MAHALLIY YANGILIKLAR

Етти ташкилот ўртасида ҳамкорлик меморандуми имзоланди

Бугун Ўзбекистон Миллий олимпия қўмитасида муҳтарам Президентимиз томонидан Олий Мажлисга йўлланган Мурожаатномада белгилаб берилган топшириқлар ижросини таъминлаш, юртимизда жисмоний тарбия ва спорт билан шуғулланувчилар сонини янада ошириш мақсадида Ўзбекистон Республикаси Мудофаа вазирлиги, Ўзбекистон Республикаси Ички ишлар вазирлиги, Ўзбекистон Республикаси Миллий Гвардияси, Ўзбекистон Миллий олимпия қўмитаси, Ёшлар ишлари агентлиги, Ўзбекистон енгил атлетика ва триатлон федерациялари ўртасида ҳамкорлик меморандуми имзоланди. Унда ушбу ташкилотларнинг раҳбарияти, спорт жамоатчилиги вакиллари ва ОАВ ходимлари иштирок этишди.

Бўлажак меморандум 5 йил муддатга мўлжалланган бўлиб, халқаро тажрибаларни ўрганган ҳолда томонларнинг шахсий таркибини спортга кенг жалб қилиш, уларнинг жисмоний тарбия ва спорт билан шуғулланишлари учун барча шароитларни тайёрлаш, терма жамоаларимиз захираси учун иқтидорли спортчиларни саралаб олиш каби мақсадларни ўзида мужассамлаштирган.

Тадбир давомида меморандумнинг мазмун ва моҳияти, томонларнинг мажбурияти ҳақида тўхталиб ўтилди. Шундан сўнг томонлар ҳамкорлик меморандумига имзо чекишди.

“Бу ташкилотлар доимо ҳамкорликда ишлаб келишган. Олдимизда бу йил Токио Олимпия ва Паралимпия ўйинларидан ташқари Жанг санъати ва ёпиқ иншоотлардаги Осиё ўйинлари, Ислом бирдамлиги ўйинлари каби мусобақалар турибди. Ҳарбий соҳага алоқадор спортчиларимиз ҳам кўплаб топилади. Ушбу мусобақаларни санаб ўтишимнинг яна бир сабаби уларга ушбу ташкилотлар билан ҳамкорликда тайёрланиб, Ўзбекистон номини муносиб ҳимоя қилишдир. Қолаверса, бу орқали аҳолимизнинг барча бўғинларига спортнинг кириб боришини таъминашдир”, – деди МОҚ Бош котиби Ойбек Касимов.

Ҳамкорлик меморандуми имзолангач иштирокчилар унинг спортимиз ўсиши учун не чоғлик аҳамиятли экани ҳақида ўз фикрларини билдириб ўтишди. Хусусан, Ўзбекистон Республикаси Ички ишлар вазирлиги ҳамда Ёшлар ишлари агентлиги мутасаддилари сўзга чиқиб, ҳамкорликда ишлашдан мамнун эканликларини билдириб ўтишди.

МОҚ жамоаси барчангизни янги йил билан қутлайди! 

Олдинда барча соҳа вакиллари қатори Олимпия ҳаракати иштирокчиларини ҳам масъулиятли йил кутиб турибди. Қўмитамиз жамоаси ўзбек спортининг жаҳондаги нуфузини янада оширишга, спортчиларимизнинг Олимпия ўйинларига тайёргарлиги йўлида бор куч-ғайратини сафарбар қилади. Ўзбекистон Миллий олимпия қўмитаси барча юртдошларимизни кириб келаётган янги йил билан самимий муборакбод этади.

Xonimlarvajanoblar!

Aziz muxlislar!

2020 yil 6-dekabr kuni II-Xalqaro Toshkent marafonibo'libo'tdi.Qiyinchiliklarvamuammolargaqaramay (Covid-19, aviaqatnovlarigacheklovlar), umumanolganda, bayrammuvaffaqiyatlio'tdi.

Ushbumusobaqayuguruvchilarsonibo'yichao'tganyilganisbatankichikroqedi, ammo shungaqaramay, barchayoshdagimuxlislarsonioflaynvaonlaynyugurishmuxlislari soni oshdi. Kutganimizdeksport tadbiriningmuhiti,anchayinqisiqarlibo’libo’tdi.  3 soatdanortiqdavometgansport tadbirimizyuqori professional, rang-barangvadinamikmuhitdao'tdi. Samimiyqo'llab-quvvatlabvaishtiroketganingizuchunbarchangizgatashakkurizhoretamiz. Davlatrahbariyatiningmarafondaqatnashib shaxsiyibrat berishkanligi bayramgao'zgachalazzat berdi.

Afsuski, kamchiliklar ham bor, ayniqsa sayt ishida trassaga oid noto'g'ri ma'lumot namoyish etilgan. Хolis tanqidlarni bildirgan, o'z vaqtida xatolarni qayd etgan bloggerlar va yengil atletika muxlislariga samimiy minnatdorchiligimiznibildiramiz, biz buni albatta  e’tiborga olamiz.

O'zbekiston shaharlarida bo'lib o'tayotgan "Yangi Nafas" dasturi doirasidagi yana bir keng miqiyosda o’tayotgan tadbir yakunida II-Xalqaro Toshkent marafonini tashkil etishning barcha ijobiy va salbiy tomonlarini ko'rib chiquvchi komissiya tuzildi. Aybdorlarga nisbatan ma'lum xulosalar chiqariladi.

Sizlarga qabul qilingan barcha qarorlar to'g'risida xabar berib boramiz.

Biz marafonni tashkil etish va o'tkazish bilan bog'liq har qanday taklif va mulohazalarga har doim tayyormiz, chunki biz shaffoflik va professional yondashuv bilan kelajakda Toshkent xalqaro marafonini keng miqyosli xalqaro sport forumiga aylanishiga katta umid bildiramiz.

Barchaga yanabir o’z bor minnatdorchiligimizni izhor etgan holda kelgusi tadbirlarda kutib qolamiz.

2 Хalqaro Toshkent  marafonini  tashkiliy qo'mitasi

  * * * * *

 Dear ladies and gentlemen!

Dear fans!

The 2nd International Tashkent Marathon which was held on December 6, 2020 despite of the difficulties and problems (Covid-19, air travel restrictions), in general, was successful.

The event was smaller than in last year in terms of the number of runners, but nevertheless there was an increase in amateurs running offline and online, as well as fans of all ages. The atmosphere of the sporting event was rich and spectacular and met our expectations. More than 3 hours of sports event took place in a highly professional, colorful and dynamic atmosphere. Thank you all for your sincere support and participation. The presence of the country's leadership, their personal example of participating in the half marathon - gave the holiday a special flavor.

Unfortunately, there were some oversights, especially in the work of the web-site, where incorrect and irrelevant information about the track was displayed. We would like to express our sincere gratitude to the bloggers and athletics fans who expressed fair and objective criticism, noted the nuances in time, which we will definitely eliminate.

At the end of another large-scale event within the framework of the "YangiNafas" program, which takes place in the cities of Uzbekistan, a commission will be created in order to consider all the positive and negative aspects of the 2nd International Tashkent Marathon. They will draw some conclusions with regard to persons who have committed violations.

We will inform you about all decisions made.

We are always open to any kind of suggestions and comments regarding the organization and conduction of the Marathon, because we believe that only with transparency, coupled with a professional approach, will give the Tashkent International Marathon a high chance to become a large-scale international sports forum in the future.

Thanks again to everyone and we look forward to seeing you at future events.

