MAHALLIY YANGILIKLAR

Yengil atletika federatsiyasi va Oʻzbekcha Vikipediya administratori oʻrtasida uchrashuv boʻlib oʻtdi.

Natijada, federatsiya saytida erkin litsenziya oʻrnatish va Oʻzbekiston sportchilari toʻgʻrisida maʼlumot berish boʻyicha.

Наманган, Самарқанд, Гулистон, Чирчиқ, Жиззах, Фарғона, Шаҳрисабз, Tошкент шаҳарларида “Ёшлар куни”га бағишланган югуриш мусобақалари ўтказилади

Бундан беш йил муқаддам давлатимиз раҳбари навқирон авлод вакиллари иштирокидаги қурултойда Ўзбекистон ёшлар иттифоқи ташкил этилган 30 июнь санасини “Ёшлар куни” деб эълон қилиш таклифини илгари сурган эди. Шундан буён юртимизда ушбу сана кенг нишонланиб келинмоқда. 

Эътиборлиси, ўтган давр мобайнида мамлакатимизда ҳаётга татбиқ этилган, ҳукумат миқёсида қабул қилинган эзгу ғояларнинг, ташаббусларнинг мазмун-моҳияти туб заминида мустақил фикрлайдиган, Ватан тақдирига дахлдорлик туйғуси билан яшашга талпинаётган ёшларни қўллаб-қувватлаш мужассам. 

Жорий йилнинг 26 июнь куни мамлакатимизнинг Наманган, Самарқанд, Гулистон, Чирчиқ, Жиззах, Фарғона, Шаҳрисабз,, Tошкент шаҳарларида 3 километр масофага югyриш бўйича “Янги нафас” мyсобакалари ташкил этилади. Ундан кўзланган мақсад ҳам ёшлар тимсолида аҳолининг барча қатламларини соғлом турмуш тарзи билан қамраб олишга қаратилган. 

Бугун, 9 июнь куни пойтахтимиздаги Ўзбекистон енгил атлетика федерациясида мазкур мусобақаларга тайёргарлик кўриш, ташкил этиш масалаларига бағишланган йиғилиш бўлиб ўтди. 

Унда “Янги нафас” югуриш мусобақаси нафақат аҳоли орасида соғлом турмуш тарзи тамойилларини кенг ёйиш, одамларни бир мақсад атрофида бирлаштириш, жипслаштиришга, балки йилдан йилга оммавийлашиб бораётган саломатлик тадбирларининг даражасини юксалтиришга хизмат қилиши таъкидланди. 

Авваллари юртимизда марафон ёки югуриш мусобақалари битта ҳудудда ташкил этилган бўлса, бу сафарги оммавий спорт тадбири бир пайтнинг ўзида 8 та шаҳарда ўтказилади. Барчасида югуришга бир вақтда старт берилиши мусобақанинг нуфузини, унинг қамровини белгилайди. Мамлакатимизда шу соҳага ихтисослашган мутахассисларнинг янгича форматда ишлаш кўникмасини оширади. 

– “Янги нафас” югуриш мусобақаси янгича фикрлаш, янгича тизим, замонавий ёндашув ҳамда илғор ғояларни татбиқ этиш деганидир. Бундай кўриниш ва тартибдаги югуриш мусобақаси юртимизда илк бор ташкил этилмоқда. “Янги нафас” туфайли юзлаб инсонлар оммавий спорт билан қамраб олинади. Қолаверса, бу тадбир одамларнинг кундалик ҳаётига инсон саломатлиги учун муҳим омил бўлган оддий югуриш кириб келишига ёрдам беради. Бундан ташқари, мусобақалар саккизта шаҳарда бир вақтда бошланиши ҳам Ўзбекистон спортида ўзига хос воқелик бўлади, – дейди Спортни ривожлантириш вазирлиги етакчи мутахассиси Санъат Ғуломназаров.  

Йиғилиш якунида мазкур нуфузли югуриш мусобақаларини жойларда байрамона, тартибли ва халқаро талаблар даражасида ўтказиш ва ташкиллаштиришга дахлдор ташкилот мутасаддиларига, мутахассисларга зарур кўрсатмалар берилди. 

Тўлқин Рўзиев,  ЎзА

Poytaxtimizdagi yengil atletika markazida ushbu sport turi bo‘yicha kattalar o‘rtasida mamlakat kubogi va yoshlar o‘rtasida O‘zbekiston chempionati o‘tkazilmoqda. Bugungi bahslar davomida uch hatlab sakrash sektorida U18 yosh toifasida jahonda mavsumning eng yaxshi natijasi va mamlakat rekordi qayd etilgan bo‘lsa, U20 yo‘nalishida JCh normativi bajarildi.

