy yugurish musobaqasini qo‘llab-quvvatlash maqsadida tashrif buyurdilar.

Toshkent shahrida o‘tkazilgan tadbirning ochilish marosimida O‘zbekiston Respublikasi Oliy ta’lim, fan va innovatsiyalar vaziri Ibrohim Abdurahmonov tabrik so‘zi bilan chiqib, barcha ishtirokchilarni O‘zbekiston Respublikasi Mustaqilligi kuni bilan tabrikladi va davlatning asosiy sanalariga bag‘ishlab Yangi Nafas sport ommaviy yugurish musobaqalarining o‘tkazilishi yaxshi bir an’anaga aylanib qolganini belgilab o‘tdi. Respublikaning har bir fuqarosi qo‘shilishi mumkin bo‘lgan Yangi Nafas sport harakati, ruh irodasi, vatanparvarlik tuyg‘usi va butun mamlakat bilan hamjihatlik birlashtiriladigan platformaga aylandi.

Shu bilan birga, Yangi Nafas ommaviy yugurish musobaqasining ochilishida Viktor Mahmudov, Respublika Prezidenti qoshidagi Xavfsizlik Kengashi kotibi, Adham Ikromov Yoshlar siyosati va sport vaziri va O‘zbekiston Respublikasi Bosh vazirining o‘rinbosari Zulayho Bahriddinovna so‘zga chiqdi.

Ommaviy yugurish musobaqalari o‘tkazilib kelayotgan uch yil davomida 700 mingdn ortiq ishtirokchi Yangi Nafas sport harakatining bayrog‘i ostida birlashib, uning asosiy maqsadi millat salomatligini mustahkamlashtirish va sog‘lom turmush tarzini ommalashtirish hisoblanadi. Ushbu munosabat bilan, hududlar doirasida ham ommaviy sportga va yengil atletikaga bo‘lgan qiziqish yanada ortib bormoqda. Yangi Nafas ommaviy yugurish musobaqasini o‘tkazishga tayyorgarlik ko‘rish doirasida Farg‘ona vodiysi va Samarqandda press-anjumanlar o‘tkazilgan bo‘lib, bunda keng ko‘lamli tadbirni o‘tkazishga tayyorgarlik ko‘rish masalalari muhokama qilindi.

An’anaga ko‘ra, Yangi Nafas ommaviy yugurish musobaqasi paytida, Sport TV telekanalida, Toshkentdagi Humo Arena maydoni hududida ishtirokchi-shaharlardan sport tadbiri o‘tkazilishining jonli efirlari tashkil qilindi.

Yangi Nafas go‘liblari uchun tashkilotchilar tomonidan pullik mukofot fondi va ommaviy yugurish musobaqasining ramzi tushirilgan esdalik sovg‘alari ajratildi. Musobaqa yetakchilarini tantanali taqdirlash uchun Milliy Bog‘ parkida maxsus tantanali oqshom tashkil etildi.

«Bir vatanda, bir vaqtda, bir masofaga, bir maqsadda – birga yuguramiz!» - 3-sentyabr kuni mamlakatimizning 16 ta shahrida bir vaqtda yugurish havaskorlari ushbu shior ostida O‘zbekiston davlat mustaqilligining 32-yilligiga bag‘ishlangan Yangi Nafas ommaviy yugursih musobaqasida ishtirok etadi.

Bu kunlarda Toshkentda, Nukusda, Nurafshonda, Gulistonda, Andijonda, Namanganda, Farg‘onada, Jizzaxda, Samarqandda, Navoiyda, Buxoroda, Qorovulbozorda, Termizda, Qarshida, G‘uzorda va Xivada eng kutilgan sport tadbirlarining biriga katta tayyorgarlik ko‘rilmoqda. Har bitta hududda va Qoraqalpog‘iston Respublikasida, ommaviy yugurish musobaqasini o‘tkazishning barcha bosqichlarini tegishli darajada nazorat qilish maqsadida, mas’uliyatli vazirliklar, idoralar va viloyat hokimliklari ishtirokida operativ shtablar tashkil etilgan.

Tadbirning tashkilotchilari bo‘lib Oliy ta’lim, fan va innovatsiyalar vazirligi, Ichki ishlar vazirligi, Favqulodda vaziyatlar vazirligi, Yoshlar ishlari agentligi, “O‘zbekneftgaz” aksiyadorlik jamiyati hamda Toshkent shahri hokimiyati ko‘magida Yengil atletika federatsiyasi ishtirok etmoqda.