Organizing committee of the competition

Бадантарбия - ҳар бир инсоннинг, маҳалла ва меҳнат жамоасининг кундалик турмуш тарзига айлансагина, ишда унум ва кутилган самарага эришилади. Бунинг учун ҳар бир ходим ўзаро ҳамфикр, бир тан бўлиб ҳаракат қилиши керак.

Ўзбекистон Миллий олимпия қўмитаси жамоаси юртдошларимизни ўз ишхоналарида, фаолият юритаётган масканларида бадантарбия машғулотларига чорлаб қолади. Ўзингиз учун шуғулланинг, шунда натижага албатта эришасиз.

Сафимизга қўшилинг, ҳаракатда бўлинг

Спортнинг енгил атлетика тури бўйича катталар ўртасида Ўзбекистон Кубоги, 2003-2004 йилларда тўғилган ўсмирлар ўртасида Ўзбекистон Чемпионати хамда “ЯНГИ НАФАС” республика оммавий мусобақаси

 Жадвали

 Тошкент шаҳри, 2020 йил 8 – 11 октябрь (жамоалар келиш куни 8 октября),  Ўзбекистон енгил атлетика Федерациясининг стадиони

Иштирок етиш учун аризалар (иштирокчилар сонини кўрсатувчи) танлов кунидан камида 5 кун олдин електрон почта орқали қабул қилинади (sekretariat2018@bk.ru).     Ариза ва иштирокчи карточкалари паспортингиз ёки туғилганлик ҳақидаги гувоҳномангизга биноан давлат тилида (Kirill) компютерда нусхаси илова қилинган ҳолда тўлдирилади. Қўл билан тўлдирилган аризалар ва иштирокчи карточкалари қабул қилинмайди.

Рақобатчиларни қабул қилиш бўйича мажбурий комиссия 8 октябрь куни соат 11:00 дан 15:00 гача Ўзбекистон енгил атлетика Федерациясида ишлайди (Тошкент шахар 98А И. Каримов хиёбони, 2-қават, тел. + 998951980346. Жамоа вакилларининг асосий ҳакамлар қўмитаси билан биргаликда учрашуви 08 октябрь куни соат 15.30 да Ўзбекистон енгил атлетика Федерациясида бўлиб ўтади.

Мусобақа бош ҳаками

биринчи тоифадаги ҳакам                                                                    Л. Андреев 

Toshkent Xalqaro marafoni 2020 yil 6 dekabrь kuni oʼtkaziladi!

6-dekabr kuni mamlakatimiz poytaxti Toshkent shahrida olamshumul hodisa, koronavirus pandemiyasi boshlanishi munosabati bilan 22-mart kuni boʼlib oʼtishi kerak boʼlgan biroq qoldirilgan, ikkinchi Toshkent Xalqaro marafoni boʼlib oʼtadi.

Bahorda rejalashtirilganidek, gʼoliblar erkaklar va ayollar oʼrtasidagi klassik marafonda (42 195 metr), yarim marafonda (21 097,5 metr), shuningdek, 3 km hamda 1,5 km masofalarga yugurishda aniqlanadi.

Marafon va yarim marafon ishtirokchilarining yoshi 18 yoshdan katta (2002y.t. va undan kattalar). 3 km va 1,5 km. Masofadaga yugurish ishtirokchilarining yoshi cheklanmagan. Marafon va yarim marafonda qaysi mamlakatdan kelganligidan qatʼi nazar barcha sportchilar va xavaskor yuguruvchilar qatnashishlari mumkin. 1,5 km masofada 2003-2008, 1975-2002 1974 y.t. va undan kattalar yosh toifalaridagi erkaklar va ayollar oʼrtasida gʼolib va sovrindorlar aniqlanadi.

Mart oyigacha roʼyxatdan oʼtgan va kirish toʼlovini toʼlagan barcha ishtirokchilar qayta belgilangan oʼtkazish sanasida avtomatik ravishda tanlagan yugurish masofasi turiga roʼyxatga qoʼyiladilar.

Har bir ishtirokchiga masofani bosib oʼtgan vaqtini qayd etuvchi elektron chipli shaxsiy raqam beriladi.

Tadbir tashkiliy qoʼmitasi, marafonning yuqori saviyasini va xavfsiz oʼtishini taʼminlash maqsadida davlat idoralari bilan hamkorlikda ishlaydi. Tadbir oʼtkazish davrida ishtirokchilar, hakamlar va musobaqa koʼngillilarining xavfsizligini taʼminlash uchun barcha choralar amalga oshiriladi.

Sabringiz uchun Sizga tashakkur etib, Xalqaro Toshkent marafonida Siz uchun eng qulay sharoitlarni yaratishga sidqi dildan xarakat qilamiz.

Marafonning rasmiy sayti: uzathletics.uz

Ommaviy sportni rivojlantirish va sog‘lom turmush tarzini har bir fuqaroning hayotiga kiritishga qaratilgan chora-tadbirlar to‘g‘risida qaror loyihasi muhokamaga qo‘yildi.

Bugun, 23 sentyabr kuni O‘zbekiston Respublikasi Prezidentining “Ommaviy sportni rivojlantirish va sog‘lom turmush tarzini har bir fuqaroning hayotiga kiritishga qaratilgan chora-tadbirlar to‘g‘risida”gi qarori normativ-huquqiy hujjatlar loyihalari muhokamasi portalida jamoatchilik muhokamasiga qo‘yildi.

Maʼlumki, Hukumatimiz tomonidan koronavirus infeksiyasi tarqalishiga qarshi kurashish davrida aholini ijtimoiy himoya qilishni kuchaytirish va iqtisodiyot tarmoqlari faoliyat ko‘rsatishining barqarorligini taʼminlash yuzasidan izchil chora-tadbirlar amalga oshirilmoqda.

Muhokamaga qo‘yilgan qarorga muvofiq, O‘zbekistonda global pandemiyaning salbiy oqibatlarini yumshatish hamda aholining barcha qatlamlarini jismoniy tarbiya va sport bilan muntazam shug‘ullanishga jalb etish orqali aholida kasallikka qarshi immun tizimini shakllantirish, kasallikdan keyingi davrda tiklash va reabilitatsiya ishlarini tashkil etish hamda aholining sog‘lom turmush tarzi garovi sifatida to‘g‘ri ovqatlanish targ‘ibotini kuchaytirish maqsad qilingan.

Unga ko‘ra, “Pandemiyani sport orqali yengamiz!” g‘oyasini o‘zida mujassam etgan O‘zbekiston Respublikasida 2020-2021 yillarda sport siyosatini jadallashtirish dasturi tasdiqlanadi. Shuningdek, Respublikada aholi o‘rtasida ommaviy sportni rivojlantirish va sog‘lom turmush tarzini targ‘ib qilishning ustuvor yo‘nalishlari etib – sportning yurish, yugurish, mini futbol, velosport, badminton, voleybol, stritbol, fitnes, “Workout” — mahalla (ko‘cha) fitnesi turlari belgilab olinishi ko‘zda tutilgan va bu sport turlarining mamlakatimizning har bir hududida rivojlanishi uchun tegishli mutasaddilar masʼul sifatida tayinlanadi.

Bundan tashqari qarorda 2021 yildan boshlab sentyabr oyining uchinchi yakshanbasi respublika bo‘yicha “Avtomobilsiz kun” deb eʼlon qilinadi hamda shu kuni avtomobilda harakatlanish taʼqiqlanadi.

Shuningdek, qaror bilan O‘zbekiston Respublikasi Jismoniy tarbiya va sport vazirligi huzurida yuridik shaxs maqomiga ega bo‘lmagan Ommaviy sportni rivojlantirish va sog‘lom turmush tarzini qo‘llab-quvvatlash jamg‘armasi tashkil etiladi. Jamg‘arma mablag‘larining shakllantirilish manbasi va uning qanday maqsadlarda sarflanishi hamda bir qator boshqa loyihalarning amalga oshirilishi bo‘yicha to‘liq ma'lumot bilan quyidagi havola https://regulation.gov.uz/uz/document/22513 orqali tanishishingiz mumkin.