Ushbu dasturda Sharifa Davronova (2006 yil) oltinchi urinishda 13.92 metr natija bilan 13 yildan beri o‘zgarmay turgan o‘smirlar o‘rtasidagi mamlakat rekordini yangilashga muvaffaq bo‘ldi. 2009 yil Italiyada o‘tgan dunyo birinchiligida bronza medalini qo‘lga kiritgan Valeriya Kanatova 13,74 metr ko‘rsatkich bilan ushbu sektordagi Respublika rekordi muallifi bo‘lib turgan edi. Yanada ahamiyatlisi, joriy yil butun dunyoda o‘smirlar va yoshlar toifasida hech bir sportchi bunday uzoqlikka sakray olmagan.

Shuningdek, Xushnoza Shavkatova (2005 yil) 12,91 metr natija qayd etdi. Bu bilan Shavkatova joriy yilning 1-6 avgust kunlari Kolumbiyaning Kali shahrida o‘tadigan yoshlar o‘rtasidagi jahon chempionati normativini (12,85 m) bajardi.

Qayd etish joiz, har ikki sportchimiz Samarqand maktabi tarbiyalanuvchisi bo‘lib, Muzaffar Karimov qo‘l ostida shug‘ullanishadi. O‘zbekiston yengil atletika federatsiyasining ma’lum qilishicha, musobaqa yakunlangach, Xalqaro yengil atletika federatsiyasi unda qayd etilgan natijalarni tasdiqlashi bilan Sharifa Davronova ham o‘smirlar, ham yoshlar toifasida uch hatlab sakrash dasturida mavsum yetakchisiga aylanadi.

2022 yil may-iyun oylari uchun sport tadbirlari taqvimi

Toshkent xalqaro ShHT yarim marafoni

2022-yil 27-mart

MATBUOT XABARI

O‘zbekiston Respublikasining xalqaro nufuzini mustahkamlash va Shanxay hamkorlik tashkiloti doirasidagi madaniy-gumanitar aloqalarni qo‘llab-quvvatlash maqsadida 2022-yil 27-mart kuni ilk bor Toshkent xalqaro yarim marafoni tashkil etiladi. Yarim marafon O‘zbekiston Respublikasi raisligida 2022-yil sentabr oyida Samarqand shahrida bo‘lib o‘tadigan ShHTga a’zo davlatlar rahbarlarining sammitiga to‘g‘ri keladigan qator tadbirlar dasturiga kiritilgan.

2016-yildan beri xalqaro tashkilot tashabbusi bilan o‘tkazib kelinayotgan ShHT yarim marafonlari ShHTga a’zo davlatlar o‘rtasidagi madaniy-gumanitar hamkorlikning ajralmas qismiga aylandi. Sport tadbirlariga xalqaro hamjamiyatning qiziqishi yil sayin ortib bormoqda. Ommaviy sportning madaniyatlar, millatlar va sivilizatsiyalar xilma-xilligini ifodalovchi insonlar o‘rtasida tenglikni ta’minlash, tinchlik manfaatlari yo‘lida mamlakatlar o‘rtasidagi hamkorlikni mustahkamlash, barqaror va barkamol rivojlanishga intilish kabi umuminsoniy qadriyatlar Shanxay hamkorlik tashkiloti ruhi va asosiy tamoyillarini to‘la aks ettiradi. 2019-yilda ShHTning Bishkek sammiti doirasida aholi o‘rtasida sport va jismoniy tarbiyani ommalashtirish, professional sportchilarni xalqaro musobaqalarda ishtirok etishga, Olimpiya, Paralimpiya va milliy sport turlari o‘yinlarining rivojlanishi uchun qulay shart-sharoitlar yaratishga qaratilgan hamkorlik to‘g‘risidagi bitimni imzoladilar.

ShHT sport musobaqalarini o‘tkazishga yuqori darajadagi tayyorgarlik nafaqat turli mamlakatlardan ko‘plab yuguruvchilarni, balki Olimpiya o‘yinlari darajasidagi professional sportchilarni ham o‘ziga jalb etmoqda. ShHT marafonlari Jahon yengil atletikasi musobaqalari taqvimiga kiritilgan. Har bir bosqichda xalqaro assotsiatsiya qoidalariga muvofiq, antidoping nazoratidan tortib, marafon trassasini qamrab olish sifatigacha bo‘lgan tadbirni tayyorlash bo‘yicha katta ishlar amalga oshirilmoqda.