28-avgust kuni Samarqanddagi “Ipak yo‘li” xalqaro turizm va madaniy meros universitetida   bo‘lajak Yangi Nafas ommaviy yugurish musobaqasiga tayyorgarlik ishlariga bag‘ishlangan matbuot anjumani o‘tkazildi. Samarqand viloyati hokimi o‘rinbosari Rustam Qobilov raisligida bo‘lib o‘tayotgan tadbirda Samarqand, Guliston, Jizzax, Navoiy, Buxoro, Qarshi, G‘uzor, Termiz, Xiva va Nukus shaharlari hokimlari o‘rinbosarlari, Yoshlar siyosati va sport vazirligi, Milliy olimpiya qoʻmitasi, Yengil atletika federatsiyasi, shuningdek, masʼul vazirlik va idoralarning hududiy boshqarmalari vakillari ishtirok etdi.

Barcha hududlarda sport tadbirini o‘tkazishga faol tayyorgarlik ishlari olib borilayotgani ta’kidlab o‘tildi. Yangi Nafas ommaviy yugurish musobaqasining yo‘nalishlari bir kun avval aylanib o‘tildi. Shaharlarda sport tadbirini o‘tkazish uchun trassaning tayyorligi tekshirildi, ta’mirlash ishlari o‘tkazildi, mavzuga doir bannerlar tayyorlandi, ommaviy yugurish musobaqasi ishtirokchilari uchun kiyim formasi ishlab chiqildi.

Har bir hududda va Qoraqalpog‘iston Respublikasida ommaviy yugursih musobaqalari ertalabki soat 06:30 da shaharlarning markaziy ko‘chalarida 3 km masofaga, Toshkentda – 3 va 10 km masofaga boshlanadi.

Suni ta’kidlaymizki, Samarqand shahrida Yangi Nafas ommaviy yugurish musobaqasi zamonaviy Samarqandning yangi madaniy muhitiga aylangan “Buyuk ipak yo‘li” turistik majmuasining hududida bo‘lib o‘tadi. Ko‘p tarmoqli markaz uyg‘un tarzda o‘zida ish, madaniy va sport qismlarini mujassamlashtirib, muntazam asosda triatlon bo‘yicha musobaqalarni, 2022-yildan boshlab esa Yangi Nafas ommaviy yugurish musobaqalarini o‘tkazish joyi bo‘lib hisoblanadi.

«Yangi Nafas sport harakati bu yili yangi miqyosga chiqdi va xalqaro sport tadbiri maqomiga ega bo‘ldi, unda Tojikiston, Qozog‘iston va Qirg‘izistonning yugurish klublaridan a’zolar faol ishtirok etib kelmoqda, - deb aytib o‘tdi Yengil atletika federatsiyasi ommaviy deportament rahbari, Yangi Nafas Tashkiliy qo‘mitasining a’zosi Shuhrat Usmonov, - Biz bu qadam bilan birdaniga bir necha masalani qamrab olamiz – ommaviy sportni rivojlantiramiz, yugurish havaskorlarini mamlakatning turistik salohiyati bilan tanishtiramiz va katta sport tadbirlarini tashkillashtirish borasida tajriba almashamiz. Yangi Nafas ommaviy yugurish musobaqasida ishtirok etish nafaqat mahalliy aholi, balki boshqa davlatlardan yugurish havaskorlari uchun qiziqarli bo‘ladi. Bundan tashqari, Yangi Nafas ommaviy yugurish musobaqasi Markaziy Osiyoda, butun respublika bo‘ylab bir vaqtda katta miqdorda ishtirokchilar start olib, bu kabi tadbirda ishtirok etish tajribasiga har bir yuguruvchi ega bo‘lishi kerak bo‘lgan yagona musobaqa hisoblanadi».

16 ta shaharda 100 mingdan ziyod yuguruvchi ishtirok etishi kutilmoqda. Samarqand shahrida 8500 dan ortiq ishtirokchi, shu jumladan, talabalar, sport va harbiy muassasalari o‘quvchilari, kuch ishlatuvchi tuzilmalar xodimlari, yosh cheklovisiz shahar va viloyat markazlarida yashovchilarning ishtirok etishi kutilmoqda. Tashkilotchilar tomonidan, nogironligi bo‘lgan yuguruvchilar va “temir”, “ayollar” va “yoshlar” daftarlariga kiritilgan fuqarolar uchun kvotalar ajratilgan.

Yig‘ilish yakunida ishtirokchilar ommaviy yugurish aholi o‘rtasida tobora ommalashib borayotganini ta’kidladilar. Joylarda havaskorlarining yugurish hamjamiyatlari yaratilmoqda. Shaharlar hokimiyatlari tomonidan esa, aholi salomatligini mustahkamlash va barcha darajalarda aholining hayot sifatini yaxshilash maqsadida, hududlarda ommaviy sportni rivojlantirish bo‘yicha faol choralar ko‘rilishi ta’kidlab o‘tildi.