Jismoniy tarbiya va sport vazirligi
Matbuot xizmati

Пандемия даврида жисмоний тарбия ва спорт соҳаси қандай ривожланмоқда?

2020 йил нафақат мамлакатимиз, балки дунё спортида муҳим йил бўлиши кутилаётганди. Жумладан, 24 июль – 9 август кунлари кунчиқар юрт Японияда XXXII ёзги Олимпия ўйинлари ўтказилиши белгиланган, юртимизда ҳам кўплаб нуфузли мусобақалар ва тадбирлар ўтиши лозим эди. Аммо...

Коронавирус пандемияси туфайли режалар буткул ўзгариб кетди. «Токио–2020» бир йил кейинга сурилди, кўплаб спорт тадбирлари кечиктирилди ёки бекор қилинди. Хуллас, орзулар, режалар, мақсадлар ўзгарди.

Коронавирус балоси инсон учун саломатлик нақадар қадрли неъмат эканини теран англашни, соғлик қадрига етишни ўргатди. Бу офат одамларда жамиятга, атрофда рўй бераётган воқеа-ҳодисаларга бошқача назар билан қарашга, соғлом кучларнинг жипслашиши, оммавий маданиятни юксалтириш нақадар долзарб вазифа эканини англатди. Пандемиянинг кенг тарқалиши жамиятда инсон саломатлигини мустаҳкамлашда жисмоний тарбия ва спортнинг ўрни нақадар аҳамиятлилигини янада ёрқинроқ намоён этди. Бугун жаҳоннинг кўплаб давлат ва нодавлат тузулмаларида ўтказилган мониторинглар, таққослар, таҳлиллар жисмоний маданият билан мунтазам шуғулланган, фаол ҳаёт тарзига эга одамларда касалликка чалиниш даражаси жуда ҳам пастлигини яна бир бор кўрсатиб қўйди.

Хўш, киши соғлом бўлиши учун нималарга аҳамият бериши керак? Карантин даврида қандай қилиб спорт билан шуғулланиш мумкин? Ҳозирги мураккаб, барча ўзини яккалаш шароитида Ўзбекистон Республикаси Жисмоний тарбия ва спорт вазирлигининг фаолияти қандай ташкил этилмоқда? Шу ва бошқа саволлар юзасидан Жисмоний тарбия ва спорт вазири Дилмурод Набиев "Янги Ўзбекистон" газетаси мухбирига интервью берди.

— Пандемия шароитида вазирлик фаолияти қай йўсинда ташкил этилмоқда? Умуман, пандемия спорт соҳасига қанчалик таъсир кўрсатди?

— Пандемия барча соҳаларда бўлгани каби жисмоний тарбия ва спорт соҳасига ҳам ўз таъсирини кўрсатмай қолмади. Бошланишида спорт ташкилотлари, федерациялар, спорт мактабларида бундай шароитда ишни қандай ташкил этиш, машғулотлар узлуксизлигини таъминлаш, айниқса, нуфузли мусобақаларга тайёргарлик олиб бораётган спортчиларнинг жисмоний юксак ҳолатини сақлаб қолиш масаласида сусткашликка йўл қўйилган вазиятлар ҳам бўлди. Бироқ Ўзбекистон Миллий Олимпия қўмитаси, спорт федерациялари ва тегишли ташкилотлар билан ҳамкорликда кўрилган тизимли чора-тадбирлар натижасида машғулотларни масофадан олиб бориш дастури ишлаб чиқилди. Биласиз, тўрт йил кутилган «Токио–2020» Олимпия ўйинлари бир йилга кечиктирилди, жуда кўплаб спорт мусобақалари қолдирилди, ўқув-машғулот йиғинлари тўхтатилди. Бундай қалтис жараёнда рости, жаҳон спорти бир муддат «ўзини йўқотиб қўйганлиги» бор гап. Шундай бўлсада, кундалик фаолияти жисмоний тарбия билан боғлиқ юртдошларимизда спорт ҳаёти бир зум бўлсада тўхтагани йўқ. Эътиборлиси, мамлакатимиз жисмоний тарбия ва спорт тизими, унинг минглаб мураббий ва спортчилари, мутахассислари коронавирус билан мардонавор курашмоқда. Спортчи ва тренерлар, мутахассисларимиз бу кунлар ўтиб кетиши, олдинда Ватанимиз шаъни ҳимоя қилинадиган жиддий мусобақалар кутиб турганини теран англашмоқда. Шу боис, жорий йилнинг 16 мартидан эълон қилинган дастлабки карантин давридан спортчи ва тренерлар машғулотларни тўхтатгани йўқ. Бу борада махсус ўқув режалар ва машғулотлар мундарижаси ишлаб чиқилиб, спорт мактаблари ва федерациялар орқали ҳар бир тренерга етказилди. Улар эса, ўз навбатида, қўл остида шуғулланиб келаётган спортчилар билан онлайн машғулотлар ўтказишни бошлади. Бундан ташқари, Ўзбекистон Миллий телерадиокомпанияси «Спорт» телеканали билан ҳамкорликда малакали тренерлар иштирокида онлайн теледарслар ўтказиш йўлга қўйилди ва ҳар куни эрталабки дастурлар орқали 10 дақиқадан уй шароитида бажариш мумкин бўлган машқлар намойиш этиб борилмоқда. Қолаверса, таниқли спортчи ва тренерлар иштирокида «Спорт билан коронавирусни енгамиз!» акцияси доирасида видеороликлар тайёрланиб, телеканаллар, ижтимоий тармоқлар ва интернет сайтлари орқали мунтазам ёритилмоқда.

Жисмоний тарбия ва спорт вазирлиги тизимидаги таълим муассасаларида 1 апрелдан масофавий ўқитиш жорий этилди. Барча фанлардан тайёрланган маърузаларни видеопортал ҳамда телеграм каналлари орқали етказиш йўлга қўйилди. “Online maktab” лойиҳаси доирасида ташкил этилган масофавий телевизион видеодарслар орқали мактаб-интернат ўқувчилари умумтаълим фанларини тўлиқ ўзлаштиришига эришилди. Ихтисослаштирилган таълим муассасалари битирувчиларининг якуний давлат аттестацияси имтиҳонларини онлайн (масофавий) тарзда давлат имтиҳонлари шаклида ўтказиш йўлга қўйилди. Шунингдек, Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази ва унинг Нукус, Самарқанд, Фарғона филиалларида масофавий ўқитишга жами 1 352 нафар тингловчи ҳамда 145 нафар профессор-ўқитувчи жалб этилди.

Дарвоқе, вазирлигимиз томонидан амалга оширилган хайрли ишлардан яна бири — пойтахтимиздаги Олимпия шон-шуҳрати музейига карантин даврида уйда қолган юртдошларимиз учун Olympic virtual muzey хизмати йўлга қўйилганлигидир. Ушбу хизматдан фойдаланиш орқали халқимиз уйида туриб жаҳон ареналарида ўзбек спортининг довруғини кўкларга кўтариб келаётган спортчиларнинг ёрқин ғалабалари акс этган фотолавҳалардан баҳраманд бўлиши мумкин.

— Карантин даврида вазирлик ташаббуси билан кўплаб онлайн мусобақа ва челленжлар ташкил этилди. Умуман, авваллари онлайн мусобақалар жуда кам ўтказиларди. Шу маънода, аҳолининг масофавий баҳсларга қизиқиши қандай бўлди, ушбу тадбирлар кутилган даражада самара бердими?