O‘zbekiston yengil atletika federatsiyasi yuqori saviyadagi sport yugurish musobaqalarini tashkil etishda katta tajribaga ega. Bahor bayrami arafasida o‘tkazilgan “Navro‘z” Toshkent xalqaro marafoni, O‘zbekiston shaharlarida “Save Aral” va “Aral marathon” sport musobaqalari allaqachon an’anaga aylangan. ShHT Toshkent xalqaro yarimmarafon trassasi Xalqaro marafonlar va yugurishlar assotsiatsiyasi (AIMS) sertifikatiga ega trassada bo‘lib o‘tadi. Bo‘lajak sport musobaqasi dasturiga 3 km va 21 km bo‘lgan 2 ta masofa kiritilgan. Sport yugurishida nafaqat “ShHT oilasi”ning 18 davlatidan yuguruvchilar, balki boshqa mamlakatlardan ham ishtirokchilar tashrif etishlari mumkin. G‘oliblarning umumiy mukofot jamg‘armasi 138 million so‘mni tashkil etadi. (yarim marafon uchun 126 million so‘m, 3 km masofaga 12 million so‘m).

ShHT Toshkent xalqaro yarim marafoni yo‘nalishi markaziy ko‘chalar orqali o‘tadi, bu yugurish ishtirokchilari va poytaxt mehmonlariga yangi zamonaviy arxitektura majmualari va shaharning madaniy-tarixiy qismini namoyish etish imkonini beradi.

O‘zbekistonlik sportchilar ShHT marafonlarida doimiy ishtirokchilar hisoblanishadi. O‘tgan yili ShHT tashkil etilganining 20 yilligiga bag‘ishlangan xalqaro Dushanbe yarim marafonida O‘zbekistonlik sportchilar – Shohrux Davlatov va Azizaxon Mirzaakbarovalar birinchi o‘rinlarni egallagan edi.

O‘zbekiston yengil atletika federatsiyasi raisi o‘rinbosari Andrey Abduvaliyev O‘zbekistonda keyingi yillarda ommaviy sport tadbirlarida faol ishtirok etayotgan fuqarolar ko‘payib borayotganini ta’kidladi. ShHT nomi ostida o‘tkazilayotgan yarim marafon O‘zbekistonning katta sport olamidagi reytingini oshiradi hamda mahalliy sportchilarning xalqaro chiqishlardagi tayyorgarlik darajasi hamda bir trassada boshqa mamlakatlarning taniqli sportchilari bilan uchrashishi uchun qo‘shimcha turtki bo‘ladi.

Tashkiliy qo‘mita

 “Navro‘z” IV Toshkent xalqaro marafoni

Matbuon xabari ATBUOT XABARI

27-mart kuni Toshkent shahrida O‘zbekiston Respublikasi sportni rivojlantirish vazirligi, O‘zbekiston Milliy olimpiya qo‘mitasi, O‘zbekiston yengil atletika federatsiyasi, Toshkent shahar hokimligi va Yoshlar ishlari agentligi hamkorligida “Navro‘z” IV Toshkent xalqaro marafoni bo‘lib o‘tadi.

4 yil davomida o‘tkazib kelinayotgan “Navro‘z” Toshkent xalqaro marafoni nafaqat professional sportchilarni, balki o‘z sog‘lig‘i uchun barcha yoshdagi yuguruvchi sport ishqibozlarini ham jamladi hamda O‘zbekistondagi eng yirik, eng muhim sport tadbirlaridan biriga aylandi.

Marafonning start va finish chizig‘i Afrosiyob va Beshyog‘och ko‘chalari chorraxasi (“Humo Arena” muz saroyi) da joylashgan bo‘lib, ShHT Toshkent xalqaro yarim marafonining yo‘nalishi poytaxtning markaziy ko‘chalari ya’ni Nukus, Abdulla Qodiriy va Abay bo‘ylab o‘tadi.

Bu yil yugurishlar ikki masofada, klassik marafon (42 km 195 m) va 10 km masofada o‘tkaziladi. Marafon masofasida sportchi masofani bosib o‘tishi kerak bo‘lgan vaqt chegarasi belgilanadi. Marafon yugurishida qatnashuvchilarning yoshi 18 yosh va undan katta, 10 km masofaga yugurishda ishtirokchilarning yoshi cheklanmagan bo‘ladi.

Marafonda va 10 km masafaga yugurishlarda har qanday jismoniy shaxslar va tashkilotlar ishtirokchi anketasini to‘ldirish orqali belgilangan muddatlardada ro‘yxatdan o‘tishi mumkin. Marafon va 10 km masofaga yugurishlarning har bir ishtirokchisi roʻyxatdan oʻtgandan soʻng (https://iticket.uz tizimida) kirish toʻlovini toʻlashi shart.

Ro‘yxatdan o‘tgan ishtirokchilar, quyidagi ishtirokchilar to‘plamini oladilar:

- sport dasturi turiga muvofiq chipli ko‘krak raqami (1 dona);

- atributlari bo‘lgan suvenir

- ryukzak;

- kepka;

- futbolka (DryFit);

- marafon va 10 km masofaga ygurish yo‘nalishi, trassa haqida ishtirokchilar uchun buklet.