Farg‘ona vodiysida O‘zbekiston Respublikasi mustaqilligining 32-yilligiga bag’ishlangan Yangi Nafas ommaviy yugurish musobaqasiga tayyorgarlik ketmoqda

Ushbu kunlarda, O’zbekistonning 16 ta shahrida, 3-sentyabr kuni eng kutilgan sport tadbirlarining biri – mamlakatning davlat mustaqilligi 32-yilligiga bag’ishlangan Yangi Nafas ommaviy yugurish musobaqasini o’tkazishga tayyorgarlik ketmoqda. Har bitta hududda va Qoraqalpog’iston Respublikasida, ommaviy yugurish musobaqasining barcha bosqichlarini muvofiq darajada o’tkazilishini nazorat qilish maqsadida, mas’uliyatli vazirliklar, idoralar va viloyat hokimlari ishtirokida operativ shtab tashkil etilgan.

Joriy yilning 25-avgust kuni Farg‘ona shahridagi “Samo” sport majmuasida Farg‘ona viloyati hokimi o‘rinbosari F.Qosimov, Andijon va Namangan viloyatlari hokimliklari vakillari, Yoshlar siyosati va sport ishlari vazirligi, Oliy taʼlim, fan va innovatsiyalar vazirligi, Mudofaa vazirligi, Favqulodda vaziyatlar vazirligi, Ichki ishlar vazirligi, Milliy gvardiya, Milliy olimpiya qoʻmitasi va Yengil atletika federatsiyasi hamda hududiy ommaviy axborot vositalari ishtirokida press-anjuman bo’lib o’tdi.

Press-anjuman davomida ommaviy yugurish musobaqasining ishlab chiqilgan marshrutlari namoyish etildi. Farg’onalik yuguruvchilar uchun doimiy start olish nuqtasi hisoblangan “Samo” sport majmuasining hududi anjumanni o’tkazish uchun tanlangani tasodif emas. Andijonda start va finish nuqtasi Oʻzbekiston shoh koʻchasida boʻlsa, Namangan shahrida ommaviy yugurish musobaqasi Amir Temur va Namangan koʻchalari chorrahasidan boshlanib, Istiqlol koʻchasida yakunlanadi, Fargʻonada esa yuguruvchilar Al-Fargʻoniy koʻchasidan Yuksalish ko’chasigacha boʻlgan yoʻnalishda start oladi.

Uchrashuv davomida shuningdek, hududlarning vakillari tomonidan tayyorlangan taqdimot roliklari namoyish etildi. Press-anjumani ishtirokchilari Farg‘ona, Andijon va Namanganda o‘tkazilgan avvalgi Yangi Nafas ommaviy yugurish musobaqalarining eng yaxshi lavhalarini ko‘rish imkoniga ega bo‘ldilar.

Shu bilan birga, ular Dri-FIT texnologiyasi bo’yicha mamlakatimizning Mustaqillik bayramini nishonlash munosabati bilan ishlab chiqilgan ishtirokchilar formalarining yangi obrazlari bilan tanishishga muvaffaq bo‘ldilar.

Farg‘ona, Andijon va Namanganda bo‘lib o‘tadigan O‘zbekiston Respublikasi Mustaqilligi kuniga bag‘ishlangan Yangi Nafas ommaviy yugurish musobaqasida 20 mingdan ortiq ishtirokchi kutilmoqda.

Ommaviy sport tadbirlari o‘tkazib kelinayotgan uch yil davomida Farg‘ona vodiysidan 300 mingdan ziyod havaskor yuguruvchilar Yangi Nafas harakati safiga qo‘shildi. Press-anjuman doirasida hududiy ommaviy axborot vositalarining vakillari shaharlarda aholi o‘rtasida faol turmush tarzini shakllantirishga qaratilgan bunday formatdagi tadbirlar uzoq vaqtdan beri yetishmay turganligini ta’kidladilar. Viloyatlarning hududiy jihatdan yaqinligi, bir tomondan, Yangi Nafas ommaviy yugursih musobaqasi doirasida ijodiy dastur tashkil etish bo‘yicha fikr almashish, ikkinchi tomondan esa, ommaviy yugursih musobaqalarida yanada ko’proq ishtirokchilarni jalb etgan holda, hududlar o‘rtasida sog‘lom raqobatni rivojlantirish imkoniyatini berdi.