— Дарҳақиқат, карантин даврида халқимизни уй шароитида жисмоний тарбия ва спорт билан мунтазам шуғулланишга даъват этиш мақсадида қатор челленжлар ўтказилди ва бу жараён ҳамон давом этмоқда. Эътиборлиси, бу мусобақаларга кўпроқ ҳаваскорларни жалб этишга ҳаракат қилдик. Жумладан, юртдошларимиз орасида спорт билан фаол шуғулланишни кенг тарғиб этиш мақсадида «уйда қол!»«ҳаётга қўшил!»“sport challenge” эълон қилинди. 6 апрелдан 10 майгача давом этган челленжга республикамизнинг барча ҳудудларидан уй шароитида бажарилган спорт машғулотлари акс этган жами 10 мингдан ортиқ видеолавҳа келиб тушди. Умумий ҳисобда челленж ўртача 25-30 минг юртдошимизни қамраб олди, десам муболаға бўлмайди. Челленж 7 та босқичда ташкил этилди. Қувонарлиси, челленжни юртдошларимиз жуда илиқ қарши олишди. Масалан, Навоий вилояти Нурота туманидан юборилган бир видеороликда уч, эҳтимол тўрт авлод вакиллари иштирок этганлиги бизни ҳайратга солди. Роликда 86 ёшли онахон, унинг 68 ёшли ўғли, 63 ёшли келини, 35-40 ёшлар атрофидаги ўрта авлод вакиллари, булар набиралари бўлса керак назаримда, ёш болакайлар, қисқаси 6-7 киши иштирок этишган. Шунингдек, халқимиз орасида компьютер спорти, яъни киберспортни янада оммалаштириш мақсадида Esports Uzbekistan федерацияси билан ҳамкорликда мамлакатимизда илк маротаба “MINSPORT ONLAYN KUBOGI” ташкил этилди. Киберспорт мусобақасида жами 4 617 нафар ҳаваскор спортчи қатнашди.

Қолаверса, 11 майдан 20 майга қадар «Уйда қол ва ғалаба қозон!» шиори остида шахмат бўйича биринчи онлайн Ўзбекистон чемпионати ташкил этилди. Мазкур турнир онлайн тарзда, швейцарча тизимда Chess.com ўйин платформаси орқали ўтказилди. Ўнта турдан иборат мусобақа кўпчиликда ижобий таассурот қолдирди. 3 000 нафарга яқин ҳаваскор шахматчи иштирок этган мусобақада 10 нафар ғолиб аниқланди. Бу рўйхатга яна каратэнинг «ката» ва таэквондонинг «пумсе» йўналишлари бўйича ўтказилган онлайн мусобақалар, баҳодирлар ўйинлари ва тош ¬кўтариш бўйича онлайн Ўзбекистон чемпионати, онлайн югуриш каби мусобақаларни қўшиш мумкин.

Санаб ўтилган челленжлар юртдошларимиз томонидан жуда яхши кутиб олингани, қолаверса, пандемия сабабли карантин ҳолати чўзилаётгани, мазкур вазиятда аҳолини жисмоний тарбия ва спорт билан шуғулланишга жалб этиш орқали улар саломатлигини мустаҳкамлаш ва иммунитетини кўтаришга ҳиссамизни қўшиш мақсадида вазирлигимиз ташаббуси билан «Онлайн юриш», «Онлайн югуриш», «Онлайн веломарафон», «Онлайн шахмат» челленжи ҳамда киберспорт бўйича 8 та йўналишда “MinSport eSropts CUP” мусобақаларини янги йилгача давом эттиришга қарор қилдик. Ушбу тадбирлар орқали аҳоли орасида соғлом турмуш тарзини кенг тарғиб қилиш, уларнинг бўш вақтларини мазмунли ташкил этиш кўзда тутилган. Онлайн мусобақа ва челленжларда фаол қатнашган юртдошларимиз нафақат саломатлигини мустаҳкамлаши, балки қимматбаҳо совғалар, жумладан, онлайн шахмат мусобақасининг мутлақ ғолиби “Spark” автомобилини қўлга киритиш имкониятига эга бўлади.

Президентимизнинг 2020 йил 24 январдаги «Ўзбекистон Республикасида жисмоний тарбия ва оммавий спортни янада такомиллаштириш ва оммалаштириш чора-тадбирлари тўғрисида»ги фармонига мувофиқ, вазирлигимиз олдига жорий йилда жисмоний тарбия ва спорт билан мунтазам шуғулланаётган аҳоли сонини 18 фоизгача етказиш вазифаси қўйилган. Гарчи пандемия туфайли спорт тадбирлари ўтказилмаётган бўлсада, бу вазифани ҳеч ким зиммамиздан соқит қилмаган. Онлайн спорт тадбирлари орқали биз ана шу вазифани бажаришга ҳаракат қилмоқдамиз. Қолаверса, оммавийликни оширмасдан туриб, профессионал спортда улкан ютуқларга эришиб бўлмайди.

— Токио — 2020 Олимпиадасига тайёргарлик бугунги кунда Жисмоний тарбия ва спорт вазирлиги олдига қўйилган устувор вазифалардан бири. Бу борада қандай ишлар амалга оширилмоқда?

— Токио Олимпиадасига муносиб тайёргарлик кўриш давлатимизнинг доимий эътиборида. Ўзбекистон Президентининг 2017 йил 9 мартдаги “Ўзбекистон спортчиларини 2020 йил Токио шаҳри (Япония)да бўлиб ўтадиган ХХХII ёзги Олимпия ва ХVI Паралимпия ўйинларига тайёргарлик кўриши тўғрисида”ги қарорига мувофиқ, тўрт йилликнинг энг нуфузли мусобақасига тайёргарлик ишлари мураккаб вазиятга қарамасдан тасдиқланган дастур асосида олиб борилмоқда. Пандемия шароитида ҳам бўлғуси олимпиячиларга барча қулайликлар яратиб берилди. Ҳар бир олимпиячи учун уй шароитида машғулотларни тўлақонли олиб бориши, уларнинг саломатликларини мунтазам назорат қилиш борасида махсус дастур ишлаб чиқилиб, кунлик, ҳафталик машғулотлари таҳлил этиб борилди. Карантин кунлари ҳар бир спортчи, унинг оила аъзолари билан алоҳида-алоҳида мулоқотлар ўтказилди. Жисмоний ва руҳий мувозанатлари бириктирилган шифокорлар, диетолог ва руҳшунослар орқали кузатувда бўлди. Зарур ҳолларда оиласига, маҳалласига керакли ёрдамлар кўрсатилди. Тўғри, пандемия туфайли режадаги ўқув машғулотларнинг дастурига ўзгартиришлар киритилди, аммо уларнинг моҳияти, туб негизи асл ҳолат, режа асосида давом эттирилмоқда.