Trassa yo‘nalishi Xalqaro AIMS tizimi tomonidan sertifikatlangan bo‘lib, trassaning uzunligi 21 km 97,5 mni tashkil etadi va marafon ishtirokchisi ikki davra yugurishi kerak bo‘ladi. Tanlovda chiplar bo‘yicha vaqt natijasini avtomatlashtirilgan tarzda hisoblash uchun zamonaviy transponder tizimi qo‘llaniladi.

Marafonda erkaklar va ayollar o‘rtasida 1-5 o‘rinlarni egallagan ishtirokchilar pul mukofotlari bilan (1-o‘rin – 30 million, 2-o‘rin – 20 million, 3-o‘rin – 10 million, 4-o‘rin – 5 million, 5-o‘rin – 3 million so‘m) hamda g‘olib, sovrindorlar medallar bilan taqdirlanadilar.

10 km masofada erkaklar va ayollar o‘rtasida 1-3 o‘rinlarni egallagan sihtirokchilar pul mukofotlari (1-o‘rin – 3 million, 2-o‘rin – 2 million, 3-o‘rin – 1 million so‘m) va medallar bilan taqdirlanadilar.

Musobaqa g‘oliblari va ishtirokchilariga tadbir tashkilotchilari va homiylari tomonidan qo‘shimcha sovg‘alar topshirilishi mumkin.

Marafon masofasini belgilangan vaqt ichida bosib o‘tgan ishtirokchilar marra medaliga sazovor bo‘ladilar.

Toshkent xalqaro “Navro‘z” marafonida O‘zNADA vakillari ishtirok etadi, xodimlar ixtiyoriy sportchilardan tanlab doping-test olishlari mumkin bo‘ladi. Doping tekshiruvidan o‘tgan sovrindor sportchilar, tahlil natijalari aniq bo‘lganidan so‘ng mukofot pullarini olishlari mumkin hisoblanadi.

PRESS – RELIZ

«Save Aral» xalqaro sport poygalarining yangi mavsumi boshlanmoqda

20 fevral kuni Guliston shahrida, Yengil atletika federatsiyasi tomonidan O’zbekiston Respublikasi Sportni rivojlantirish vazirligi, Milliy Olimpiya Qo’mitasi va Sirdaryo viloyati hokimligi ko’magida tashkil etilgan, «Save Aral» xayriya xalqaro poygasining navbatdagi mavsumiga start berildi. 2 mingga yaqin ishtirokchi «Save Aral - 2022» ilk poygasida ishtirok etish uchun qo’shildi.

2019 yildan boshlab, Yengil atletika federatsiyasining tashabbusiga binoan, O’zbekistonning katta va kichik shaharlari bo’ylab «Save Aral» ommaviy poygalari tashkil etilib, butun bir sport harakatiga aylandi. 3 yillik mavjud bo’lgan davri mobaynida tadbirlarda 100 mingdan ortiq fuqaro ishtirok etdi, butun respublika bo’ylab 35 ta poyga o’tkazildi.

Hududiy markazlarda «Save Aral» poygalari allaqachon an’anaviy madaniy-ommaviy tadbirga aylandi. Bevosita viloyatlarning hokimiyatlari tomonidan, Yengil atletika federatsiyasi hamda Spotni rivojlantirish vazirligining hududiy vakillari ko’magida, 2022 yilda  30 ta sport poygalari tashkillashtiriladi. Umumiy bo’lib, fevraldan boshlab noyabrgacha davlatning barcha hududlari va Qoraqalpog’iston Respublikasida 50 ta poygani tashkil etish rejalashtirilgan. Ushbu yili sport tadbirlarining asosiy tashkilotchilaridan biri sifatida «O’zbekneftgaz» AJ qo’shildi.

Gulistonda poygani o’tkazish uchun shahar ma’muriyati tomonidan shaharning markaziy ko’chalari bekitildi: Guliston ko’chasidan Mustaqillik ko’chasigacha. Hokimiyat xodimlarining o’zlari ham  «Save Aral - 2022» poygasini qo’llab-quvvatlash maqsadida 3 kilometr masofani yugurib o’tdi.

«Guliston va yonma-yon joylashgan barcha shaharlar hamda hududiy markazlarining yashovchilari barcha tashabbuslarda faollik bilan ishtirok etmoqda, sport hayotlarining muhim qismiga aylangan, - deb ta’kidlashdi Sirdaryo viloyatining hokimiyatida, – Biz katta g’urur his etgan holda, 2020 yili Tokioda bo’lib o’tgan Olimpiya o’yinlarining ishtirokchisi – Safina Sadullayeva Sirdaryo shahrida tug’ilganini ma’lum qilamiz. Ehtimol, bizning viloyatimizda ham bir necha yildan so’ng umumiy harakatlar natijasida xalqaro darajali professional sportsmenlarning butun bir maktabi shakllanadi».