Tashkilotchilar ta’kidlaganidek, Yangi Nafas ommaviy yugursih musobaqalari talabalar harakati tomonidan keng qo‘llab-quvvatlanmoqda va kelgusida kollej, litsey va oliy o‘quv yurtlari o‘rtasida eng faol ta’lim muassasasi nominatsiyasini joriy etish rejalashtirilgan.

«E’tiborlisi shuki, talabalarimiz uchun yangi o‘quv yili yaxshi sport bayrami bilan boshlanadi, – deb ta’kidladi Farg‘ona viloyati taʼlim, fan va innovatsiyalar boshqarmasi boshli‘gi, - O‘z tajribamga tayangan holda shuni aytamanki, o‘quvchilarning barkamol rivojlanishi negizida yaxshi jismoniy faollik, sport bilan shug‘ullanish va jamoani shakllantirish yotadi. Shu bois mamlakatimizdagi har bir ta’lim muassasasida sport maydonchalari, stadionlar, futbol maydonlari mavjud. Yangi Nafas kabi ommaviy sport tadbirlari esa bu yo’nalishga qiziqish uyg’otishda yordam beradi».

Press-anjumani yakunida aholi o‘rtasida ommaviy sportni ommalashtirish va sog‘lom turmush tarzini targ‘ib qilish maqsadida hududlarda Yangi Nafas ommaviy yugursih musobaqalari ketma-ket 3 yil davomida mutlaqo bepul o‘tkazilayotgani ta’kidlandi. Bu aholining barcha qatlamlarini, pensionerlardan tortib uy bekalari va tadbirkorlargacha musobaqada ishtirok etishga jalb qilish imkonini beradi.

3-sentyabr kuni, ertalabki soat 6:30 da “Bir mamlakatda, bir vaqtda, bir masofada, bir maqsadda – birga yuguramiz!” shiori ostida, yurtimizning barcha hududlarida Yangi Nafas ommaviy yugurish musobaqasiga start beriladi.

"Мустакиллик куни"га багишланган "Янги нафас" халкаро оммавий юryриш мусобакаси

низоми

3-sentyabr kuni mamlakatimizning 16 ta shahrida O‘zbekiston Respublikasi mustaqilligining 32 yilligiga bag‘ishlangan “Yangi Nafas” ommaviy yugurish musobaqasi bo‘lib o‘tadi. Qoraqalpog‘iston Respublikasi hamda barcha viloyatlarda turli yoshdagi havaskor va professional sportchilar hamda sog‘lom turmush tarzi ixlosmandlari mamlakatimizning aziz bayrami munosabati bilan tashkil etiladigan keng ko‘lamli sport harakatiga qo‘shilishlari mumkin bo‘ladi.

O‘zbekiston yengil atletika federatsiyasida press-anjuman o‘tkazilgan bo‘lib, unda kelgusi ommaviy yugurish musobaqasiga tayyorgarlik ko‘rish masalalari muhokama qilindi. Tadbirda Federatsiyaning bosh kotibi Kamoliddin Ro‘zimuhamedov, tahkiliy qo‘mita va OAV vakillari ishtirok etdi.

Mustaqillikning 32 yilligi Toshkent, Nurafshon , Guliston, Andijon, Namangan, Farg‘ona, Jizzax, Samarqand, Navoiy, Buxoro, Qorovulbozor, Termiz, Qarshi, G‘uzor, Xiva va Nukusda “Yangi Nafas” ommaviy yugurish musobaqasi bilan nishonlanadi. Poytaxtda yuguruvchilarga 3 va 10 kilometrga teng bo‘lgan ikki xil masofa, boshqa shaharlarda esa 3 kilometrlik bitta masofa taqdim etiladi.

“Yangi Nafas” yugurish musobaqasining rasmiy shiori – “Bir vatanda, bir vaqtda, bir masofaga, bir maqsadda – birga yuguramiz!” mamlakatimizning 7 yoshdan 70 yoshgacha bo‘lgan har bir fuqarosini birlashtirgan holda, O‘zbekiston Respublikasi davlat mustaqilligini nishonlash jarayonidagi kayfiyat va umumiy muhitni yanada aniqroq aks ettiradi.

Ta’kidlash joizki, an’anaviy tarzda muhim davlat sanalari va xalqaro sport tadbirlariga bag‘ishlab tashkil etilayotgan “Yangi Nafas” ommaviy yugurish musobaqalari O‘zbekiston Respublikasi Vazirlar Mahkamasining “2019-2023-yillarda jismoniy tarbiya va ommaviy sportni rivojlantirish konsepsiyasi” to‘g‘risidagi qarori doirasida mamlakatimizda jismoniy tarbiya va ommaviy sportni rivojlantirish hamda aholini faol turmush tarziga jalb etish maqsadida qabul qilingan keng ko‘lamli davlat dasturining ijrosiga yaqqol misol bo‘la oladi. Maqsadli davlat dasturi aholini bosqichma-bosqich faollashtirib, hamma darajalarda salomatlikni mustahkamlash va hayot sifatini oshirish masalalariga e’tiborni qaratdi.