Спортчиларимизнинг Олимпия ва Паралимпия ўйинларига муносиб тайёргарлик кўришини таъминлаш мақсадида 13 та спорт тури бўйича 18 та хорижий тренер жалб қилинган. Уларнинг аксарияти, аниқроғи, 15 нафари карантин даврида ҳам юртимизда қолиб, шогирдлари билан онлайн шуғулланди. Бундан ташқари, Олимпия спорт турлари бўйича миллий терма жамоаларга жалб этилган хорижлик малакали тренер-маслаҳатчи ва мутахассислар билан ҳудудлардаги ёш ва иқтидорли спортчилар учун онлайн маҳорат дарслари ўтказилмоқда. Негаки, бу ёшлар ўзбек спортининг эртаси, айнан улар вақти келиб, терма жамоалардан ўрин эгаллайди. Аниқ мисоллар билан айтадиган бўлсам, шу кунгача Ўзбекистон дзюдо федерацияси томонидан япониялик мутахассис Тому Тори иштирокида Қорақалпоғистон Республикаси, Хоразм, Бухоро, Андижон, Фарғона, Наманган вилоятларида, Ўзбекистон ВТФ таэквондо ассоциацияси ташаббуси билан жанубий кореялик мутахассис Жинг Юнг Ким иштирокида Андижон, Фарғона ҳамда Наманган вилоятларида, Ўзбекистон спорт курашлари ассоциацияси ташаббуси билан мураббийлар -Арсен Ахметов ҳамда Заза Силагадзе иштирокида барча ҳудудларда, Ўзбекистон енгил атлетика федерациясида фаолият юритаётган россиялик Борис Жгир иштирокида Қорақалпоғистон Республикаси, Хоразм ва Бухоро вилоятларида онлайн семинар ҳамда маҳорат дарслари ташкил этилди. Тажрибали мураббийлардан бугун олинаётган билим ва тажриба эса уларга келгуси фаолиятида қўл келишига шубҳа йўқ.

2021 йилга қолдирилган Олимпия ўйинларига ҳозиргача спортчиларимиз 15 та спорт тури бўйича (теннис, велосипед, байдарка ва каноэда эшкак эшиш, юнон-рум кураши, оғир атлетика, спорт гимнастикаси, енгил атлетика, замонавий бешкураш, таэквондо WTF, бокс, пара ўқ отиш, параканоэ, пара сузиш, пара енгил атлетика, пара таэквондо) жами 40 та йўлланмани қўлга киритган. Афсуски, пандемия сабабли Олимпия ўйинларига йўлланмаларни тўғридан-тўғри тақдим этувчи 20 га яқин халқаро мусобақа ўтказилмай қолди. Ҳозир Халқаро олимпия қўмитаси қолдирилган саралаш мусобақаларининг муддатларини кўриб чиқмоқда.

Республика махсус комиссияси Олимпия спорт турлари бўйича мамлакат терма жамоаси аъзоларига спорт мажмуаларида Токио ўйинларига тай¬ёргарлик кўришни бошлашга рухсат берди. Шунга асосан, ҳозир терма жамоаларимиз аъзолари махсус базаларда карантин қоидаларига қатъий амал қилган ҳолда ва шифокорларнинг доимий назорати остида ўқув йиғинларга киришган. Таҳлилларимизга кўра, спортчиларимиз 22 та спорт туридан Олимпия ва Паралимпия ўйинларининг яна 74 та йўлланмасини қўлга киритиш остонасида турибди. Албатта, ютуқлар ўз-ўзидан қўлга киритилмайди. Ҳар бир йўлланма ортида тинимсиз меҳнат, эътибор, тренер ва мутахассисларнинг изланишлари ётади. Шу мақсадда Ўзбекистон Миллий Олимпия қўмитаси ва тегишли ташкилотлар ҳамкорлигида ўтган йилдан эътиборан Олимпия — 2020 штаби самарали фаолият кўрсатиб келмоқда.

— Жисмоний тарбия ва спорт вазирлиги олдига қўйилган устувор вазифалардан бири оммавийликни ошириш, аҳоли орасида жисмоний маданиятни шакллантиришдан иборат. Бу борада қандай ишлар олиб борилмоқда?

— Жисмоний тарбия ва спорт вазирлиги ёшлар орасида соғлом турмуш тарзини фаол тарғиб этиш, Президентимиз томонидан илгари сурилган 5 та муҳим ташаббуснинг иккинчи йўналиши ижросини таъминлаш мақсадида тизимли равишда жойларда «Ёшлар ҳафталиги», «Маҳалла ва нуронийлар ҳафталиги», «Таълим муассасалари ҳафталиги», «Хотин-қизлар ҳафталиги» мусобақаларининг календарь режаси ишлаб чиқиб, шу кунгача минифутбол бўйича ҳудудий жисмоний тарбия ва спорт бошқармалари кубоги учун мусобақалар ўтказилди. Унга жами 106 056 нафар уюшмаган ёш жалб этилди, эътиборлиси, шундан 35 866 нафарини хотин-қизлар ташкил қилди.

Республика махсус комиссияси қарори билан пандемия талаблари аста-секин юмшатилиб бориши натижасида 2020 йил июнь ойида вазирлигимиз ташаббуси билан жами 329 та оммавий спорт тадбири ўтказилди. Мазкур тадбирлар карантин қоидалари асосида иштирокчилар сони 30-40 кишидан ошмаган ҳолда ташкил этилди. Шунингдек, «Ёшлар ойлиги» ҳамда 23 июнь — Халқаро Олимпия куни муносабати билан бир қатор спорт тадбирлари ташкил этилди. Масалан, 22 июнь куни Тошкент шаҳридаги «Эко парк» сайилгоҳида 30 июнь — Ёшлар куни муносабати билан мусобақалар ҳамда таниқли спортчилар билан учрашув бўлиб ўтди. Спорт мусобақалари доирасида шаҳардаги болалар ва ўсмирлар спорт мактабларининг ўқувчи ёшлари волейбол, бадминтон, минифутбол ҳамда стол тенниси бўйича ўзаро баҳслашишди. Шунингдек, 28 июнь куни «Ёшлар ойлиги» доирасида республикамизнинг барча ҳудудлари бўйлаб онлайн югуриш марафони ўказилди. Унда 2 минг 500 га яқин юртдошимиз рўйхатдан ўтган бўлса, шундан 1 500 нафари ¬онлайн югуриш марафонида ўз имкониятини синаб кўрди. Бу каби тадбирлар мамлакатимизнинг барча «яшил» ҳудудларида ташкил этилди.

Оммавийлик борасида сўз кетганда, Президентимизнинг «Ўзбекистон Республикасида жисмоний тарбия ва оммавий спортни янада такомиллаштириш ва оммалаштириш чора-тадбирлари тўғрисида» фармонига мувофиқ, Жисмоний тарбия ва спорт вазирлиги Маҳалла ва оилани қўллаб-қувватлаш вазирлиги билан ўзаро ҳамкорликда жисмоний тарбия ва спорт соҳасида аҳоли соғлиғини мустаҳкамлашга кўмаклашиш, аниқ дастурларни амалиётга жорий этиш, ёшларни спортга кенг жалб қилиш ва аҳолига қўшимча шарт-шароитлар яратиш мақсадида «Жисмоний тарбия ва спорт ривожланган энг яхши маҳалла» кўрик-танлови ўтказиши белгиланган. Мазкур кўрик-танловнинг биринчи босқичи туман(шаҳар)лар кесимида июнь ойида, иккинчи босқичи Қорақалпоғистон Республикаси, вилоятлар ва Тошкент шаҳри кесимида октябрь ойи якунига қадар ўтказилиши кўрсатилган. Ҳозир аҳолининг жисмоний тарбия ва спорт билан шуғулланиши бўйича биринчи босқич совриндорларини аниқлаш мақсадида республикамизда мавжуд 9 145 та маҳалладан 3 200 таси бўйича маълумотлар республика ишчи гуруҳига тақдим этилди.

— Самарқанд шаҳрида Россия давлат жисмоний тарбия, спорт, ёшлар ва туризм университети филиали ташкил этилди. Бу таълим муассасасида қандай мутахассислар тайёрланади?