Aytib o’tishimiz joizki, «Save Aral» xalqaro ommaviy sport poygasining o’tkazilishi  eng yuqori miqyosda qo’llab-quvvatlanadi. Tadbirlar O’zbekiston Respublikasi Prezidentining 24.01.2020 yildagi PF-5924-sonli “O’zbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari to’g’risidagi” Farmonining bajarilishini ta’minlash maqsadida tashkil etilmoqda. Qabul qilingan hujjatda uning asosiy maqsadlari belgilangan – aholi salomatligini mustahkamlashga qaratilgan ma’lum dasturlarni amalyotda joriy etish, yosh avlodni faol jismoniy va sport faoliyatiga jalb qilish hamda milliy terma jamoalarini shakllantirish uchun potentsial sportchilarni saralab olish va sport turizmini rivojlantirish. Bundan tashqari, «Save Aral» poygalarining ijtimoiy g’oyasi jamoatchilik e’tiborini Orol bo’yi mintaqasi hamda Orol dengizi atrofidagi ekologik muammoga jalb qilishga qaratilgan.

Tashkilotchilarning ta’kidlashicha, ommaviy sportga bo’lgan e’tibor natijasida nafaqat millatning salomatligi ta’minlanadi, balki mamlakatda sport rivojlanishi va katta yutuqlarga erishishni rag’batlantiradi. «Save Aral» sport xayriya poygasining doirasida, bitta yugurish yo’lagida yengil atletika havaskorlari ham, yuniorlar ham, tajribali sportsmenlar – turli xil xalqaro o’yinlar va marafonlarning ishtirokchilari ham uchrashadi.

Bizni qo'llab-quvvatlang
Facebook: @SaveAral2021
Instagram: @marathon_aral2021

   O’zbekiston Respublikasi

Yengil atletika federatsiyasining

Matbuot xizmati

ShHTning qabul qilingan me’yoriy-huquqiy hujjatlariga ko‘ra, tashkilotga a’zo davlatlar jismoniy tarbiya va sportni rivojlantirish uchun qulay shart-sharoitlar yaratish, sportchilarni xalqaro sport musobaqalarida ishtirok etishga imkon yaratish, olimpiya, paralimpiya va milliy sport turlarini rivojlantirish bo‘yicha hamkorlikni mustahkamlashga ko‘maklashadi. Sport, shuningdek, sport federatsiyalari o‘rtasidagi bevosita aloqalarni rivojlantirishga hissa qo‘shadi.

Borgan sari ommaviy va vakillik kasb etayotgan ShHT yarimmarafoni 2016 yildan boshlab har yili o‘tkazila boshlandi va nafaqat o‘sib borayotgan mamlakatlar sport hayotida o‘ziga xos “tashrif qog’ozi” va muhim voqeaga aylandi. Shanxay hamkorlik tashkiloti oilasi o'zlarini katta sportda tobora balandroq taqg’ib qilishmoqda.

ShHT yarim marafonlari minglab odamlarni, jumladan, turli mamlakatlar va qit’alardan kelgan professional sportchilar, ishqibozlar va sog‘lom turmush tarzi ixlosmandlarini ShHT bayrog‘i ostida birlashtirgan yorqin va keng ko‘lamli madaniy va sport tadbiri sifatida chinakam bayramga aylanib bormoqda. “Shanxay ruhi”ni o‘zida mujassam etgan do‘stlik va jonli muloqot: ochiqlik, tenglik, o‘zaro hurmat va hamkorlikda rivojlanish, shuningdek, mamlakatlarning ko‘p qirrali hamkorligining gumanitar jihatini rivojlantirish manfaati uchun jahon sportining yuksak g‘oyalariga xizmat qiladi. ShHT oilasi dunyo aholisining deyarli yarmini birlashtirmoqda!

Yarim marafonda ro'yxatdan o'tishingiz mumkin, siz yarim marafonning rasmiy veb-saytiga murojaat qilishingiz mumkin:

International Tashkent SCO Half Marathon 2022

Kuni kecha O‘zbekiston yengil atletika federatsiyasi boshqaruvida bo‘lgan o‘zgarish ushbu sport turida yangi marralarni zabt etish uchun tashlangan qadam bo‘ldi. Bugun MOQ raisi Rustam Shoabdurahmonov federatsiya bazasiga tashrif buyurib, sportchilarimizning mashg‘ulotini kuzatdi.