“Yangi Nafas” ijtimoiy loyihasini hayotga tadbiq etishning uch yili davomida O‘zbekiston yengil atletika federatsiyasi va “O‘zbekneftgaz” aksiyadorlik jamiyati bilan hamkorlikda 700 ming nafardan ortiq odam ommaviy yugurish musobaqasiga qo‘shilib, sport tadbirlarida faol ishtirok etishda davom etmoqdalar. “Yangi Nafas” loyihasi “Save Aral”, “Men G‘olib”, “Vatan Qalqoni” ommaviy yugurish musobaqalari bilan hamkorlikda yosh avlodda ham, kattalarda ham yengil atletikaga qiziqishni yangi bosqichga ko‘tardi.

Ommaviy sportni rivojlantirish hamda aholi o‘rtasida sog‘lom turmush tarzini targ‘ib etish Yangi O‘zbekiston barpo etayotgan ijtimoiy siyosatining ajralmas qismi hisoblanadi.

“Yangi Nafas”, shuningdek, yugurish ixlosmandlari uchun xalqaro maydonchaga aylanib bormoqda. Tadbir O‘zbekistonda istiqomat qilayotgan va musobaqalarda faol ishtirok etib kelayotgan xorijlik fuqarolardan tashqari, Markaziy Osiyo mamlakatlaridan keladigan musobaqa qatnashchilarini ham birlashtiradi. Sentyabr oyida Toshkentga Qozog‘iston, Tojikiston, Qirg‘iziston sport klublari vakillari ushbu bayramda ishtirok etish uchun tashrif buyuradilar.

Mustaqillik bayrami munosabati bilan Toshkent shahrida o‘tkaziladigan navbatdagi “Yangi Nafas” yugurish musobaqasida 31-avgustgacha Iticket.uz saytida roʻyxatdan oʻtish orqali ishtirok etish mumkin. Fuqaroligidan qat’i nazar, barcha yugurish ixlosmandlari mazkur yugurish musobaqasiga qo‘shilishlari mumkin.

Aholining barcha qatlamlari sport musobaqalarida ishtirok etishlari uchun keng imkoniyat yaratish maqsadida Qoraqalpog‘iston Respublikasi hamda barcha viloyatlarda musobaqa uchun ro‘yxatdan o‘tish va qatnashish bepul! Yengil atletika federatsiyasi tashabbusi bilan har bir hududda “Yagona ijtimoiy himoya reyestri”, “temir” daftar, “ayollar” va “yoshlar” daftarlariga kiritilgan fuqarolarning ishtirok etishi uchun kvotalar ajratilgan. Yugurish musobaqalari va marafonlarning doimiy ishtirokchilari orasida nogironligi bor fuqarolar ham mavjud.

3 km masofada 9 yosh va undan katta yoshdagilar uchun sport musobaqalarida ishtirok etishga ruxsat etiladi. 10 km masofada istirok etish yoshi 14 yosh va undan katta. Barcha shaharlarda soat 6:30 da yagona start beriladi.

Toshkent shahrida ishtirok etish narxi:

•          3 km masofa uchun – 99 000 so‘m ;

•          10 km masofa uchun – 149 000 so‘m .

Ishtirokchi toʻplami quyidagilarni oʻz ichiga oladi:

•          Futbolka

•          Kepka

•          Ishtirokchining start raqami

•          Raqamni ilish uchun to‘g‘nog‘ichlar

Ishtirokchi to‘plamlarini berish O‘zbekiston Respublikasi Yengil atletika federatsiyasi tomonidan 1-2-sentyabr kunlari soat 10:00 dan 19:00 ga qadar quyidagi manzilda amalga oshiriladi: I.Karimov ko‘chasi, 98-uy, mo‘ljal – “Paxtakor” stadioni.

Olamsport.com sayti O‘zbekistonning yetakchi sport jurnalistlari o‘rtasida so‘rov o‘tkazdi va ular mamlakatning eng yaxshi yosh sportchisini aniqlab berishlari kerak edi.

So'rovnomada O‘smirlar o‘rtasidagi 2022-yilgi jahon chempioni, uch hatlab sakrash bo‘yicha U20 jahon mavsumi yetakchisi Sharifa Davronova eng ko‘p ovoz oldi.