— Ўзбекистон Президенти қарорига мувофиқ 2019 йил 8 майда ташкил этилган ушбу филиалга 2019-2020 ўқув йилида 150 нафар (шундан 45 таси давлат гранти асосида) талаба ўқишга қабул қилинди. Филиал биносида амалга оширилаётган ишлар якунига етмаганлиги сабабли 2019-2020 ўқув йилида талабалар Ўзбекистон давлат жисмоний тарбия ва спорт университетида шу олийгоҳнинг профессор-ўқитувчилари раҳбарлигида таҳсил олишди. Мазкур филиалда спорт фаолияти йўналиши, яъни спортнинг асосан ўйин турлари, жумладан, футбол, волейбол, баскетбол, қўл тўпи, теннис ва енгил атлетика бўйича мутахассислар, тренерлар тайёрланади.

Манзилли дастур доирасида Россия давлат жисмоний тарбия, ёшлар, спорт ва туризм университетининг Самарқанд филиали учун 400 ўринли ётоқхона қурилиши ҳамда мавжуд ўқув биноларини таъмирлаш учун жами 21,0 млрд. сўм маблағ ажратилган бўлиб, бу ерда амалга оширилаётган қурилиш-таъмирлаш ишлари якунланиш арафасида.

PS: Хулоса қилиб айтадиган бўлсак, бу йил барча жабҳаларда бўлгани каби жисмоний тарбия ва спорт соҳаси вакиллари учун ҳам синовли йил бўлмоқда. Белгиланган кўплаб спорт мусобақалари ўтказилмади, ўқув-машғулот йиғинлари бекор қилинди. Лекин ҳали йил якунлангани йўқ. Ҳозир Жисмоний тарбия ва спорт вазирлиги тегишли ташкилотлар билан ҳамкорликда 2020 йилнинг қолган даври учун алоҳида, қисқартирилган спорт мусобақалари тақвимини ишлаб чиқмоқда. Бунда муҳим чемпионатлар, халқаро турнирлар эътибордан четда қолмайди. Карантин даври ортда қолиши билан шиддатли спорт мусобақалари, қизғин беллашувлар даври бошланади. Айниқса, аҳолининг турли қатламларини қамраб оладиган оммавий спорт тадбирларига кенг ўрин берилади. Мақсад аниқ — юртдошларимиз орасида фаол соғлом турмуш тарзи кўникмасини шакллантириш, аҳоли саломатлигини янада мустаҳкамлаш.

Бугун мамлакатимизда спорт инфратузилмасини янги босқичга олиб чиқишга қаратилган кенг ислоҳотлар, бунёдкорлик ишлари яқин келажакда ўзбек спортининг имкониятлари чексизлигини ва истиқболини жаҳонга намоён этади. Муҳими, жисмоний тарбия ва спортга берилаётган эътибор орқали миллат генофонди соғломлашади. Соғлом миллат эса улкан ғалабаларга, қолаверса, интеллектуал юксалишларга қодир.

Жисмоний тарбия ва спорт вазирлиги

Матбуот хизмати

O‘zbekiston yengil atletika federatsiyasi O‘zbekiston Milliy olimpiya qo‘mitasi va O‘zbekiston Respublikasi Jismoniy tarbiya va sport vazirligi ko‘magida yengil atletika sohasidagi yetakchi mutaxassislar ishtirokida seminar.

Seminar mavzusi: "Pandemiyada o'quv mashg'ulotlarini tashkil etish va o'tkazish".

Konferentsiya ZOOM platformasida tashkil etiladi.

Sana: 2020 yil 24-iyul.

Vaqt: 24 iyul 2020 yil Toshkent vaqti bilan soat 12:00 (veb-seminarga 11: 45dan ulanishingiz mumkin).

Seminar ishtirokchilari: Boris Jgir (mutaxassis, Rossiya), Shuxrat Usmonov (psixolog), Guzel Xubbieva (bosh murabbiy), terma jamoalar va mintaqalarning katta murabbiylari, murabbiylar, yengil atletika federatsiyasi mutaxassislari, sportchilar va boshqa mutaxassislar.

ZOOMga qo'shilish uchun ikki usuldan birini tanlang:

1. https://us02web.zoom.us/j/87240572344?pwd=UktQZmk5ZlY0TmZuNHRSQ09YWkZldz09
2. Konferentsiya ID raqami: 872 4057 2344,   kirish kodi: 123456

 “ZOOM”ni yuklab olish uchun: https://zoom.us/download

Айни пайтда юзага келган эпидемиологик вазият барчани коронавирусга қарши жиддий курашга чорлайди. Айни шу мақсадда Ўзбекистон Миллий олимпия қўмитаси ҳам катта кўламда иш олиб бормоқда. Ташкилотнинг қўллаб-қувватлаши билан AthleticWorld компанияси COVID-19 га қарши курашиш йўлида Anolit ANK DEZY янги авлод анти-бактериясини ишлаб чиқара бошлади.

Ушбу модда бактерия ва вирусларга ўта кучли таъсирга эга бўлиб, инсон саломатлиги учун асло зарари йўқ. Унинг таъсир кучи Ўзбекистон Республикаси Соғлиқни сақлаш вазирлиги томонидан ижобий баҳоланган. Айни пайтда Ўзбекистон МОҚнинг барча хоналари мазкур анти-бактериал модда билан дезинфекция қилиб чиқилди. Келинг, шу ўринда ушбу модданинг биологик ва кимёвий хоссаларига ҳам тўхталиб ўтсак.

Модда ўзида 0,02дан 0,08 фоизгача фаол хлорни ушлаб туради. Натижада микроблар ва бактериялар яшаш тарзи бузилиб, тез орада нобуд бўлади. Ундаги фаол моддаларнинг консетрацияси жуда паст бўлгани боис маҳсулот атроф-муҳит ва одамлар учун асло зарарсиздир. Сақланиш муддати қулай шароитда 1 ойгача. Кучли оксидант хусусияти туфайли жуда хам эффектив дезинфектор модда хисобланади. Олимларнинг тадқиқотларига кўра, Anolit ANK DEZY нафақат коронавирус, балки минтақамизда учрайдиган бошқа инфекцияларини ўлдириш хусусиятига ҳам эга.

Ўзбекистон Миллий олиммпия қўмитаси бундай самарали воситани келажакда барча спорт базалари, иш жойлари, мусобақа заллари, атлетларимиз яшайдиган ётоқхоналар, ошхоналарга ҳам татбиқ қилишни ўз олдига мақсад қилиб қўйган.

Жисмоний тарбия ва спорт вазирлигидан “Ўзбекистон Меҳр-шафқат ва саломатлик” жамоат фондига қарийб 600 миллион сўм саҳоват кўрсатилди

COVID-19 пандемиясига қарши курашда фуқароларимизни руҳан қўллаб-қувватлаш мақсадида “Ўзбекистон Меҳр-шафқат ва саломатлик” жамоат фонди ташкил этилганидан хабарингиз бор. Бугунги синовли кунларда юртдошларимиз коронавирус пандемиясидан жабр чеккан аҳолини ҳар томонлама қўллаб-қувватлаш мақсадида саҳоват кўрсатишмоқда.

Хайрли ишдан Ўзбекистон Республикаси Жисмоний тарбия ва спорт вазирлиги ҳамда унинг тизимидаги ташкилотлар ҳам четда қолаётгани йўқ. Мамлакатимиз спорт жамоатчилиги ҳам халқимиз бошига мусибат тушган шу кунларда улар билан бир тану бир жон эканлигини намойиш этишмоқда.

Жисмоний тарбия ва спорт вазирлиги ҳамда унинг тизим ташкилотлари томонидан “Ўзбекистон Меҳр-шафқат ва саломатлик” жамоат фондига жами 599 120 115 (беш юз тўқсон тўққиз миллион бир юз йигирма минг бир юз ўн беш) сўм миқдоридаги маблағ хайрия тарзида ўтказиб берилди.