Ayni paytda asosiy tarkib sportchilari yengil atletika bazasida yangi mavsum uchun tayyorgarlik bosqichini olib bormoqda. Tashrif davomida MOQ rahbari ham sportchi, ham murabbiylar bilan alohida suhbatlashdi. Unda federatsiya raisi o‘rinbosari Andrey Abduvaliyev va bosh murabbiy Go‘zal Hubbiyeva ham ishtirok etdi.

“Bizni ortimizdan Prezidentimiz va hukumatimiz qo‘llab-quvvatlab turibdi. Olimpiya va Paralimpiyachilarimiz qanday motivatsiya qilinayotganini ko‘rib turibsiz. Jahonda raqobat shiddatli ruhda o‘syapti. Shu bois zamonaviy metodika asosida mashg‘ulotlar olib borish kerak. Atletlarimizning salomatligini muntazam nazorat qilish, undagi o‘zgarishlarni ko‘zdan kechirish shifokorlar uchun alohida vazifa”, – dedi MOQ rahbari.

Suhbat davomida Rustam Shoabdurahmonov sportchilarning yo‘nalishga qarab ma’lum davrda nazorat testlarini o‘tkazish, sportchilarni musobaqalarga tayyorlashda yangicha metodika bilan yondashish, Respublika sport tibbiyoti ilmiy-amaliy markazi bilan muntazam aloqada bo‘lib, atletlarning salomatligini kuzatish bo‘yicha ko‘rsatmalar berdi.

Бугун Миллий Олимпия қўмитаси мажлислар залида Ўзбекистон енгил атлетика федерациясининг навбатдан ташқари ҳисобот-сайлов конференцияси ўтказилди. Бу ҳақида Олимпия қўмитаси матбуот хизмати хабар бермоқда.

Унда Рустам Шоабдураҳмонов бошчилигидаги МОҚ раҳбарияти, Туризм ва спорт вазирининг ўринбосари Шаҳрулло Маҳмудов, Ўзбекистон спорт фахрийлари кенгаши раиси Баҳодир Маҳситов, Ўзбекистон енгил атлетика федерацияси Ижроия қўмитаси аъзолари, ушбу спорт тури мутахассислари иштирок этишди.

Даставвал Ўзбекистон енгил атлетика федерацияси раиси Андрей Абдуҳакимовнинг лавозимидан озод этиш ҳақидаги аризаси делегатлар томонидан қаноатлантирилди. Шундан сўнг, федерация раҳбарлигига “Ўзбекнефтегаз“ АЖ Бошқарув раиси Меҳриддин Раззоқович Абдуллаев номзоди илгари сурилди. Иштирокчилар ушбу номзодни бир овоздан маъқуллашди ва М.Абдуллаев Ўзбекистон енгил атлетика федерациясининг раиси этиб сайланди.

Шунингдек, “Ўзбекнефтегаз“ АЖ Бошқарув раиси маслаҳатчиси, бошқарув аппарати раҳбари Камолиддин Усмонов федерация раисининг умумий ишлар бўйича ўринбосари, Бухоро нефтни қайта ишлаш заводи директори Акбар Фозилов молиявий ишлар бўйича раис ўринбосари, Барселона-1992 Олимпия ўйинлари чемпиони Андрей Абдувалиев эса спорт масалалари бўйича раис ўринбосари этиб сайланишди.

Қайд этиш жоиз, енгил атлетика йирик комплекс мусобақаларда энг кўп медаллар тақдим қиладиган спорт тури ҳисобланади.

Ayni kunlarda yengil atletika boʻyicha Oʻzbekiston terma jamoasi poytaxtimiz va Toshkent viloyatining Dukent maskanida oʻquv-mashgʻulot yigʻinini olib bormoqda. Poytaxtimizda 14 nafar sportchi yigʻinda qatnashayotgan boʻlsa, terma jamoamizning 11 nafar asosiy vakillari “Yangiobod sport bazasi”dagi mashgʻulotlarda ishtirok etmoqda. Yilning dastlabki yigʻini boʻlgani bois murabbiylar asosan jismoniy tayyorgarlikni kuchaytirishga eʼtibor qaratishgan. 

Bugun MOQ rahbari Rustam Shoabdurahmonov poytaxtimizdagi yengil atletika markaziga tashrif buyurib, u yerda oʻquv-mashgʻulot yigʻinini olib borayotgan sportchilarimiz bilan uchrashdi. Tashrif davomida federatsiya mutasaddilari va  terma jamoamiz bosh murabbiyi Goʻzal Hubbiyeva MOQ raisiga olib borilayotgan yigʻin haqida batafsil maʼlumot berdi. 