Bugun, 19 iyul kuni O‘zbekiston Yengil atletika federatsiyasida Olamsport.com sayti bosh muharriri Kamoliddin Alimov Sharifa Davronovaga g‘olib kubogini topshirdi.

Uch hatlab sakrash bo‘yicha o‘smirlar o‘rtasida jahon chempioni, 18 yoshgacha bo‘lgan o‘smirlar o‘rtasida ikki karra Osiyo chempioni, 2022-yilda Quvaytda va 2023-yilda Toshkentda, shuningdek,  Tayland poytaxti Bangkok shahridagi 25-Osiyo chempionati boshlanishidan oldin o'tkazilgan Osiyo yengil atletika assotsiatsiyasining mutlaq yosh bo‘yicha 2023-yilda Ostona shahrida (Qozog‘iston) yopiq inshootlarda bo'lib o'tgan kongressda Sharifa Davronova  «Best U20 Athlete of Asia 2023» nominatsiyasida Osiyoning 2023-yildagi eng yaxshi sportchisi deb topildi.

2022-yilda Sharifa U20 toifasida 14,04 natija bilan dunyoning mavsumdagi eng yaxshi natijasi sohibiga aylangan edi. Joriy yilda ham u 13,99 natija bilan U20 jahon mavsumida peshqadamlik qilmoqda.

Sharifa Davronovaning boshqa unvonlari qatorida Turkiyaning Konya shahrida 2022-yilgi V Islom birdamlik o‘yinlaridagi g‘alabasi ham bor.

Bugun Yengil atletika federatsiyasida Sharifa Davronovaga 25-Osiyo chempionatidan taqdim etilgan eng yaxshi sportchi kubogi tantanali ravishda topshirildi.

Mukofotni Osiyo yengil atletika assotsiatsiyasi vitse-prezidenti va O‘zbekiston yengil atletika federatsiyasi raisi o‘rinbosari Andrey Hakimovich Abduvaliev topshirdi.

Sharifa va uning murabbiyi Muzaffar Quvondiqovich Karimovni ushbu yuksak mukofot bilan tabriklaymiz.

Yoshlar kuni va Olympic Day bayramiga bag’ishlangan Yangi Nafas xalqaro ommaviy yugurish musobaqasi bo’lib o’tdi

25-iyun kuni O’zbekistonning 16 ta shahrida, Qozog’iston, Tojikiston va Qirg’izistondan yuguruvchilar ishtirokida, Markaziy Osiyodagi eng keng ko’lamli Yangi Nafas ommaviy yugurish musobaqasi bo’lib o’tdi. Sport bayrami ikkita muhim sana – Yoshlar kuni va Xalqaro Olimpiya kuniga bag’ishlangan edi.

Yangi Nafas xalqaro ommaviy yugurish musobaqasi O‘zbekiston Respublikasi Yoshlar siyosati va sport vazirligi, Mudofaa vazirligi, Oliy ta’lim, fan va innovatsiyalar vazirligi, Ichki ishlar vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Milliy olimpiya qo‘mitasi ishtirokida tashkil qilindi. Tadbirning tashkiliy va texnik tayyorgarlik ishlari O’zbekiston Respublikasi Yengil atletika federatsiyasi tomonidan bajarildi, bosh hamkor – O'zbekneftgaz AJ.

Butun respublika bo’ylab 100 mingdan ziyod ishtirokchi Yangi Nafas ommaviy yugurish musobaqasiga qo’shildi.  Ularning orasidan mamlakatning 120 ta oliygohidan 17 mingga yaqin talaba o’zlarining bayramlarini shaharlarning markaziy ko’chalari bo’ylab ommaviy sport yugurish musobaqasida qatnashib nishonladi. Harbiy o’quv yurtlarining kursantlari va bitiruvchilari ham Vatan Qalqoni harbiy-vatanparvarlik ommaviy yugurish musobaqasida ishtirok etdi.

Farg’ona, Namangan, Buxoro, Samarqand, Nukusda yuguruvchilar ikkita masofada musobaqalashdi: 1 ta olimpiya milyasi va 3 kilometrga.  Andijon, Guliston, Nurafshon, Jizzax, Termiz, Navoiy, Qorovulbozor, Qarshi, G‘uzor, Urganch shaharlarida 3 km masofaga ommaviy yugurish musobaqasi tashkil etildi.

Toshkentda Yangi Nafas ommaviy yugurish musobaqasi Humo Arena majmuasining sport maydonchasida bo’lib o’tdi. Musobaqada olti mingga yaqin yuguruvchi ishtirok etdi. Ommaviy yugurish musobaqasining poytaxtdagi dasturida yuguruvchilar uchun 3 ta masofa tashkil etildi: 1 ta olimpiya milyasi (1, 609 m), 3 kilometr va 10 kilometr.