Саҳоватли спортчи ва тренерларимиз ҳам мазкур акцияда фаол иштирок этишмоқда. Бунга Миржалол Қосимов, Одил Аҳмедов, Отабек Шукуров ва бошқа кўплаб спорт соҳаси вакилларининг коронавирус пандемиясидан азият чекаётган аҳолини қўллаб-қувватлаш йўлида кўрсатаётган беғараз ёрдамларини мисол келтириш мумкин.

Албатта, давлатимиз ғамхўрлиги натижасида ҳеч ким ҳеч нарсага муҳтожлик сезгани йўқ, бундай бўлмайди ҳам. Зеро, бағрикенг халқимиз синовли кунларда ҳеч қачон бир-бирини ёлғизлатиб қўймайди. Бу каби акциялар синовли дамларда халқимизни янада жипслаштириб, улар ўртасида ҳамжиҳатликни кучайтиради, ҳар қандай вазиятда ҳам ҳар бир инсон давлат ва жамият эътиборидан четда қолмаслигини амалда исботлайди.

Жисмоний тарбия ва спорт вазирлиги
Матбуот хизмати​

“Кўнгилли спортчилар” гуруҳи табиий офат оқибатларини бартараф этишга кўмаклашмоқда

Жорий йилнинг 27 апрель оқшомида қўшни Туркманистон орқали юртимизга кириб келган кучли шамол Бухоро вилояти катта талофат кўрганди.

Табиий офат оқибатларини бартараф этиш йўлида Бухоро вилоятида нафақат маҳаллий аҳоли, балки мамлакатимизнинг турли ҳудудларидан келган кўнгиллилар ҳам бир тану бир жон бўлиб меҳнат қилмоқда.

Жисмоний тарбия ва спорт вазирлиги ташаббуси билан бухоролик 150 нафар спортчи ва тренерлардан ташкил топган “Кўнгилли спортчилар” гуруҳи ҳам табиий офатдан энг кўп жабр кўрган Бухоро вилоятининг Олот ҳамда Қоракўл туманларидаги маҳаллий аҳолининг турар жойлари, шунингдек жисмоний тарбия ва спорт иншоотларини таъмирлаш ишларига яқиндан кўмаклашмоқда. Жисмоний тарбия ва спорт вазири ўринбосари Нодир Муротов ҳам шу кунларда Бухоро вилоятида бўлиб турибди ва мазкур жараённинг қандай бораётганини назорат қилиб бормоқда.

Бу жараёнда “Кўнгилли спортчилар” гуруҳи аъзолари карантин қоидаларига қатъий амал қилиб, юртдошларимизнинг оғирини енгил қилишга ўз ҳиссаларини қўшмоқда.

“Кўнгилли спортчилар” гуруҳи томонидан бу каби эзгу ишлар табиий офатлар оқибати тўлиқ бартараф этилгунча давом этади.

Жисмоний тарбия ва спорт вазирлиги
Матбуот хизмати

Sportchilar tomonidan Sardoba fojeasida jabr chekkan oilalarga insonparvarlik yordami joʻnatildi

Xalqimiz boshiga jiddiy sinovlar tushayotgan shu kunlarda Oʻzbekiston aholisi bir yoqadan bosh chiqargan holda bu musibatlarga qarshi birlashmoqda.

Bir necha kun oldin Sirdaryo viloyatidagi Sardoba suv omborida yuz bergan falokat ham jafokash xalqimizni bir maqsad yoʻlida birlashtirdi. Bu fojea Oʻzbekiston Respublikasi Jismoniy tarbiya va sport vazirligi va tizimdagi barcha tashkilotlar rahbar va xodimlarini befarq qoldirgani yoʻq.

Shu munosabat bilan, 2-may kuni Jismoniy tarbiya va sport vazirligi tizimidagi ishchi-xodimlar, sportchilar va trenerlar Sardoba fojeasida jabr koʻrgan oilalarga yordam aksiyasini boshlashdi.

Ular tomonidan toʻplangan buyumlar, oziq-ovqat mahsulotlari, issiq kiyim-kechaklar, gigiyenik vositalar, kir yuvish mashinalari, sport kiyimlari va jihozlaridan iborat “Sahovat karvoni” kechaning oʻzida Sirdaryo viloyatiga yetkazib berildi.

Jismoniy tarbiya va sport vazirligi tomonidan yuborilgan homiylik koʻmagi Guliston olimpiya zaxiralari maktab-internati hamda Sirdaryo viloyati bolalar-oʻsmirlar futbol akademiyasi (Futbol mahorati maktabi) yotoqxonalariga vaqtinchalik evakuatsiya qilingan yurtdoshlarimizga yetkazib berildi.

Shuningdek, bu yerga joylashtirilgan fojeadan jabr chekkan yurtdoshlarimizning boʻsh vaqtlarini mazmunli tashkil etish hamda ularni ruhiy qoʻllab-quvvatlash maqsadida stol tennisi, shaxmat-shashka sport turlari boʻyicha bir qator musobaqalar ham tashkil etilmoqda.

Bugun, 3-may kuni ham Jismoniy tarbiya va sport vazirligining “Sahovat” aksiyasi doirasida Toshkent shahrida yigʻilgan roʻzgʻor buyumlari, issiq kiyim-kechaklar, oziq-ovqat mahsulotlari, maktab oʻquvchilari uchun badiiy kitoblar ham oʻquv qurollari va boshqa turdagi mahsulotlardan tashkil topgan ikkinchi “Sahovat karvoni” Sirdaryo viloyatiga joʻnatildi.

Jismoniy tarbiya va sport vazirligi Matbuot xizmati

О'z-o'zini izolyatsiya qilishda o'zini qanday tutish haqida 4 ta maslahat

Bilib qoʻygan yaxshi: sportda eng koʻp uchraydigan 5 ta doping moddasi

Doping — organizmning ruhiy va jismoniy faoliyatini qisqa muddat kuchaytiradigan moddalar hisoblanadi. Maʼlumki, sportda doping moddalaridan foydalanish qatʼiyan taʼqiqlanadi. Ammo, bir paytlar doping moddalaridan sport oʻyinlari natijalarini yaxshilash maqsadida foydalanilgan.

Sportchilar orasida doping moddalaridan zaharlanish va oʻlim holatlari kuzatilganligi uchun Xalqaro olimpiya qoʻmitasi 1967-yildan sport oʻyinlari chogʻida doping qabul qilishni man etgan va qatʼiy nazorat oʻrnatgan. Qatʼiy qonun qoidalarga koʻra, hozirda doping ishlatgan sportchilar musobaqalardan hatto bir necha yilga chetlashtiriladi.

Doping soʻzi inglizcha doping, dope soʻzlaridan olingan boʻlib, “narkotiklar bermoq” degan maʼnoni anglatadi. Bugungi kunda doping moddalarining bir nechta turlari mavjud. Hozir eʼtiboringizga sportda eng koʻp uchraydigan 5 ta doping moddasi haqida maʼlumot berib oʻtamiz.

1. EPO (eritropoetin). Koʻproq siklik sport turlariga mansub: velosport, changʻi sporti, biatlon, suzish va boshqalar.

2. Anabolik steroidlar (testesteron, stanozolol, nandrolon, metenolon). Koʻproq yengil va ogʻir atletika, suzish, changʻi sporti va boshqalarga mansub.

3. Diuretiklar, yoki siydik xaydovchilar (xlortalidon, atsetazolamid, triamterin, furosemid). Koʻproq badiiy gimnastika, figurali uchish, yengil va ogʻir atletikaga mansub.