MOQ rahbari tashrif davomida Markazda shugʻullanayotgan atletlar bilan ham yuzma yuz suhbatlashib, ularning yangi mavsumda oldilariga qoʻygan rejasi, maqsadlari haqida fikr almashdi. Shuningdek, federatsiya mutasaddilariga sportchilarning kamchiliklarini oʻrganish, ular uchun barcha sharoitlarni yaratish, mashgʻulotlarni uzliksiz davom ettirish boʻyicha koʻrsatma berdi.

Yengil atletika bo‘yicha “Barkamol avlod 2021” Respublika musobaqasining

JADVALI

(16-18 dekabr 2021-yil, Jizzax shahri, Olimpiya zaxiralari kolleji yopiq inshooti)

1-kun  17-dekabr, juma

9.00 – musobaqaning ochilish marosimi

 9:30 - balandlikka sakrash o‘smir qizlar

10:00 - 60m g‘/o yugurish o‘smir qizlar final

10:15 - 60m g‘/o yugurish o‘smirlar final

10:30 - 60m yugurish o‘smir qizlar saralash

10:30 - balandlikka sakrash o‘smirlar

10:50 - 60m yugurish o‘smirlar saralash

11:10 - 400m yugurish o‘smir qizlar final

11:30 - 400m yugurish o‘smirlar final

11:30 - Uzunlikka sakrash o‘smirlar

11:50 - 1500m yugurish o‘smir qizlar final

12:10 - 1500m  yugurish o‘smirlar final

12:30 - Uzunlikka sakrash o‘smir qizlar

12:30 - 60 m yugurish o‘smir qizlar final

12:40 - 60m yugurish o‘smirlar final

13:20 - estafeta 4х200m yugurish o‘smir qizlar final

13:40 - estafeta 4х200m yugurish o‘smirlar final

2-kun 18-dekabr, shanba

10:00 - 200m yugurish o‘smir qizlar final

10:00 - Uch hatlab sakrash o‘smir qizlar

10:20 - 200m  yugurish o‘smirlar final

11:00 - Uch hatlab sakrash o‘smirlar

10:40 - 800m yugurish o‘smir qizlar final

11:00 - 800m yugurish o‘smirlar final

11:20 - 3000m yugurish o‘smir qizlar final

12:30 - 3000м yugurish o‘smirlar final

12:40 - estafeta  4х400m yugurish o‘smir qizlar final

13:00 - estafeta  4х400m yugurish o‘smirlar final

13:15 - musobaqa g‘olib va sovrindorlarini taqdirlash

            Musobaqaning yopilish marosimi Bosh hakam                         Raximov O.

23 ноябр куни Ўзбекистон Республикаси Енгил атлетика федерациясининг биносида «Save Aral - 2021» хайрия пойгасининг учинчи мавсумининг якунланишига бағишланган якуний пресс-конференция бўлиб ўтди. Тадбирда Ўзбекистон президенти қошидаги Хавфсизлик кенгашининг котиби ҳамда Триатлон федерациясининг раиси Виктор Маҳмудов, Енгил атлетика федерациясининг раиси Андрей Абдувалиев ва Енгил атлетика федерациясининг Бош котиби Камолиддин Рўзимуҳамедов иштирок этишди.

 «Save Aral» лойиҳаси йилдан йилга чегараларини кенгайтириб, аҳоли орасида таниқли ва машҳур спорт тадбирига тобора айланиб бормоқда. Дастлаб «Save Aral» хайрия пойгаси 2019 йил октябрда бўлиб ўтган “Орол бўйи – экологик инновациялар ва технологиялар ҳудуди” халқаро конференциясига бағишланган, ҳамда якуний белгиланган жойи Мўйноқ шаҳри бўлган ҳолда ўтказилган бўлса, 2020 йили Ўзбекистонда Covid-19 пандемияси ривожланиши билан, лойиҳа, турли ҳил касалликлар профилактикаси ва фуқароларнинг соғлом турмуш тарзини қўллаб-қувватлашга қаратилган ижтимоий ташаббус сифатида янги аҳамиятга эга бўлди.
Ўзбекистон Республикаси Президенти Шавкат Мирзиёев томонидан Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилинган 2021 йилда, ижтимоий масалаларнинг кенг доирасини қамраб олган ҳолда, «Save Aral» хайрия пойгаси яна бир маротаба ўзининг долзарблигини ва ўз вақтида ўтказилаётганини тасдиқлади.

«Save Aral» лойиҳасининг асосий йўналиши, халқаро ва миллий миқёсда жамоатчилик эътиборини Орол денгизининг қуриши каби экологик фожеанинг оқибатларини юмшатиш, ҳамда БМТ Бош Ассамблеяси 75-сессиясининг пленар мажлисида Орол бўйи минтақасини экологик инновациялар ва технологиялар ҳудуди деб эълон қилиш ҳақида қабул қилинган махсус резолюцияси доирасида Орол бўйи минтақасини қайта тиклаш бўйича чораларни амалга оширишга жалб қилишдан иборат.