Yangi Nafas ommaviy yugurish musobaqasining ochilishida tabrik so’zi bilan  Yoshlar siyosati va sport vaziri Adham Ikromov chiqib, ishtirokchilarni Yoshlar kuni bilan tabrikladi va yosh avlod bugungi kunda sog’lom va faol turmush tarsi yo’liga turganini ta’kidlab o’tdi.

Shuningdek, ochilish marosimida O’zbekiston Respublikasi Bosh vazir o’rinbosari Zulayho Mahkamova, O’zbekiston Respublikasi prezidenti qoshidagi Xavfsizlik Kengashining kotibi va O’zbekiston Triatlon federatsiyasi raisi Viktor Mahmudov, Ichki ishlar vaziri o’rinbosari general-mayor Azizbek Ikromov va O’zbekiston Milliy olimpiya qo’mitasining Bosh kotibi Oybek Qosimov so’zga chiqdi.

Yengil atletika federatsiyasi tomonidan o’tkazilayotgan Yangi Nafas ijtimoiy-sport harakati Olympic Day’ni nishonlash uchun ajoyib platformaga aylandi. Jahon sport hamjamiyati iyun oyida Xalqaro olimpiya kunining (Olympic Day) 75-yilligini nishonlaydi. Aytib o’tish joizki, O’zbekiston Xalqaro olimpiya qo’mitasining «Keling harakatlanamiz!»/#LetsMove shiori ostidagi information kampaniyasiga qo’shildi. O’zbekistonning 6 ta sharida Yangi Nafas xalqaro loyihasining ishtirokchilari, butun dunyo bo’ylab besh million yuguruvchilarni qo’llash ramzida bitta olimpiya milyasini yugurib o’tdi.

Yangi Nafas ommaviy yugurish musobaqalari butun respublika bo’ylab 2020-yildan boshlab o’tkazib kelinmoqda. 250 mingdan ziyod ishtirokchi, millat salomatligini mustahkamlash va sog’lom turmush tarzini ommalashtirishga qaratilgan ijtimoiy-sport harakatiga qo’shilishga muvaffaq bo’ldi.

Ushbu yili Yangi Nafas ommaviy yugurish musobaqasi o’z chegeralarini kengaytirdi va qo’shni respublikalarning Yengil atletika federatsiyalari ko’magida yugurish musobaqasiga Qozog’iston, Tojikiston va Qirg’izistondan 300 nafarga yaqin yosh sportchilar va yugurish havaskorlari qo’shilish imkoniyatiga ega bo’ldi. Yangi Nafas qo’shni respublikalarning tillarida yangi va yorqin ohangga ega bo’ldi: «Нафаси нав», «Жаны дем», «Jaña tinis» «Täze dem» va Markaziy Osiyodagi yugurish havaskorlari uchun eng kutilgan sport voqealarining biriga aylandi.

«Men Toshkentga ilk marotaba keldim va darhol bunday katta sport bayramiga qo’shildim, - deb gapirdi finishdan so’ng tojikistonlik yuguruvchi Mirzodaler Mixsinzoda, - Yangi Nafas ommaviy yugurish musobaqasining tayyorgarligi va o’tkazilishi eng yuqori darajada tashkil etilganligini alohida ta’kidlab o’tishim kerak. Shu bilan birga, O’zbekiston va Tojikiston Yengil atletika federatsiyalariga, sport yugurish havaskorlari uchun eshiklar va chegaralarni ochadigan mana bunday hamkorlik uchun minnatdorchilik bildirmoqchiman. Bizning davlatimizda ham yugurish tobora ommalashib bormoqda, va men eng yirik sport klublarining biri – DAV.Tj klubining a’zosiman. Ayniqsa, men bugun o’zimning 5 va 10 km masofalik shaxsiy rekordimni takrorlaganim juda yoqimli. Yangi Nafas xalqaro ommaviy yugurish musobaqasida keyinchalik ham ishtirok etishni rejalashtiryapman».

Sport tadbirining yakunida ommaviy yugurish musobaqasining barcha g’oliblariga esdalik sovrinlari va sovg’alar topshiriladi. Toshkentda g’oliblar Yangi Nafas ommaviy yugurish musobaqasi munosabati bilan Milliy Bog’ parkida tashkillashtirilgan kechki konsert davomida tabriklanadi.