4. Qon va qon komponentlarini quyish. Koʻproq velosport, yengil atletika, changʻi sporti va boshqalarga mansub.

5. Neyrostimulyatorlar, yoki ruhiyatni qoʻzgʻatuvchilar (kokain, efedrin, ekstazi va amfetaminlar). Ular deyarli barcha sport turlariga mansub – boksdan boshlab to badiiy gimnastikagacha.

Jismoniy tarbiya va sport vazirligi
Matbuot xizmati 

Ҳурматимиз чексиз сизга азиз шифокорлар!

Ҳозирги синовли даврда шифокор ва тиббиёт ходимларига замонамизнинг ҳақиқий қаҳрамонлари деб таъриф берамиз. Уларнинг жасорати ва саъй-ҳаракатлари эвазига 600 нафарга яқин коронавирусга чалинган ҳамюртимиз соғ-саломат ўз оиласи бағрига қайтди.

Юртимизнинг таниқли спортчилари, спорт жамоатчилиги халқимиз саломатлиги йўлида тинимсиз ишлаётган шифокор ва тиббиёт ходимларига миннатдорчилик билдириб, уларнинг жасоратини чексиз олқишлаб қолади.

Азиз ҳамюртим, ўзингиз ва яқинларингизнинг саломатлиги учун уйда қолинг!

Ўзбекистон Республикаси Президентининг 2020 йил 24 январдаги ПФ–5924-сон Фармонига мувофиқ Олимпия ва паралимпия спорт турлари бўйича Олимпия ва Паралимпия ҳамда Осиё ва Параосиё ўйинлари, жаҳон, Осиё ва республика чемпионатларида охирги уч йилда ғолиб ва совриндор (1 – 3 ўрин) бўлган спортчи-ўқувчиларни олий таълим муассасаларига (тиббиёт йўналишидан ташқари) имтиёзли ўқишга қабул қилиш бўйича Имтиёзга эга спортчиларнинг ҳужжатларини қабул қилиш бошланди.

Унга кўра ғолиб ва совриндор спортчи-ўқувчиларнинг ҳужжатлари жорий йилнинг 25 апрелидан 15 майига қадар Қорақалпоғистон Республикаси Жисмоний тарбия ва спорт вазирлиги, вилоятлар ва Тошкент шаҳар жисмоний тарбия ва спорт бошқармаларида масофавий электрон шаклда қабул қилинади.

Шунингдек, ғолиб ва совриндорларни ҳужжатларини кўриб чиқиш учун Жисмоний тарбия ва спорт вазирлигининг Махсус комиссияси ташкил этилган бўлиб, ғолиб ва совриндор спортчи-ўқувчилар томонидан тақдим этилган ҳужжатлари жорий йилнинг 20 майига қадар Махсус комиссияга электрон шаклда тақдим этилади.

Ғолиб ва совриндор спортчи-ўқувчилар томонидан тақдим этилган ҳужжатлар Жисмоний тарбия ва спорт вазирлигининг Махсус комиссияси томонидан кўриб чиқилиб, жорий йилнинг 15 июнига қадар Ўзбекистон Республикаси таълим муассасаларига ўқишга қабул қилиш Давлат комиссиясига тақдим этилади.

Республика ва халқаро спорт мусобақалари ғолиблари ва совриндорлари томонидан тақдим этиладиган ҳужжатлар рўйхати қуйидагилар:

1. Республика олий спорт маҳорати мактаблари директорларининг имтиёзга эга спортчига 2020/2021 ўқув йилида олий таълим муассасасига кириш бўйича тавсиянома;

2. Имтиёзга эга спортчининг Жисмоний тарбия ва спорт вазири номига 2020/2021 ўқув йилида олий таълим муассасасига кириш тўғрисида ёзган аризаси (захира сифатида қўшимча яна 2 та олий таълим муассасаси (тиббиёт ва ҳарбий олий таълим муассасаларидан ташқари) ҳамда олий таълим муассасаларининг таълим йўналиши, шифри, таълим шакли ва тили аниқ кўрсатилиши шарт);

3. Мусобақа дипломи;

4. Мусобақа буйруғи нусхаси;

5. Мусобақа низоми нусхаси (тасдиқланган ҳолда аслига тўғри);

6. Мусобақа баённомаси нусхаси (тасдиқланган ҳолда аслига тўғри);

7. Имтиёзга эга спортчининг паспорти нусхаси;

8. Имтиёзга эга спортчининг рейтинг дафтарчаси нусхаси;

9. Имтиёзга эга спортчи тамомлаётган таълим муассасидан маълумотнома;

10. 3,5х4,5 см ўлчамдаги 4 дона рангли фотосурат;

11. Вилоят мусобақаси баённомаси нусхаси (Республика мусобақаларида иштирок этганлар учун)

“MY5” telekanali ham endilikda kibersportni qoʻllab quvvatlaydi: Esports Uzbekistan Federatsiyasi hamda telekanal oʻrtasida hamkorlik yoʻlga qoʻyildi

Esports Uzbekistan Federatsiyasi yurtimizdagi eng ommabop va rang-barang efirlar oʻrin olgan “MY5” telekanali bilan hamkorlikni yoʻlga qoʻydi. Endilikda kibersportni ommalashtirish va rivojlantirish yoʻlida “MY5” telekanali ham Esports Uzbekistan Federatsiyasi bilan hamkorlikda ishlaydi.

Kelishuv yuzasidan ilk hamkorlik hozirda davom etayotgan “MINSPORT ONLAYN KUBOGI”da amalga oshirilishi rejalashtirilmoqda.

25-apreldan 30-aprelga qadar ushbu kibersport musobaqasidagi markaziy va hal qiluvchi uchrashuvlar “MY5” orqali efirga uzatiladi va turnirga bagʻishlangan koʻrsatuvlar tashkillashtiriladi.

Shuningdek, Federatsiyaning kelgusi loyihalarida ham “MY5” telekanali bosh axborot hamkori sifatida musobaqalarning keng yoritilishida ishtirok etadi va hamkorlikda kibersport va Federatsiya faoliyatiga bagʻishlangan koʻrsatuvlar yoʻlga qoʻyish maqsad qilindi.

Jismoniy tarbiya va sport vazirligi
Matbuot xizmati

Дўстлар, сизга Миллий Олимпия қўмитасининг аҳил жамоаси иккинчи онлайн учрашувидан тайёрланган қисқа видеороликни улашаётганимиздан мамнунмиз. Бугун ёқимли хотиралар ҳақида суҳбат қурдик.
Улар ўтган тадбирлар ва ютуқларини хушкайфият билан эсладилар, шунингдек, ўзларининг келажакдаги ёрқин режалари ва ютуқлари билан бўлишдилар. Aнъанага кўра, Миллий олимпия қўмитаси президенти Шоабдураҳмонов Р.М. учрашувни якунлаб, ҳамжиҳатлик учун ҳамкасбларига миннатдорчилик билдирди ва карантин даврида ноанъанавий шароитда мустаҳкам ишлашда давом этишга ундади.
Миллий Олимпия Қўмитаси ушбу синовли дамда барча гуруҳларни телефонда қўнғироқлашишни унутмаган ҳолда бирдам ва ҳамжиҳат бўлишга, ҳатто масофадан туриб ишлашда ҳам барчамиз ҳамкасб ва дўст бўлиб қолишга чақиради!

Биргаликда барчасини бирга енгиб ўтамиз!

Ўзбекистон Миллий олимпия қўмитаси “МОҚ хабарлари” дастурининг учинчи сонини эътиборингизга ҳавола қилади. Бугунги чиқишимиз аввалгиларидан кўпроқ бўлди. Боиси дастуримиз бугунги кун санаси, жаҳон ва ўзбек спортидаги аҳамиятли янгиликлар, бир-биридан қизиқарли машғулотлар жамланмасини ўз ичида акс эттирган.