3 йил мобайнида жами 32 спорт пойгаси ташкил этилган бўлиб, уларда нафақат Орол денгизига яқин жойлашган шаҳарларда, балки бугунги кунда содир бўлаётган иқлим ўзгаришларига бефарқ бўлмаган, Орол бўйи шаҳарларидан ҳам 100 мингдан зиёд инсон иштирок этди.

 «Save Aral» пойгаларининг учинчи мавсуми ушбу йилнинг сентябр ойида бошланиб, республиканинг 5 та ҳудудида – Фарғона, Навоий, Самарқанд, Сурҳондарё ва Тошкент вилоятларида бўлиб ўтди ҳамда 20 ноябр куни тантанали равишда пойтахтда якунланди. Тадбир давомида Косонсой, Хонабод, Яйпан, Зарафшон, Навоий, Зоамин, Нурафшон, Ангрен, Денов, Каттақўрғон каби шаҳарлар қамраб олинди. «Save Aral» халқаро хайрия пойгасининг умумий маршрути 3-мавсумда 30 км. ни ташкил қилди. Бундан ташқари, лойиҳа доирасида илк маротаба энг машҳур спорт эстафетаси  экиден ўтказилган бўлиб, унда хусусий корпоратив компаниялар, давлат тизимлари, спорт бирлашмалари ва ташаббускор гуруҳлардан 27 та жамоа қатнашди.

Бу йили эркаклар орасида Термиз шаҳрининг яшовчиси – Шоҳруҳ Давлатов (1996 й.т.) 8:22 дақиқада 3 км натижа билан, аёллар орасида  – Шоҳсанам Хуррамова (2003 й.т.) 10:19 дақиқага тенг натижа билан энг яхши натижани намойиш этди.

Шаклланган анъанага кўра, ушбу мавсумда «Save Aral» хайрия лойиҳаси шунингдек, Экология ва атроф-муҳит муҳофазаси бўйича Давлат қўмитаси ва Ўзбекистон экологик партияси кўмагида Енгил атлетика федерациясининг ҳудудида дарахтларни экишни ташкиллаштирди. Имкониятлари чекланган инсонларнинг ҳамда мурувват болалар уйлари тарбияланувчиларининг ижтимоий мослашувини таъминлаш мақсадида «Save Aral» лойиҳаси бу йили «Мўъжизалар вақти» ва «Umid Qanotlari» хайрия ярмаркаларида иштирок этди.

 «Save Aral» лойиҳаси ижтимоий тармоқларда:

•        Facebook: @SaveAral2021

•        Instagram: @marathon_aral2021

ЎзР Енгил атлетика федерациясининг

Матбуот хизмати

23 noyabr kuni O‘zbekiston Respublikasi Yengil atletika federatsiyasining binosida «Save Aral - 2021» xayriya poygasining uchinchi mavsumining yakunlanishiga bag‘ishlangan yakuniy press-konferensiya bo‘lib o‘tdi. Tadbirda O‘zbekiston prezidenti qoshidagi Xavfsizlik kengashining kotibi hamda Triatlon federatsiyasining raisi Viktor Mahmudov, Yengil atletika federatsiyasining raisi Andrey Abduvaliev va Yengil atletika federatsiyasining Bosh kotibi Kamoliddin Ro‘zimuhamedov ishtirok etishdi.

«Save Aral» loyihasi yildan yilga chegaralarini kengaytirib, aholi orasida taniqli va mashhur sport tadbiriga tobora aylanib bormoqda. Dastlab «Save Aral» xayriya poygasi 2019 yil oktyabrda bo‘lib o‘tgan “Orol bo‘yi – ekologik innovasiyalar va texnologiyalar hududi” xalqaro konferensiyasiga bag‘ishlangan, hamda yakuniy belgilangan joyi Mo‘ynoq shahri bo‘lgan holda o‘tkazilgan bo‘lsa, 2020 yili O‘zbekistonda Covid-19 pandemiyasi rivojlanishi bilan, loyiha, turli hil kasalliklar profilaktikasi va fuqarolarning sog‘lom turmush tarzini qo‘llab-quvvatlashga qaratilgan ijtimoiy tashabbus sifatida yangi ahamiyatga ega bo‘ldi.

 O‘zbekiston Respublikasi Prezidenti Shavkat Mirziyoev tomonidan Yoshlarni qo‘llab-quvvatlash va aholi salomatligini mustahkamlash yili deb e'lon qilingan 2021 yilda, ijtimoiy masalalarning keng doirasini qamrab olgan holda, «Save Aral» xayriya poygasi yana bir marotaba o‘zining dolzarbligini va o‘z vaqtida o‘tkazilayotganini tasdiqladi.