“Ёшлар куни”га бағишланган “Янги нафас”, “Ватан қалқони” халқаро оммавий югуриш мусобақалари ҳамда Халқаро Олимпия кунига бағишланган “Olympic day” мусобақалари

НИЗОМИ

Мазкур байрам доирасида югуриш ҳаваскорлари, спортчилар, талабалар, харбийлар ўртасида оммавий югуриш тадбири ўтказилиши режалаштирилган. Мазкур тадбирда барча югуриш ихлосмандлари бевосита фаол иштирок этишлари учун тегишли шарт ва шароитлар яратилиши зарур.

Ушбу югуриш тадбири нафақат ёшлар балки аҳолининг барча қатламлари учун ўтказилиши фуқароларимизнинг ўз соғлиқларига бўлган эътиборларини кучайишига, шунингдек соғлом турмуш тарзини кенг тарғиб қилиш ва маҳаллалар бўғинидан бошлаган холда ахолини бирдамлигини ошириш каби мақсадларни ўз ичига қамраб олади.

Мазкур Низом енгил атлетика спорт тури бўйича оммавий югуриш тадбирлари мақсади ва асосий вазифалари, спорт мусобақалари жараёнини ташкил этиш ва бошқариш, уларни ўтказишга раҳбарлик қилиш, уни молиялаштириш, шунингдек мусобақа ғолиб  ва совриндорларини тақдирлаш тартибини белгилайди.

1-боб. Умумий қоидалар.

1. Мусобақа жаҳон атлетикаси томонидан ўрнатилган қоидаларга кўра ўтказилади ва ҳакамлар томонидан баҳоланади. Мусобақани ўтказиш учун ҳакамлар таркиби Ўзбекистон енгил атлетика федерацияси томонидан тасдиқланади.

2. Мусобақада Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, мазкур Низомга ҳамда бошқа қонун ҳужжатларига амал қилинади.

2-боб. Мусобақанинг мақсад ва вазифалаpи.

3. Юртимизда аҳоли, айниқса, ёшлар, ҳарбийлар ўртасида соғлом турмуш тарзини тарғиб қилиш учун зарур шарт-шароитлар ва инфратузилмани яратиш.

4. Мусобақанинг мақсади аҳолининг барча қатламларини жисмоний тарбия ва спорт билан мунтазам шуғулланишга жалб қилиш натижасида соғлом турмуш тарзини шакллантириш, енгил атлетика спорт турини аҳоли ўртасида оммалаштириш ва уни янада ривожлантириш, республикада енгил атлетика спорт тури бўйича спортчиларнинг маҳорати даражасини оширишдир.

5. Мусобақанинг асосий вазифаси ёшларни соғлом турмуш тарзига йўналтириш, маҳаллалардаги ёшлар ва нуронийларни оммавий тадбирларга жалб қилиш, ҳакамларнинг малакасини ошириш, ўтказиладиган мусобақалар давомида иштирокчиларни руҳлантириш ва байрам шукухини ёйишдан иборат.

3-боб. Мусобақани ўтказишга раҳбарлик.

6. Мусобақани ўтказишга умумий раҳбарликни Ёшлар сиёсати ва спорт вазирлиги, Қорақалпоғистон Республикаси Вазирлар кенгаши,  вилоятлар ҳокимликлари, Тошкент шаҳар хокимлиги, Мудофаа вазирлиги, Ички ишлар вазирлиги, Миллий гвардия, Олий таълим, фан ва инновациялар вазирлиги, Миллий олимипия қўмитаси ҳамда бевосита раҳбарлик қилиш Ўзбекистон енгил атлетика федерацияси томонидан амалга оширилади.

7. Мусобақани ўтказишда ҳакамлар ҳайъати рўйхати бевосита федерация томонидан шакллантирилади. Ҳакамлар ҳайъати рўйхати Ўзбекистон енгил атлетика федарацияси буйруғи билан тасдиқланади.

8. Мусобақани адолатли ва шаффоф ҳолда ўтказилиши ҳакамлар ҳайъати зиммасига юклатилади.

4-боб. Мусобақани ўтказиш жойи ва муддати.

9. Мусобақа 2023 йилнинг 25 июнь куни Республикамизнинг 16 та (Андижон, Наманган, Фарғона, Нурафшон, Гулистон, Жиззах, Самарқанд,  Термиз, Навоий, Бухоро, Қоровулбозор, Қарши, Ғузор, Урганч, Нукус, Тошкент) шаҳарларида ўтказилади.

10. Мусобақаларга барча шаҳарларда бир вақтнинг ўзида соат 06:00 да старт берилади.

11. Мусобақа амалдаги Жаҳон енгил атлетикаси қоидалари асосида ўтказилади.

5-боб. Мусобақада иштирок этиш шартлари.